IKIBIRIRAHO, Amerika na Iran vyarasanye inyuma y'ikororwa rya kajugujugu y'irondo ya Amerika hejuru ya Hormuz

Amakuru y'ikibiriraho

Didier Bikorimana, Gildas Yihundimpundu na Samba Cyuzuzo

1. Iminota 36 irahezeIrani ivuga ko izosubira kwihweza nimba ibiganiro vyobandanya inyuma y'ibitero bishasha vya Amerika

   

   Ahavuye isanamu, Reuters

   Umuvugizi w’ubushikiranganji bw’imigenderanire bwa Iran yavuze ko igihugu ciwe kizokwihweza nimba cobandanya ibiganiro inyuma y'ibitero bishasha vyagabwe na Reta Zunze Ubumwe za Amerika, nk’uko bishikirizwa n’ishami rya BBC ryandika mu rurimi rw’igi Perse.

   Avuga inyuma y’aho Iran na Amerika basubiriye kurasana, Esmail Baghaei, yagize ati: "Ibikorwa vya diplomasiya ntibikorerwa mu kirere. Kugira ngo inzira iyo ari yo yose y’ibiganiro itere imbere, hakenewe n'imiburiburi ikibanza n'umutekano bihagije kugira ibintu bibandanye."

   Baghaei yagirije Amerika “guhungabanya umugambi w’amahoro mu gutanga ubutumwa buvuguruzanya, kuguma ihindagura aho ihagaze, hamwe no guhonyanga amasezerano y’agahengwe”.

   Mu gitondo co kuri uwu wa gatatu, Amerika yagavye ibitero vy'indege ku bibanza bitandukanye biri mu bumanuko bwa Iran, mu kwihora inyuma y'uko kajugujugu yayo ya gisirikare irashwe igakorokera mu kiyaga ca Oman.

   Kimwe mu bisata birongoye ingabo za Iran kizwi nka Khatam al-Anbiya, catangaje ko ishami rya gisirikare rijejwe gukingira ubutegetsi bwa kiislam (IRGC) ryagavye ibitero vyo kwivuna ku birindiro vya Amerika biri muri Bahrain, Koweït na Yorodaniya.

   Hagati aho, igisirikare ca Amerika catangaje ko ibitero vyo kwihora kubera ikororwa rya kajugujugu yaco yo mu bwoko bwa Apache vyarangiye.

   Izindi nkuru wosoma:

   Kuva ku iyicwa rya Khamenei kugeza ku iterabwoba rya Trump ryo 'gusenya Iran': Ibintu 10 by'ingenzi byabaye mu minsi 100 ya mbere y'intambara

   Amerika imaze gukataza ibingana gute muri Irani, kuva ku ndege z'intambara gushika ku madrone?

   FBI yashyizeho 200,000$ ku watanga amakuru yafatisha uyu mugore ivuga ko ari maneko wa Iran

2. Haciye isaha 1Mu Bushinwa butari mu gikombe c'isi bavuvudikiye gushigikira umuhagarikizi akunda gutanga amakarata atukura

   

   Ahavuye isanamu, Getty Images

   Kubera ko umurwi nserukiragihugu w'Ubushinwa wasubiriye kubura itike yo kwitaba inkino z’igikombe c’isi, abakunzi b’umupira w’amaguru bo muri ico gihugu bahisemwo gushigikira umuhagarikizi w’Umushinwa agiye kwitaba izo nkino zizotangura ku wa kane.

   Ma Ning, w’imyaka 46, yatumye hahanahanwa ku mbuga ngurukanabumenyi na nyagiro, mu mwanya muto, ubutumwa bwinshi cane buzwi nka ‘memes’, yongera kandi aronka kompanyi zikomeye mu Bushinwa zimufasha mu bijanye n’uburyo bw’amafaranga, harimwo uruganda rw’ubuhinga bwa none Lenovo hamwe n’urundi rukora ibikoresho vya ‘électronique’ ruzwi nka Hisense.

