3, 2, 1... హ్యాపీ న్యూ ఇయర్... వీళ్లకు కాస్త ముందుగా వచ్చింది!

ప్రచురణ 31 డిసెంబర్ 2024

చదివే సమయం: 3 నిమిషాలు

బై బై 2024... వెల్‌కమ్ 2025

2024 సంవత్సరానికి గుడ్‌బై చెప్పి 2025 ఏడాదికి వెల్‌కమ్ చెప్పాల్సిన సమయం వచ్చేసింది.

మీకో ఆసక్తికర విషయం చెప్పమంటారా..

ఈ భూగోళం మొత్తానికి న్యూ ఇయర్ రావడానికి సరిగ్గా 26 గంటల సమయం పడుతుంది.

మంగళవారం మధ్యాహ్నం 3:30 (10:00 GMT) పసిఫిక్ ద్వీపంలోని కిరిబాటిలో తొలుత కొత్త ఏడాది మొదలవుతుంది.

బుధవారం సాయంత్రం 5:30 (12:00 GMT) గంటలకు బేకర్ ద్వీపంలో అన్ని ప్రాంతాలలో కంటే ఆలస్యంగా, ఆఖరున ఈ వేడుకలు జరుగుతాయి. ఈ 26 గంటల వ్యవధిలో రకరకాల సమయాల్లో వేర్వేరు దేశాలకు కొత్త సంవత్సరం ప్రారంభమవుతుంది.

కొన్ని దేశాలకు సంబంధించిన వేడుకలను ఈ కథనంలో చూద్దాం.

ఫొటో క్యాప్షన్, బీబీసీ న్యూస్ తెలుగు వాట్సాప్ చానల్‌లో చేరడానికి ఇక్కడ క్లిక్ చేయండి

26 గంటల్లో 38 సార్లు న్యూ ఇయర్

మీరు ఈ 26 గంటల్లో 38 సార్లు న్యూ ఇయర్‌ను ఆహ్వానించవచ్చు. మొదటగా కిరిబాటిలోని కిరిటిమటి అటోల్‌లో తొలి న్యూ ఇయర్ వేడుకలు జరుగుతాయి. కొన్ని కీలక ప్రాంతాల్లో న్యూ ఇయర్ ఆరంభమయ్యే సమయాలను ఇక్కడ చూద్దాం.

Skip ఎక్కువమంది చదివినవి and continue reading

ఎక్కువమంది చదివినవి

End of ఎక్కువమంది చదివినవి

న్యూజీలాండ్‌లో మంగళవారం సాయంత్రం 4:30 గంటలకు (11:00 జీఎంటీ),

ఆస్ట్రేలియాలోని తూర్పు తీరంలో సాయంత్రం 6:30 గంటలకు (13:00 జీఎంటీ),

జపాన్, దక్షిణ కొరియాలో రాత్రి 8:30 గంటలకు (15:00 జీఎంటీ),

భారత్, శ్రీలంకలలో బుధవారం ఉదయం 12:00 గంటలకు (18:30 జీఎంటీ),

యూకేతో పాటు ఇతర 25 దేశాల్లో బుధవారం ఉదయం 5:30 గంటలకు (00:00జీఎంటీ)

బ్రెజిల్, అర్జెంటీనాలలో ఉదయం 8:30 గంటలకు (3:00 జీఎంటీ)

అమెరికా తూర్పు తీరంలో ఉదయం 10:30 గంటలకు (5:00 జీఎంటీ) కొత్త సంవత్సరాన్ని ఆహ్వానిస్తారు.

సెంట్రల్ పసిఫిక్‌లోని బేకర్ ద్వీపంలో న్యూ ఇయర్ మొదలయ్యే సమయానికి, కిరిబాటిలో జనవరి 2వ తేదీ నడుస్తుంటుంది.

ఆస్ట్రేలియాలో ఆకాశాన్నంటిన వేడుకలు

ఆస్ట్రేలియా కొత్త సంవత్సరంలోకి అడుగుపెట్టింది. సిడ్నీ ఓపెరా హౌజ్, సిడ్నీ హార్బర్ బ్రిడ్జ్ వద్ద సంబరాలు అంబరాన్నంటాయి బాణసంచా వెలుగులతో నూతన సంవత్సరానికి ఆహ్వానం పలికారు.