Rhybudd am stormydd mellt a tharanau yn y gogledd nos Fercher
Mae'r rhybudd mewn grym rhwng 19:00 nos Fercher a 10:00 fore Iau
- Cyhoeddwyd
Mae'r Swyddfa Dywydd wedi cyhoeddi rhybudd melyn am stormydd mellt a tharanau ar draws gogledd Cymru nos Fercher.
Gallai'r cawodydd trwm a'r stormydd o fellt a tharanau arwain at lifogydd a chael effaith ar drafnidiaeth, dolen allanol, medden nhw.
Bydd y rhybudd mewn grym rhwng 19:00 nos Fercher a 10:00 fore Iau.
Y siroedd yng Nghymru sy'n debygol o gael eu heffeithio ydy Conwy, Ddinbych, Y Fflint, Gwynedd, Ynys Môn a Wrecsam - holl siroedd y gogledd.
Mae disgwyl i'r cawodydd ddod â 20mm o law o fewn awr mewn rhai ardaloedd, a chymaint â 50mm yn disgyn dros gyfnod o chwe awr - allai arwain at lifogydd mewn rhai ardaloedd.
Yn ogystal â'r glaw, mae disgwyl taranau hefyd, gyda'r Swyddfa Dywydd yn rhybuddio y gallai trafnidiaeth, adeiladau a chyflenwadau pŵer gael eu heffeithio.
Ychwanegon nhw y bydd y cawodydd yn dechrau pylu o'r gogledd-orllewin fore Iau.
Dilynwch Cymru Fyw ar Facebook, dolen allanol, X, dolen allanol, Instagram, dolen allanol neu TikTok, dolen allanol.
Anfonwch unrhyw syniadau am straeon i cymrufyw@bbc.co.uk, dolen allanol neu cysylltwch drwy WhatsApp ar 07709850033.
Lawrlwythwch yr ap am y diweddaraf o Gymru ar eich dyfais symudol.