   Ma azwi nk’umuhagarikizi akurikiza amategeko kurya ari, ata guhigimanga, mu nkino. Mu rukino rwabereye i Shanghai mu 2015, yatanze amakarata y’umuhondo icenda n’ayatukura atatu.

   Ivyo vyabaye ikimenyetso gikomeye mu mwuga wiwe w’ubuhagarikizi – vyanatumye ahabwa akazina: "umwami w’amakarata."

   Iri rizoba ribaye ihiganwa rya kabiri ry’igikombe c’isi yitavye kuva yitavye iriheruka kubera muri Qatar, haraciye imyaka ine, aho yakora nk’umuhagarikizi agira kane akorera hanze y’ikibuga mu gufasha umuhagarikizi mukuru.

   Inkuru zijanye na Ma zasomwe n’amamiriyoni y’abantu ku rubuga rwa RedNote no ku zindi mbuga ngurukanabumenyi zo mu Bushinwa.

   Bamwe mu bakoresha izo mbuga baramushigikira, mu gihe abandi bagaragaza akababaro batewe n’ukwo inkino zo mu Bushinwa zifashe.

   Umwe mu bakoresha RedNote yanditse ati: "Twebwe dufise Ma Ning, mwebwe mufise nde?"

   Uwundi na we yagize ati: "Ibindi bihugu bifise amahirwe yo gukurikirana imigwi yavyo iriko irakina, twebwe tuzoba turiko turaraba umuhagarikizi wacu atanga amakarata."

   Ubu Ma ari i Miami – muri Amerika – mu mahugururwa y’abahagarikizi y’imisi 10, akaba ari kumwe n’abandi Bashinwa babiri: umufasha w’umuhagarikizi Zhou Fei hamwe na Fu Ming, umuhagarikizi afasha mu kwihweza ubuhinga bwa videwo buzwi nka ‘VAR’.

   Uruhara rwa Zhou na Fu ni urwo gufasha, bari ku ruhande rw’ikibuga kandi biciye mu buhinga bwa videwo, abahagarikizi bakuru baba bari mu kibuga.

   Ma yemejwe na FIFA nk’umuhagarikizi mpuzamakungu kuva mu mwaka wa 2011. Ni n’umwigisha kw’ishure rikuru ry’inkino ryo mu gisagara ca Nanjing, mu Bushinwa, ryitwa ‘Nanjing Sport Institute’.

   Izindi nkuru wosoma:

   Ibizwi kuri iyi kompanyi Comac y'Ubushinwa ihingura indege ije guhangana na Boeing na Airbus

   Ahantu 3 h'ibisobanuro bikomeye ubutegetsi bwa Xi bwahisemo gutunguza Trump mu ruzinduko rwe

   'Red Red Wine': Itsinda UB40 Ft Ali Campbell ryashimishije abantu benshi i Kigali mu gitaramo gikomeye

3. Haciye amasaha 4Afrika y'Epfo: Abantu 12 biciwe mu gitero co kurasa mu kivunga – Igipolisi

   

   Ahavuye isanamu, Reuters

   Igipolisi muri Afrika y’Epfo catanguye guhiga abantu bikekwa inyuma y’igitero co kurasa mu kivunga cabaye ku wa kabiri ku mugoroba, gihitana abantu 12 abandi benshi barakomereka, mu gace ka Jumpers haba abantu mu kajagari, mu gisagara ca Johannesburg.

   Imvo z’ico gitero ntiziramenyekana. Nta n’umuntu n’umwe arafatwa. Igipolisi kiriko kiragira amatohoza.

   Kurasana muri mwene iyo mihana iba yubatswe mu buryo budatunganijwe, birakunda gushika cane muri Afrika y’Epfo, kandi rimwe rimwe biba bifitaniye isano n’imigwi y’abagizi ba nabi izwi nka “gangs” canke amatati y’abantu ku giti cabo.

