Ahantu 3 h'ibisobanuro bikomeye ubutegetsi bwa Xi bwahisemo gutunguza Trump mu ruzinduko rwe

Inyandiko gusa
Donald Trump na Xi Jinping bahagaze barebana imitwe yabo yunamye gato imbere y’ingazi nziza zijya ku rusengero runini rw’Abashinwa rufite amabara y’ubururu, icyatsi, umutuku n’izahabu

Ahavuye isanamu, Reuters

Yatangajwe
Igihe co gusoma: iminota 3

Perezida Donald Trump yavuye mu Bushinwa nyuma y'uruzinduko rw'iminsi ibiri.

Ni uruzinduko rwa mbere rw'umutegetsi wa Amerika mu Bushinwa mu gihe cy'imyaka hafi 10 ishize, kandi Beijing yakiriye Trump mu buryo bw'icyubahiro bukomeye, imujyana ahantu h'amateka.

Kandi na Trump yagaragaje ko yishimiye ibyo yabonye.

Donald Trump agaragara ari kumwe na Xi Jinping azamuye igipfunsi, bombi bagenda ku itapi itukura iri hagati y’imirongo y’abana bari kubasuhuza bishimye bafite amabendera y’Ubushinwa n’Amerika.

Ahavuye isanamu, Reuters

Insiguro y'isanamu, Xi na Trump bari imbere y'abana bishimiye kubakira

K'Ubushinwa, uburyo uru ruzinduko rwateguwe neza bushobora kuba bugamije kwerekana imbaraga zabwo, amateka maremare ndetse no kwerekana ko igihugu gifunguye ku bashyitsi ku rwego mpuzamahanga.

Dore ahantu hatatu h'ingenzi Trump yajyenywe mu ruzinduko rwe.

1. Ingoro Rusange ya Rubanda

Ifoto yagutse yerekana ikibuga kirimo amabendera y’u Bushinwa n’Amerika, n’inyubako ndende ifite inkingi ku ruhande rw’ibumoso, aho Xi na Trump bagaragara basuhuza abantu.

Ahavuye isanamu, EPA/Shutterstock

Umuhango wo kwakira Trump wabereye mu 'Ingoro Rusange ya Rubanda' izwi cyane nka Great Hall of the People, yakiriwe n'itsinda rya gisirikare ricuranga ndetse n'abana benshi bari kumupepera.

Iyi nyubako ya Leta iri mu burengerazuba bwa Tiananmen Square.

Ni ho Inteko Ishinga Amategeko y'Ubushinwa ikorera kandi ikunze kwakirirwamo abategetsi b'abanyamahanga.

Skip Ibisomwa cane and continue reading
Ibisomwa cane

End of Ibisomwa cane

Ifoto yafatiwe imbere mu nzu y’ibitaramo, ireba hejuru ku gisenge cyuzuyemo amatara y’umweru ameze nk’uruziga ndetse n’inyenyeri itukura iri hagati ifite urumuri ruzengurutsemo; imyanya yo kwicaramo itondetse mu byiciro byinshi.

Ahavuye isanamu, AFP/Pool via Getty Images

Insiguro y'isanamu, Imbere mu nyubako rusange ya rubanda y'Ubushinwa

Iyi nyubako yatashywe mu 1959 nk'imwe mu "Nyubako 10 Zikomeye" zubatswe mu kwizihiza imyaka 10 yari ishize Repubulika y'Abaturage b'Ubushinwa ibonye ubwigenge.

Iyo nyubako nini irimo ibyumba byinshi by'inama n'ibiro.

Inzu yayo y'ibitaramo yakira abantu barenga 10,000, naho inzu ifatirwamo amafunguro mu birori bya Leta ishobora kwakiriramo abantu 5,000 icyarimwe.

2. Urusengero rw'Ijuru - Temple of Heaven

Xi Jinping na Donald Trump bahuriye mu gikari cy’inyubako y’urusengero, inyuma y’icyapa kinini cy’imurikabikorwa, aho Xi yari azamuye ukuboko amwereka ikintu runaka.

Ahavuye isanamu, Reuters

Nyuma y'ibiganiro hagati ya yombi, Xi na Trump basuye 'Urusengero rw'Ijuru' inyubako izwi cyane nka 'Temple of Heaven, Ingoro y'ubwami imaze imyaka 600 yubatswe.

Trump yavuze ko ari "ahantu heza cyane kandi hatangaje".

Yabaye Perezida wa kabiri wa Amerika uri ku butegetsi usuye aho hantu nyuma ya Gerald Ford wabikoze mu 1975.

Ishusho ireberwa mu irembo ry’amateka, yerekana inyubako z’urusengero zitatse neza mu mabara y’ubururu, umutuku n’izahabu, hamwe n’amatara menshi y’Abashinwa amanitse ku biti bidafite amababi biri imbere.

Ahavuye isanamu, Jackyenjoyphotography via Getty Images

Imiterere y'inyubako 92 ziri ahari urwo rusengero, ziri hagati y'ubusitani n'amashyamba, ku Bashinwa isobanura isano iri hagati y'Isi n'Ijuru.

Abami bo mu bwami bwa Ming na Qing bahatangiraga ibitambo ndetse bagasengera umusaruro mwinshi.

Bigaragaza imyemerere y'uko abategetsi b'Abashinwa bafitanye isano yihariye n'imbaraga z'ijuru.

3. Zhongnanhai

Icyapa kirekire gitukura kiriho inyuguti z’Igishinwa z’umweru kimanitse ku rukuta rw’amabuye, munsi yacyo hari ubusitani bw’indabo z’amabara atandukanye; iruhande rwacyo hari intare yera y’ibuye iri ku gicaniro, naho inyubako nziza y’umuco gakondo w’Abashinwa igaragara inyuma.

Ahavuye isanamu, Getty Images

Ku munsi wa kabiri w'inama, Xi na Trump bagombaga gufata ifoto yiswe "ifoto y'ubucuti" bakanahana ibiganza muri Zhongnanhai, ubusitani bwa kera bw'abami buri hafi ya Forbidden City rwagati muri Beijing.

Icyapa kiri ku muryango winjira handitseho amagambo agira ati: "Harakabaho Ishyaka ryiza rya gikomunisiti ry' Ubushinwa".

nyubako nziza ya gakondo y’Abashinwa ifite inkingi zitukura n’amarembo manini atukura hagati; abasirikare batandukanye bayirinda bahagaze ku muryango winjira.

Ahavuye isanamu, V2images via Getty Images

Insiguro y'isanamu, Inyubako ya gakondo y'Abashinwa ifite inkingi zitukura n'amarembo manini atukura hagati

Zhongnanhai ni ahantu hibanga kandi harindwa cyane, hatinjirwa n'abantu benshi, hakaba harimo ibiro n'ingo z'abategetsi bakuru b'Ubushinwa.

Ku banyacyubahiro bo mu mahanga, gutumirwa muri icyo gice akenshi bifatwa nk'ikimenyetso cy'ubucuti n'icyizere igihugu kibagirira.