ጸረ-ሴማዊነት በአስደንጋጭ ሁኔታ ማንሰራራቱን አንድ ጥናት አመለከተ

በዓለም ዙሪያ ጸረ-ሴማዊነት በከፍተኛ ሁኔታ እያንሰራራ መሆኑን በቴል አቪቭ ዩኒቨርስቲ የተደረገ ጥናት አመለከተ።

የጸረ-ሴማዊነት መገለጫ የሆኑ ክስተቶችም ባለፈው ዓመት በአስደንጋጭ ሁኔታ መጨመራቸውን ይሄው ሪፖርት ይፋ አድርጓል።

ሪፖርቱ አሜሪካ፣ ካናዳ፣ ዩናይትድ ኪንግደም፣ ጀርመን እና አውስትራሊያ በከፍተኛ ሁኔታ ጸረ ሴማዊነት እያንሰራራባቸው ካሉ ሃገራት መካከል መሆናቸውን አትቷል።

ይህንንም ጸረ-ሴማዊነት ያቀጣጠለው የግራ እና የቀኝ ክንፍ አክራሪዎች ከሚያደርጓቸው ፖለቲካዊ እንቅስቃሴዎች እንዲሁም በማህበራዊ ሚዲያዎች የሚደረጉ ቅስቀሳዎች ጋር በተያያዘ መሆኑንም ተመልክቷል።

ሪፖርቱ ይፋ የሆነው ረቡዕ ምሽት መታሰብ ከሚጀምረው የእስራኤላውያን ጭፍጨፋ እለት ነው።

በእስራኤል ዮም ሃሾህ በመባል የሚታወቀው ይህ ዕለት በሁለተኛው የዓለም ጦርነት ወቅት በመላው አውሮፓ በናዚ ጀርመን የተገደሉ ስድስት ሚሊዮን አይሁዶች መታሰቢያ ነው።

የ2021 ጸረ ሴማዊነት ዓለም አቀፍ ሪፖርት፣ በቴል አቪቭ ዩኒቨርሲቲ የሂማኒቲ ዲፓርትመንት የዘመናዊ አውሮፓውያን አይሁዶች ጥናት ማዕከል ነው የተሰራው።

በዓለም ዙሪያ በደርዘን የሚቆጠሩ ጥናቶችን እንዲሁም ከህግ አስከባሪ አካላት፣ ከአይሁድ ድርጅቶችና ከሚዲያዎች የተገኙ መረጃዎችን በሰፊው አካትቷል።

በባለፈው የአውሮፓውያኑ ዓመት ከፍተኛ የአይሁዳውያን የህዝብ ቁጥር ባለባቸው በርካታ አገራት ውስጥ ጸረ-ሴማዊነት በከፍተኛ ሁኔታ ማንሰራራቱ የተፈጠሩ ክስስተቶች አመላካች ናቸው።

ከነዚህም ውስጥ፦

የሪፖርቱ አዘጋጆች በቅርብ ጊዜ በእስራኤል መንግሥት እና በፍልስጤም ታጣቂዎች መካከል በጋዛ ሰርጥ የተደረገው ጦርነት ለጸረ-ሴማዊነት ማንሰራራት በከፊል ተጠያቂ አድርገዋል።

የእስራኤል መንግሥት እና ታጣቂዎች ለ11 ቀናት በተፋለሙበት ግጭት በጋዛ 261 ሰዎች ሲገደሉ በእስራኤል 14 ሰዎች መሞታቸውን የተባበበሩት መንግሥታት ድርጅት መረጃ ያሳያል።

ሪፖርቱ በተጨማሪም ሃሰተኛ መረጃዎች፣ ሴራዎች እና መጠነ ሰፊ ቅስቀሳዎች በማህበራዊ ትስስር ገፆች መሰራጨታቸው ለጸረ-ሴማዊነቱ አስተዋጽኦ አድርጓል ይላል።