   Igipolisi co muri Afrika y'Epfo casohoye itangazo kivuga ko nk’igihe c’isaha zitanu n’iminota 10 ku wa kabiri, cahawe amakuru ajanye n’igitero co kurasa mu gace kari ku nkengera z’igisagara kitwa Jumpers, muri karitiye ya Cleveland, i Johannesburg.

   Igipolisi gishitse, cahasanze abantu benshi bakomerekejwe n’amasasu. Caciye gihamagara igisata c’abaganga batabara imbabare kugira ngo kibafashe.

   Amatohoza y’ibanze yerekanye ko abantu 12 ari bo bahitanywe n’ico gitero. Abagabo umunani n’abagore batatu bapfiriye aho nyene, mu gihe uwundi mugabo umwe yapfuye amaze gushikanwa kwa muganga.

   N’imiburiburi abandi bantu icenda bajanywe mu bigo vyitaho amagara kugira bavurwe ibikomere vy’amasasu.

   Bivugwa ko abikekwa kugaba ico gitero barenga 10, bazanywe n’imodoka yo mu bwoko bwa ‘Bus’ ntoya yera, ibururukiriza impande ya sitasiyo y’igitoro muri Cleveland.

   Bibandanya bivugwa ko baciye binjira muri ako gace baciye mu marembo abiri yako, baca batangura kurasa barabisha ku bantu bari mu bibanza bitandukanye.

   Inyuma y’ico gitero ngo baciye bahunga bakoresheje ya modoka nyene yari yabazanye.

   Izindi nkuru wosoma:

   Menya aba bakuru b'ibihugu batanu ba Afrika bavuye ku butegetsi ku gushaka kwabo

   Menya ibi biribwa bihinduka uburozi iyo bivanze

   Trump yavugirijwe induru i New York mu gihe yari abaye perezida wa mbere wa US witabiriye NBA Finals

4. Haciye amasaha 5ICC yahagaritse umushikirizamanza mukuru wayo kubera amatohoza ku nyifato itabereye

   

   Ahavuye isanamu, Reuters

   Umushikirizamanza mukuru wa sentare mpuzamakungu mpanavyaha (ICC), Karim Khan, yabaye arahagarikwa mu mabanga yiwe mu gihe hariko haraba amatohoza ku birego vy’inyifato itabereye.

   Iyo ngingo yafashwe n’umurwi uri mu rwego rw’iyo sentare rujejwe kugenzura ibikorwa n’inyifato. Uwo murwi waranatanze icegeranyo ku bihugu 125 bigize iyo sentare.

   Ivyo bihugu bizotora kuri kazoza ka Khan, mu nama idasanzwe izotumwako "vuba hashoboka".

   Urwego rujejwe kugenzura ibikorwa vya sentare rwashimangiye ko kuba rwaramuhagaritse mu mabanga ata co bivuze ku ngingo ya nyuma ishobora gufatwa kuri iyo dosiye.

   Ku ncuro zitari nke, Khan yagiye ahakana ivyo yagirizwa vyose bifitaniye isano n’inyifato itabereye ishingiye ku gitsina. Abamwunganira mu mategeko bavuga ko ingingo yo kumuhagarika “inyuranye n’amategeko, yakurikije inzira zidatunganye, kandi idashingiye ku vyemezo”.

   Inkuru zari zatanzwe n’ibinyamakuru imbere y’aha, zigaruka ku rwandiko ruvuga ivyo Khan yagirizwa, harimwo gukabakaba umuntu ku mubiri mu buryo adashaka hamwe no “guhohotera”.

   Kugira ngo ivyavuye mu matohoza vyemezwe, bizosaba ko bibiri vya gatatu vy’ibihugu bigize ICC bibishigikira. Hokenerwa kandi irindi tora ritandukanye ryo kwemeza nimba Khan yokurwa mu mabanga canke ntakurwe.

   Khan, umushikirizamanza azwi cane w'Umwongereza, ari mu karuhuko yafashe ku bushake bwiwe, kuva muri Rusama (5) mu 2025, kugira ahangane n’ivyo birego.

