Ein cymuned

Croeso i'n cymuned! Dw i'n caru ein cymuned ni. Tyrd am dro gyda fi! Dyma'r ysgol. Dw i'n hoffi dod yma - fel arfer! Mae'r athrawon yn garedig, ac mae ffrindiau arbennig gyda fi yn yr ysgol. Dyna nhw!

Dyma fy athro, Mr Edwards. Mae o'n hoffi mathemateg a darllen, ac mae o'n hoffi pêl-droed hefyd. Mae pawb yn caru Mr Edwards!

Rydyn ni'n dod i'r parc fel arfer ar ôl ysgol. Mae o'n hwyl! Mae caffi yn y parc. Dw i'n hoffi cael hufen iâ yno! Mae llawer o goed a blodau yn y parc. Dw i'n hoffi'r blodau melyn. Mae pobol yn mynd i'r parc i gael picnic neu i chwarae gyda phêl!

Ymlaen â ni i'r stryd. Dyma'r siop gornel. Mae llawer o ddewis yn y siop, fel bwyd, diod, losin, creision. Dw i'n dod yma i brynu comic bob dydd Sadwrn. Dw i wrth fy modd gyda chomics! Mae'n anodd dewis un!

Dyma Hywel. Mae o'n gweithio yn y siop gornel. Mae o'n gwisgo sbectol ac yn gwenu ar bawb. Mae'n gwybod popeth am gomics, fel fi! Byddwn i'n hoffi dod i'r siop gornel bob dydd.

Dyma'r feddygfa, a dyma lle mae pobol yn dod pan maen nhw'n sâl neu wedi cael anaf. Es i i'r feddygfa ar ôl cwympo oddi ar fy meic! Ces i rwymyn a phigiad. Roedd y meddyg yn garedig iawn. Mae fy nghoes i'n llawer gwell rwan!

Un o fy hoff lefydd ydy'r llyfrgell. Mae llawer o lyfrau yma. Mae cyfrifiaduron yn y llyfrgell hefyd. Fel arfer, dw i'n dod i'r llyfrgell bob nos Fercher gyda Mam.

Dw i'n caru ein cymuned ni! Beth sydd yn dy gymuned di?