Cyhuddo dyn o Fôn wedi digwyddiad mewn gêm bêl-droed ym Mhorthmadog

Y Traeth, PorthmadogGoogle

Mae'r cyhuddiad yn ymwneud â digwyddiad mewn gêm rhwng Bae Trearddur a Phorthmadog ar 17 Ionawr

Mae cyn-chwaraewr pêl-droed i Fae Trearddur wedi cael ei gyhuddo o ymosod yn dilyn honiad ei fod wedi ymddwyn yn dreisgar mewn gêm yn erbyn Porthmadog.

Mae Thomas Taylor, sy'n 36 ac o Landdona, wedi'i gyhuddo o achosi niwed corfforol.

Fe gafodd ymchwiliad ei gynnal i ddigwyddiad mewn gêm yn nhrydedd haen y pyramid Cymreig - yr Ardal North West ar 17 Ionawr.

Wedi'r gêm cafodd fideo o'r hyn ddigwyddodd ei rannu'n helaeth ar y cyfryngau cymdeithasol.

Bydd Mr Taylor yn mynd ger bron llys yng Nghaernarfon ar 11 Mai.

Dilynwch Cymru Fyw ar Facebook, X, Instagram neu TikTok.

Anfonwch unrhyw syniadau am straeon i cymrufyw@bbc.co.uk neu cysylltwch drwy WhatsApp ar 07709850033.

Lawrlwythwch yr ap am y diweddaraf o Gymru ar eich dyfais symudol.

Straeon perthnasol