Ateb y Galw: Alun Davies

Alun Davies, awdur sy'n wreiddiol o Geredigion ond sydd bellach yn byw yng Nghaerdydd sy'n Ateb y Galw yr wythnos hon.

Mae Alun newydd ryddhau ei nofel ditectif ddiweddaraf, Y Corff o Dan y Ddaear.

Er ei fod yn byw ac yn gweithio yn y brifddinas, mae dylanwad Ceredigion yn amlwg iawn yn ei nofelau. Felly dyma ddod i'w adnabod fymryn yn well.

Diwrnod cynta' yn yr ysgol feithrin yn Aberystwyth. Do'n i ddim eisiau bod yna o gwbl, ond wnes i gwrdd â rhywun sy'n dal yn ffrind da dros 40 mlynedd yn hwyrach.

Stadiwm Dinas Caerdydd. Mae gen i lot o atgofion da o wylio Cymru gyda'n ffrindiau, a nawr dwi a'n mab gyda tocynnau tymor i wylio'r Adar Gleision pob wythnos.

Boi eitha' syml.

Sefyll yn stadiwm Bordeaux yn ystod Ewros 2016 a clywed Hen Wlad fy Nhadau yn cael ei bloeddio cyn y gêm gynta' yn erbyn Slofacia. Ro'n i wedi aros 35 mlynedd i weld Cymru yn cystadlu mewn twrnament, a mae'r atgof o fod yna yn gwneud i fi wenu o hyd.

Noson cynta aduniad Oasis yn y stadiwm yng Nghaerdydd haf diwetha. Peints gyda'n ffrindiau yna cwrdd â Catrin, fy mhartner i, am fwyd cyn gwylio'r cyngerdd gore erioed, a morio canu drwy'r nos.

Cyfweliad prifysgol yn Rhydychen. Wnes i drio creu'r argraff mod i'n gwybod mwy nag oeddwn i. Wnes i ddim twyllo'r cyfwelwyr, a ges i ddim mewn.

Fydda i'n crio'n chwerthin lot mwy aml na crio'n drist. Y tro diwetha alla i gofio oedd dramor gyda'n ffrindiau i blwyddyn diwetha' - penwythnos cyfan o wneud ein gilydd i chwerthin.

Dwi ddim yn golchi'n siorts rhedeg hanner digon aml!

Gai ddewis cyfres deledu? Os felly, Succession. Mae gen i dueddiad i flino ar gyfresi hir ond wnaeth hwn gadw fy sylw tan y funud ola. Ma'r stori, yr ysgrifennu a'r actio mor wych.

Fyswn i rhywle heulog gyda fy nheulu. Diwrnod yng nghwmni'n gilydd, yna allan am y pryd o fwyd gore a'r gwin drytaf allen ni gael.

Dominic Sandbrook a Tom Holland, o bodlediad The Rest is History. Ma' ganddyn nhw ganrifoedd o straeon i'w rhannu, a fyswn i'n eistedd a gwrando.

Dwi wedi bwyta guniea pig. Ro'n i'n teithio yn Peru a mae'n fwyd traddiodiadol yno. Fyswn i ddim yn ei argymell e.

Llun o fi a 'nhadcu. Ma'r ddau ohonom ni'n edrych ar ben ein digon.

Lionel Messi yn ei anterth, i gael gwybod sut mae'n teimlo i wneud rhywbeth mor anodd edrych mor hawdd.

Dilynwch Cymru Fyw ar Facebook, dolen allanol, X, dolen allanol, Instagram, dolen allanol neu TikTok, dolen allanol.

Anfonwch unrhyw syniadau am straeon i cymrufyw@bbc.co.uk, dolen allanol neu cysylltwch drwy WhatsApp ar 07709850033.

Lawrlwythwch yr ap am y diweddaraf o Gymru ar eich dyfais symudol.