   Uko vyogenda kwose, ku ngingo ya nyuma izofatwa n’ibihugu 125 bigize ICC kuri kazoza ka Karim Khan, biragaragara ko izo mpari n’urwo ruhagarara bitazorangirira ngaho.

   Izindi nkuru wosoma:

   Ikoranabuhanga ry'ejo hazaza: Indege y'intambara izajya isoma ibitekerezo by'umuntu

   Ubushakashatsi: Kuki ubu bwoko 11 bwa Cancer burimo kwiyongera mu rubyiruko?

   'Ese Nashakana n'Umwicanyi?' – Inkuru idasanzwe y'urukundo yagaragaje umwicanyi

5. Haciye amasaha 6Umusifuzi Omar Artan wangiwe kwinjira muri Amerika yakiriwe nk'intwari i Mogadishu

   

   Umusifuzi w'Umunya-Somalia Omar Artan yageze mu murwa mukuru Mogadishu muri iki gitondo, nyuma yuko yangiwe na leta y’Amerika kwinjira muri icyo gihugu ngo asifure mu mikino y’igikombe cy’isi.

   Ku kibuga mpuzamahanga cy’indege cya Adde International Airport, Artan yakiranwe urugwiro (igishika mu Kirundi) n’abategetsi bo muri leta ya Somalia, abahagarariye ishyirahamwe ry’umupira w’amaguru, abasifuzi, hamwe n’abo mu miryango itegamiye kuri leta.

   

   Abaturage benshi b’i Mogadishu na bo bari babucyereye aho ku kibuga cy’indege kugira ngo basuhuze Artan ubwo yari ahageze.

   Nyuma ya saa sita z'amanywa kuri uyu wa gatatu, biteganyijwe ko abatuye i Mogadishu bategura igikorwa rusange ku kibuga cy’umupira w’amaguru cy’aho mu murwa mukuru.

   Biteganyijwe ko Omar Artan yitabira icyo gikorwa ndetse akareba umukino uhuza ikipe y’umupira w’amaguru ya Heegan n’ikipe ya Dekedaha, zombi zikina muri shampiyona y’icyiciro cya mbere muri Somalia.

   Artan asubiye iwabo nyuma yuko Amerika imwimye uruhushya rwo kwinjira muri icyo gihugu – ruzwi nka 'visa' – aho yari yatoranyijwe ngo abe umwe mu basifuzi bazasifura imikino y’igikombe cy’isi, gitangira ejo ku wa kane.

   Imikino izabera muri Amerika, Canada na Mexique, umukino wa nyuma ukaba uzaba ku itariki ya 19 Nyakanga (7) uyu mwaka.

   Artan aracyari umusifuzi wenyine w’Umunya-Somalia wanditse amateka yo gutoranyirizwa gusifura mu mikino y’igikombe cy’isi.

   

   Izindi nkuru wasoma:

   Umuhagarikizi w'umupira w'amaguru w'umunya Somalia, Artan, yankiwe kwinjira muri Amerika

   'Nopfuma mbaho ninyegeje muri Amerika hako nsubira muri Somalia'

   'Tuzabakurikira aho bihishe hose': Intambara yo kurwanya Islamic State muri Somalia

6. Haciye amasaha 7DR Congo: Abashingamateka bashigikiye integuro y'itegeko rya kamarampaka

   

   Ahavuye isanamu, Assemblée Nationale RDC / X

   Inama nshingamateka ya Repuburika ya Demokarasi ya Kongo yemeje integuro itegekanya ibisabwa kugira hatunganywe amatora ya kamarampaka.

   Ku bashingamateka 351 bitavye ikoraniro ryo ku wa kabiri, 348 ni bo batoye bemeza iyo nteguro.

   Ubu rero iyo nteguro igiye kurungikwa mu Nama nkenguzamateka (Sena) kugira ngo harangizwe inzira zijanye no kuyisuzuma, ibone gushirwako umukono n’umukuru w’igihugu, gutyo ice iba itegeko.

