Ukrainani mustaqilligi bilan kimlar tabrikladi?
Surat manbasi, times_officialuz
24 avgust kuni Ukraina mustaqilligining 35 yilligini nishonladi.
Shu munosabat bilan Kievga Buyuk Britaniya Bosh vaziri Endi Bernem, Yevropa Kengashi Prezidenti Antoniu Koshta, Lyuksemburg Bosh vaziri Lyuk Friden, Estoniya Prezidenti Alar Karis va Moldova Prezidenti Mayya Sandu, Latviya Bosh vaziri Andris Kulbergs, Finlyandiya Prezidenti Aleksandr Stubb, Litva Prezidenti Gitanas Nauseda tashrif buyurdilar.
Shuningdek, bayram arafasida Daniya Bosh vaziri Mette Frederiksen, Norvegiya Bosh vaziri Yonas Gar Styore va Estoniya Bosh vaziri Kristen Mixal ham Kievdagi tadbirlarda qatnashdilar.
O‘zbekiston Prezidenti Shavkat Mirziyoyev Ukraina Prezidenti Volodimir Zelenskiyni Ukrain tilida tabrikladi.
O‘zining X sobiq Tvitterdagi rasmiy sahifasida Prezident Zelenskiy Prezident Mirziyoyevga qutlov uchun minnatdorlik bildirdi, Shavkat Mirziyoyevga mustahkam sog‘lik va muvaffaqiyat, O‘zbekiston xalqiga tinch va farovon kelajak tiladi.
O‘zbekiston Tashqi ishlar vazirligi o‘zining X(sobiq Tvitter)dagi sahifasida Ukraina xalqiga ingliz tilida tabrik e’lon qildi.
O‘zining Buyuk Britaniya Bosh vaziri lavozimini egallaganidan keyingi ilk xorijiy safarida Endi Bernem Kievda bo‘ldi, mamlakati Ukraina mustaqilligini to‘liq qo‘llab-quvvatlashini aytdi.
Yevropa Parlamenti rahbari Roberta Metsola Ukrainaning kelajagi Yevropada deb ta’kidladi.
Surat manbasi, https://x.com/Zelensky
Ozarbayjon Prezidenti Ilhom Aliev ham Ukraina Prezidenti Volodimir Zelenskiyga Ukrain tilida tabrik maktubi yo‘lladi.
Avstraliya Bosh vaziri Entoni Albaniz va Isroil Tashqi ishlar vaziri Gideon Saar ham Ukraina xalqining jasorati va irodasini olqishladilar.
Belarus Prezidenti Aleksandr Lukashenko Ukraina xalqiga tinchlik tilab tabrik yo‘lladi.
Ammo mahalliy va xalqaro kuzatuvchilar bu tabrikni urush sharoitida kinoyali deb baholashdi.
Belarus muxolifati rahbari Svetlana Tixinovskayaning Ukraina prezidentiga tabrigiga minnatdorlik bildirar ekan, Volodimir Zelenskiy "Belarus Rossiya urushiga sudrab olib kirilmasligi kerak", dedi.
Qozog‘iston Prezidenti Qasim-Jomart Toqaev Ukraina Prezidenti Zelenskiyga tabrik telegrammasi yo‘lladi, Ukraina xalqiga tinchlik, farovonlik tiladi.
BBC News O‘zbek kontenti endi Sizning WhatsApp da
A’zo bo‘lish uchun bu erga bosing
End of podcast promotion
Bayram munosabati bilan Kiev shahri markazida Ukrainada ishlab chiqarilgan harbiy dronlar (havo, quruqlik va dengiz dronlari) ishtirokida birinchi marta dronlar paradi o‘tkazildi.
Bundan tashqari, Yevropa Komissiyasi Ukrainaga havo hujumidan mudofaa tizimlarini sotib olish uchun qo‘shimcha 7,1 milliard dollarlik moliyaviy yordam paketini tasdiqladi.
Prezident Zelenskiy AQSh Prezidenti Donald Tramp tabrigini juda iliq qarshi oldi.
U "samimiy hamda ko‘ngilni ko‘taradigan" deb ta’riflagan tabrik uchun Prezident Trampga minnatdorlik bildirdi.
"Bu so‘zlar, xuddi Patriot PAC-3 tizimi raketasi uchirilgani ovozidek ruhiyatimizni ko‘taradi va insonlar hayotini Rossiyaning vahshiyona hujumlaridan himoya qilish hamda munosib tinchlikka erishish mumkinligiga umid bag‘ishlaydi", deb yozdi Zelenskiy 25 avgust kuni o‘zining Telegram-kanalida.
Zelenskiy Tramp va barcha amerikaliklarga qo‘llab-quvvatlovlari hamda tabriklari uchun tashakkur aytdi.
Bundan oldinroq TSN veb-sayti Zelenskiydan iqtibos keltirgan edi.
Zelenskiyga ko‘ra, Ukraina qish mavsumi uchun Patriot havo hujumidan mudofaa tizimlariga mo‘ljallangan 300 ta tutib oladigan raketa zarur.
25 avgust kuni Estoniya Prezidenti Alar Karis bilan matbuot anjumani payti Prezident Zelenskiy "ozgina" Patriot raketalarini qo‘lga kiritganlari aytdi.
"Qanchaligini aytolmayman, lekin ko‘p emas. Yanada ko‘proq kerak", dedi Prezident Zelenskiy.
