Na Poilis a' sireadh fiosrachaidh mu thubaist faisg air an Todhar

Tha na Poilis a' sireadh fiosrachaidh às dèidh dhroch thubaist faisg air an Todhar Là na Sàbaid an 5mh den Iuchar.

Aig mu 9:40f, chaidh Lexus dubh a lorg ann an achadh ri taobh rathad an A832 a tha a' dol eadar Cromba agus Geàrrloch.

Chaidh an draibhear, fireannach aois 17, a thoirt gu Ospadal Rìoghail Obar Dheathain agus e air a dhroch leòn.

Bha an rathad dùinte tron oidhche fhad 's a bha rannachadh ga dhèanamh agus chaidh fhosgladh a-rithist mu 07:20m Diluain an 6mh den Iuchar.

Tha na Poilis ag iarraidh air duine sam bith a chunnaic an Lexus mus deach e far an rathaid, no aig a bheil clàraidhean dashcam, fios a chur thuca.

Aig a' cheart àm, tha an A82 dùinte air gach taobh aig Drochaid an Aonachain, trì mìle tuath air a' cheann-rathaid leis an A86.

Chaidh na Poilis a ghairm gu tubaist mu 12:05f Diluain an 6mh den Iuchar.

Thathas an iarraidh air draibhearan an sgìre a sheachnadh.