   Abashingamateka b’inkehwa bo mu migambwe itavuga rumwe n’ubutegetsi, bahisemwo kutitaba ayo matora.

   Banegura ico badondora nk’umugambi wa Perezida, Félix Tshisekedi, wo guhindura ibwirizwa nshingiro kugira yigumize ku butegetsi inyuma ya 2028, umwaka ikiringo ciwe ca kabiri kizorangirirako, nk’uko bitegekanijwe mw’ibwirizwa nshingiro rihasanzwe.

   Mu kiganiro yahaye abamenyeshamakuru ku wa 6 Rusama (5), Perezida Tshisekedi yatangaje ko yiteguriye kuguma ku butegetsi n’inyuma ya 2028, hamwe Abanyekongo bokwemeza ko bavyipfuza biciye muri kamarampaka.

   Izindi nkuru wosoma:

   DR Congo: Denis Mukwege arashinja ishyaka riri ku butegetsi politike yubakiye ku "gusingiza umuntu"

   'Ebola yatwishe urubozo': Ubwoba mu burasirazuba bwa RD Congo mu gihe icyorezo gikomeje gukwirakwira

   Ikiguzi gikomeye c'intambara ya Congo ku bana bahunze bonyene kandi barera batoyi babo

7. Haciye amasaha 8Kenya: Umugabo bivugwa ko yarasiwe mu myigaragambyo yo kwamagana ikigo cy'akato cya Ebola cy'Amerika

   

   Ahavuye isanamu, Reuters

   Uwigaragambyaga yarasiwe mu myigaragambyo mu mujyi wa Nanyuki muri Kenya yo kwamagana iyubakwa ry’ikigo cy’akato cya Ebola kigenewe Abanyamerika, nkuko ababibonye babibwiye abanyamakuru.

   Umukuru w’imyigaragambyo yabwiye ibiro ntaramakuru Reuters ko polisi yishe irashe uwigaragambyaga. Polisi nta cyo yari yatangaza.

   Amatsinda y’abigaragambyaga, bazunguzaga amabendera ya Kenya, bafite ibyapa ndetse bafite isanduku yanditseho ijambo “Ebola” ku ruhande, bari barimo gusaba ko gahunda y’Amerika yo kubaka icyo kigo cy’ubuvuzi ku kigo cya gisirikare kiri hafi aho iburizwamo. Polisi yari yarashe imyuka iryana mu maso mu gutatanya abigaragambyaga.

   Mu cyumweru gishize, abantu babiri bishwe barashwe ubwo polisi yatatanyaga abandi bari bari mu myigaragambyo nk’iyo.

   Ibiro ntaramakuru AFP byatangaje ko ku wa kabiri hari hari uguhangana i Nanyuki – umujyi uri mu ntera ya kilometero hafi 200 mu majyaruguru y’umurwa mukuru, Nairobi – mu gihe abigaragambyaga bashyamiranaga na polisi.

   AFP ivuga ko abanyamakuru bayo bumvise amasasu ndetse babona umugabo wari warashwe mu mutwe, akaba yari aryamye hasi atanyeganyega.

   Reuters itangaza ko babiri mu banyamakuru bayo babonye umurambo w’umugabo uri inyuma mu modoka ya polisi ariko ko batiboneye bo ubwabo iryo raswa.

   Iyo gahunda y’Amerika yateje guhangayika mu baturage bo muri Kenya ku kuba hari ibyago byuko habaho ubwandu bwambukiranya imipaka, no kuba leta itarakoreye mu mucyo ku bijyanye n’icyo kigo cy’ubuvuzi.

   Mu kwezi gushize, urukiko rukuru rwa Kenya rwavuze ko ifungurwa ry’icyo kigo rikwiye guhagarikwa, nyuma yuko umuryango w’uburenganzira bwa muntu ushinze urubanza uvuga ko icyo kigo giteje “ibyago bikomeye cyane kandi biri hafi kuba” ku buzima bw’abaturage.

