Naoinear troimhe am Farpaisean a' Bhuinn Òir

Laura Robasdan

Chaidh naoinear sheinneadairean troimhe gu Farpais Dheireannach Bonn Òir a' Chomuinn Ghàidhealaich aig a' Mhòd Nàiseanta Rìoghail ann an Glaschu - ceathrar bhoireannach agus còignear fhear.

Chaidh comharran dà fharpais - Seinn Aon-Neach (S100/S101) agus an t-Òran Mòr (S102/S103) a chur còmhla airson feadhainn a chur air adhart dhan fharpais dheireannaich.

Ann am farpais nam ban bha na comharran mar a leanas:

  • 373 Laura Robertson às a' Ghearasdan

  • 371 Isabelle Bain à Griais

  • 369 Isla Duke às an Eaglais Bhric

  • 368 Julie-Anne NicPhàidein às an Òban

Cha deach Amanda Millen (362) is Fiona Nic an Tòisich is Layla Orr Nic an t-Saoir (ri chèile 358) troimhe.

Leum seachad air gailearaidh dhealbhan
  1. Laura Robertson

    Laura Robertson

Ann am farpais nam fear, bha na comharran mar a leanas:

  • 372 Mark Mac a' Ghobhainn à Leòdhas

  • 369 Lewis Davey à Ìle

  • 367 Dan MacFhionghain à Inbhir Pheofharain

  • 365 Anndra Cuimeanach às An Leathad

  • 365 Matthew Gilmour Wright à Glaschu

Tha sin a' fàgail gu bheil iad uile troimhe dhan fharpais dheireannaich.

Leum seachad air gailearaidh dhealbhan
  1. Mark Mac a' Ghobhainn

    Mark Mac a' Ghobhainn

Fo riaghailtean ùra am-bliadhna cha tèid na comharran bhon mhadainn a chur ri comharran na cuairte deireannaich a-nochd.

Thèid an fharpais dheireannach a chumail a-nochd fhathast aig 7:30f agus e ga craoladh beò air BBC Radio nan Gàidheal agus air BBC ALBA, agus thèid fios mu cò bhuannaicheas fhoillseachadh air làrach-lìn BhBC Naidheachdan an dèidh na farpais.