Mòd 2026: Cò bhios ag amas air na prìomh dhuaisean seinn?

Boireannach (clì) agus fireannach (deas) nan seasamh ri taobh a chèile. Tha fiamh a ghàire air an dithis aca agus tha Buinn Òir a' Chomuinn Ghàidhealaich aca nan làimh. Tha bràiste a' Chomuinn air an cùlaibh.AN COMUNN GÀIDHEALACH

'S iad Caitlyn Yule agus Finlay Morse a bhuannaich Buinn Òir a' Chomuinn Ghàidhealaich an-uiridh

Tha farpaisean mòra nan inbheach a' tòiseachadh an-diugh aig a' Mhòd Nàiseanta Rìoghail ann an Glaschu.

Thèid farpais Bonn Òir a' Chomuinn Ghàidhealaich a chumail an toiseach.

Bidh sin ann an-diugh fhèin - lè àrdachadh air a thighinn air àireamh nam fear am-bliadhna às dèidh do dhìreach dithis a dhol air a shon an-uiridh.

Tha na farpaisich ann am farpais nam fear mar a leanas:

  • Anndra Cuimeanach, An Leathad

  • Dan MacFhionghain, Inbhir Pheofharain

  • Mark Mac a' Ghobhainn, Leòdhas

  • Lewis Davey, Ìle

  • Matthew Gilmour Wright, Glaschu

Nighean ann an deise uaine agus gàire mhòr oirre. Tha a falt fada agus bàn agus tha i a' cumail Bonn Òir an t-Seann Nòis suas ris a' chamara. Tha bràiste a' Chomuinn Ghàidhealaich air a cùlaibh.

Choisinn Màiri Callan Bonn Òir an t-Seann Nòis anns a' Ghearasdan ann an 2025

Tha seachdnar sheinneadairean boireann ag amas air a' Bhonn Òir.

  • Fiona Nic an Tòisich, Dùn Èideann

  • Layla Orr Nic an t-Saoir, Loch Àlainn

  • Julie-Anne NicPhàidein, An t-Òban

  • Isla Duke, An Eaglais Bhreac

  • Amanda Millen, Drochaid Ruaidh

  • Isabelle Bain, Griais

  • Laura Robertson, An Gearasdan

Tha riaghailtean ùra a' ciallachadh nach tèid comharran na ro-fharpais sa mhadainn a chur ri comharran na cuairte deireannaich a-nochd.

Tòisichidh an ro-fharpais ann an Talla Chonsairt Rìoghail Ghlaschu aig 09:30m is bidh e beò air BBC Radio nan Gàidheal bho 09:00m.

Bidh a' chuairt dheireannach beò air BBC Radio nan Gàidheal agus air BBC ALBA a-nochd bho 7:30f.

Tha naoinear bhoireannach air iad fhèin a chur air adhart airson prìomh fharpais seinn san t-Seann Nòs, a bhios ann Diardaoin.

Tha na farpaisich mar a leanas:

  • Marion NicCorcadail, Uibhist a Tuath

  • Fiona J NicCoinnich, Inbhir Pheofharain

  • Eilidh Mòrag Nic a' Phì, Inbhir Nis

  • Anna NicGriogair, Glaschu

  • Fionnghal Nic an Aba, An t-Eilean Sgitheanach

  • Eilidh Davies, Inbhir Nis

  • Isla Scott, Na Hearadh

  • Saffron Hanvidge, Inbhir Nis

  • Fiona Langley, Na Hearadh

Fireannach ann am fèileadh na sheasamh ri taobh boireannaich ann an deise uaine. Tha iad a' coimhead air a chèile agus a' gàireachdainn. Tha am muir agus beanntan air an cùlaibh. 'S e là àlainn a th' ann.AN COMUNN GÀIDHEALACH

Donnchadh MacLeòid agus Màiri Callan a bhuannaich Buinn Òir an t-Seann Nòis sa Ghearasdan an-uiridh

Tha ochdnar fhireannach gu bhith ann am farpais an t-Seann Nòis am-bliadhna.

  • Uilleam Iain MacSuain, Obar Dheathain

  • Lyle Kennedy, An t-Òban

  • Eòin Coinneach Cuimeanach, An Leathad

  • Neil MacRisnidh, Leòdhas

  • Iain MacCarmaig, Port Rìgh

  • Somhairle Rob Stevenson, Crìochan na h-Alba

  • Joe MacNìll, An t-Ìochdar

  • Torquil MacGilleEathain, Siorrachd Rois

Bheir BBC Radio nan Gàidheal thugaibh an ro-fharpais bho 09:00m Diardaoin is a' chuairt dheireannach bho 7:30f, is a' chuairt dheireannach cuideachd beò air BBC ALBA.