Menya ibyiza byo kurya igihaza kubuzima bwawe

Igihaza ni iki?

Ibihaza biri mu biribwa byo mu muryango w'ibimera byitwa Cucurbitaceae. Bikunze kuribwa mu mu buryo butandukanye, aho bamwe babikoramo potage abandi bakabirya nk'ifunguro ryuzuye babigeretse ku bishyimbo. Imbere mu bihaza hari imbuto zikurwamo hanyuma hakaribwa.

Agace k'igihaza ka garama 80 kaba karimo:

Igihaza gifite akamaro ki ku buzima bwawe?

1. Bishobora kunoza ubuzima bw'uruhu:

Ibihaza byuzuyemo intungamubiri zifasha uruhu, zirimo vitamine C na E, ndetse na beta-carotene, byose hamwe bitanga antioxydants (ibintu bisanzwe cyangwa ibyakozwe n'abantu birinda uturemangingo tw'umubiri wawe kwangirika)

Vitamine C ntikorwa n'umubiri mu buryo busanzwe, bityo ni ngombwa kuyikura mu mirire, kuko igira uruhare runini mu ikorwa rya Collagen, ituma uruhu rukomera kandi rukakwegera. Vitamine C inafasha mu gukumira kwangirika k'uruhu no gukira ibikomere.

Vitamine E ni intungamubiri y'ingenzi irinda uturemangingo tw'umubiri kwangirika guterwa n'uturemangingo twakozwe mu gihe cy'imikorere isanzwe y'uturemangingo, kandi ikorana na Vitamine C mu kurinda uruhu kwangirizwa n'izuba no kuma.

Vitamine A, cyangwa beta-carotene, ifasha kandi kurinda uruhu imirasire ya UVB itera kanseri kandi ikakurinda ubushyuhe bw'izuba.

2: Bishobora kunoza ubuzima bw'amaso

Kugabanuka kwa vitamine A byagaragaye ko bitera kugabanuka kw'ubushobozi bwo kubona ndetse bikaba binatera no kutabona. Beta-carotene, hamwe na Vitamine C na E, biboneka mu bijumba no mu gihaza, bifasha mu kurinda amaso.

Ibihaza kandi ni isoko ryiza ry'ubwoko bubiri bwa carotenoids bwitwa lutein na zeaxanthin, urugero rwabyo rukaba rufitanye isano no kugabanya ibyago byo kurwara cataract.

3. Bishobora gufasha ubudahangarwa bw'umubiri

Nk'uko bigaragazwa n'ibara ryabyo ry'umuhondo, ibihaza birimo beta-carotene, iyo biriwe bihinduka Vitamine A. Ubushakashatsi bwerekana ko Vitamine A igira uruhare runini mu kunoza ubudahangarwa bw'umubiri.

Vitamine C kandi igira uruhare mu gutuma ubudahangarwa bw'umubiri burushaho gukora neza, bityo bigatuma uturemangingo dukora neza ndetse ikanatuma umubare w'uturemangingo tw'amaraso twera mu mubiri wiyongera.

4: Bishobora gukumira indwara ya Metabolic Syndrome

Indwara ya Metabolic Syndrome ni izina ry'ubuvuzi ry'itsinda ry'indwara zirimo diyabete, umubyibuho ukabije, n'umuvuduko ukabije w'amaraso, byose byongera ibyago byo kurwara indwara z'umutima.

Ubushakashatsi bwakorewe mu Buyapani mu 2015 bwagaragaje ko indyo ikungahaye kuri carotene, ari zo ntungamubiri ziboneka mu mbuto n'imboga zitanga amabara yazo y'umuhondo n'icyatsi kibisi, ishobora gufasha umuntu kwirinda indwara ya Metabolic Syndrome

5. Bishobora gufasha mu kwirinda Cancer

Nubwo nta "biryo biryoshye" bishobora gukumira Cancer kandi zimwe na zimwe zikaba zidafitanye isano n'imirire, hari ibimenyetso bigaragaza ko indyo yuzuye ishobora gukumira ibyago byo kurwara cancer.

Byongeye kandi, imiterere ya carotene, vitamine A na B, zose biboneka mu mashu, ishobora no kukurinda cancer zimwe na zimwe, nka cancer y'ibere.