   Izindi nkuru wasoma:

   Igipolisi ca Kenya carashe imyuka ikoroza amosozi mu myiyerekano yo kwiyamiriza umugambi w'ikigo ca Ebola

   Uburyo bwo guta ibiro bwaharawe cane mu gihe Abanya-Kenya bahinduye uko babona ubwiza

   'Mfite ibitsina gore bibiri, wenda nzahura n'Umusamariya mwiza ushobora kumva ikibazo cyanjye'

8. Haciye amasaha 9Amerika na Iran vyarasanye inyuma y’ikororwa rya kajugujugu y’irondo ya Amerika hejuru ya Hormuz

   

   Ahavuye isanamu, Getty Images

   Reta Zunze Ubumwe za Amerika na Iran vyarasanye inyuma y'aho Perezida Donald Trump yagirije ico gihugu ko carashe kajugujugu ya Amerika hejuru y’umuhora wa Hormuz.

   Ingabo za Amerika zatanguye ibitero isaha cumi n’imwe z’umuhingamo ku masaha yo mu gice c’ubuseruko bwa Amerika (ni ukuvuga isaha zitanu zo mu Burundi no mu Rwanda), ku wa kabiri, mu kwihora kw’ikororwa ry’iyo kajugujugu, nk'uko bivugwa na bumwe mu buyobozi bukuru bw’ingabo za Amerika bwitwa CENTCOM.

   Mw’itangazo yasohoye, CENTCOM yagize iti: “Iki gikorwa ni inyishu ihuye n'ibitero bidafise ishingiro vya Iran.”

   Mu kwishura, ishami rya gisirikare rijejwe gucungera ubutegetsi bwa kiislam muri Iran (IRGC) ryavuze ko ryagavye ibitero ku bibanza 21 vyo ku bigo vya gisirikare vya Amerika vyo muri ako karere, kimwe muri Bahrain, hamwe n’ikindi kiri muri Yorodaniya.

   Ni mu gihe n'igisirikare ca Koweït cavuze ko cariko kiratangira igitero.

   Mu nyuma, CENTCOM yatangaje ko yahejeje ivyo bitero.

   Humvikanye uguturika ku nkengera z’ikigobe c’Aba Perse no mu karere k’umuhora wa Hormuz.

   CENTCOM ivuga kandi ko abari muri iyo kajugujugu yo mu bwoko bwa Apache barokowe hakoreshejwe ubwato butajamwo umudereva bwa Amerika.

   Ni ubwa mbere igisirikare ca Amerika cemanze ku mugaragaro ko gikoresha mwene ubwo bwato mu bikorwa nk’ivyo.

   Mu butumwa yacishije ku rubuga Truth Social, Trump yagize ati: “Muri iyo kajugujugu harimwo abadereva babiri, kandi bose barakomeye, nta n’umwe yakomeretse.”

   Abategetsi b’Amerika bavuga ko Iran yakoresheje ‘drone’ mu kugaba ico gitero. Ariko ntibiramenyekana neza nimba iyo ‘drone’ yari igamije koko kurasa iyo kajugujugu, nk'uko umwe mu bategetsi b’Amerika atashatse ko amazina yiwe amenyekana yabibwiye CBS News, ikinyamakuru gikorana na BBC muri Amerika.

   Izindi nkuru wosoma:

   Umuhagarikizi w'umupira w'amaguru w'umunya Somalia, Artan, yankiwe kwinjira muri Amerika

   Trump yavugirijwe induru i New York mu gihe yari abaye perezida wa mbere wa US witabiriye NBA Finals

   Amerika ivuga ko yizeye ko u Rwanda rukura ingabo zarwo muri DR Congo 'mu kwezi gutaha'

9. Haciye amasaha 9Mwaramutse neza!

   Ikaze kuri BBC Gahuzamiryango, aho tubashikiriza amakuru yo mu karere no mu makungu mu buryo bw'ikibiriraho.