Gyrfaoedd Cynnar
Ydych chi’n barod i gychwyn ar eich gyrfa gyda’r BBC? P’un a ydych chi’n gadael yr ysgol, yn newid gyrfa, newydd ddechrau ym myd gwaith, neu wedi graddio, gallai ein cyfleoedd lefel mynediad fod yn llwybr i yrfa y byddwch chi’n ei mwynhau.
Gwelwch brentisiaethau sy’n agoredMae ceisiadau ar gau ar hyn o bryd
Bydd ceisiadau ar gyfer cynlluniau Medi 2027 yn agor ddiwedd hydref 2026.
Bydd y wybodaeth ar y wefan hon yn cael ei diweddaru gyda manylion cynlluniau 2027 pan fydd y ceisiadau’n agor. Sylwch fod y cynlluniau a’r lefelau yn newid bob blwyddyn.
Ein prentisiaethau
Egluro prentisiaethau’r BBC
Popeth mae angen i chi ei wybod am brentisiaethau’r BBC, o gymhwysedd a buddion i hyd rolau a beth i’w ddisgwyl.
Busnes
Diddordeb mewn adnoddau dynol, rheoli prosiectau, busnes, y gyfraith, cyllid neu farchnata? Bydd prentisiaeth yn un o’r pynciau hyn yn eich helpu i ddysgu’r sgiliau sy’n helpu’r BBC i weithredu fel busnes.
Technoleg Ddigidol a Data
Ydych chi’n cael eich cyffroi gan ddatblygiadau arloesol ym maes technoleg a datrys problemau? Mae ein prentisiaethau Technoleg Ddigidol a Data yn cynnig rolau ymarferol mewn deallusrwydd artiffisial, datblygu apiau a chodio.
Peirianneg a Gweithrediadau
Ydych chi’n chwilfrydig am sut mae pethau’n gweithio ac wrth eich bodd yn datrys problemau technegol? Helpwch i ddarparu cynnwys y BBC ar draws teledu, radio a digidol.
Newyddiaduraeth
Ydych chi wrth eich bodd â newyddion ac adrodd straeon? Mae ein cynlluniau Newyddiaduraeth yn eich helpu i ddatblygu eich sgiliau a dysgu cynhyrchu cynnwys gwych gyda hyfforddiant arbenigol.
Cynhyrchu
Yn llawn syniadau, yn wych am drefnu, neu’n ymddiddori mewn cynhyrchu? Mae ein cynlluniau Cynhyrchu yn cynnig amrywiaeth o rolau ar draws teledu, sain a chynnwys digidol.
Y broses gwneud cais
Dysgwch fwy am sut rydym yn recriwtio ar gyfer ein cynlluniau gyrfaoedd cynnar, beth i’w ddisgwyl o’r broses, ein hawgrymiadau defnyddiol, a sut i baratoi.
Cwestiynau cyffredin
Mae ein cwestiynau cyffredin yn ymdrin â sut i wneud cais a chymhwysedd, i hyfforddiant, cyflog, a sut beth yw bywyd fel prentis gyda’r BBC.
Canllaw cyflawn i’n rolau prentisiaeth (o brentisiaethau 2026 - cofiwch fod y cynlluniau a’r lefelau rydym yn eu cynnig yn newid bob blwyddyn).
Dilynwch ni @BBCGetIn ar Instagram a @LifeAtTheBBC ar TikTok am y newyddion gyrfaoedd diweddaraf.
Mwy o gyfleoedd
Cynlluniau talent
Rydym yn cynnig amrywiaeth eang o gynlluniau datblygu ar gyfer talent greadigol y DU ar draws cynnwys, ysgrifennu, perfformio a newyddiaduraeth.
Diwrnodau Blasu Get In
Cyfle i gael gwybod mwy am y gwahanol lwybrau gyrfa sydd gan y BBC i’w cynnig a chael profiad ymarferol mewn canolfan yn eich ardal chi.
Profiad gwaith rhithwir
Dysgwch fwy am y gwahanol lwybrau gyrfa yn y BBC ac fe gewch dystysgrif i ddangos eich cyflawniad (mewn partneriaeth â Springpod).
Pam y BBC?
Rydyn ni ymhlith y 10 Cyflogwr Prentisiaethau gorau ac yn arweinwyr y diwydiant ym maes gyrfaoedd cynnar, gan gyflogi dros 200 o brentisiaid newydd bob blwyddyn. Rydyn ni wedi ymrwymo i ddatblygu sgiliau a doniau y tu mewn a’r tu allan i’r BBC. Fel un o’r sefydliadau mwyaf creadigol a datblygedig o ran technoleg yn y byd dros y 100 mlynedd diwethaf, mae gyrfa yn y BBC yn golygu y cewch ddysgu gan rai o’r gweithwyr proffesiynol mwyaf profiadol ac uchel eu parch yn y busnes.
Mae cyfleoedd di-ri yn y BBC. Ond oes 'na le yma i bobl fel chi a fi?
Rydw i ar fin mynd ar yr awyr i ddarllen y newyddion 1 o'r gloch. Dim ond un o blith nifer o swyddi yw fy swydd i, yr un mae’r gwylwyr yn ei gweld. Mae cymaint o rolau gwahanol yma yn y BBC.
Os oes gennych chi ddiddordeb mewn deallusrwydd artiffisial, data neu ddysgu peirianyddol, byddwch yn gwneud mwy na dim ond rhagweld tueddiadau. Byddwch yn helpu i drawsnewid y ffordd mae miliynau o bobl yn rhyngweithio â’r BBC.
Neu efallai mai codio sy’n mynd â’ch bryd. Gallwch ddatblygu eich gwybodaeth am wahanol rwydweithiau a systemau, neu hyd yn oed gychwyn gyrfa ym maes seiberddiogelwch.
Os mai rhifau sy’n eich diddori, gallech ymuno ag un o dimau cyllid y BBC. Y timau cyllid sy’n gyfrifol am sicrhau bod rhaglenni’n cadw at y gyllideb, a bod pawb yn cael eu talu. Mae hynny’n bwysig iawn.
Neu beth am ymuno ag un o’n timau Adnoddau Dynol? Byddech yn helpu i greu diwylliant lle gall pawb ffynnu a gwneud eu gwaith gorau.
Gallech fod yn rhan o’r genhedlaeth nesaf o beirianwyr systemau cyfryngau sy’n helpu’r BBC i ddarparu cynnwys ar deledu, radio, a llwyfannau digidol. Neu gallech fod yn un o’n swyddogion technegol. Beth am roi cynnig ar gyfarwyddo neu weithredu un o’n camerâu yn y stiwdio? Gyda’n gilydd, ni sy’n sicrhau bod y rhaglen yn llwyddiant.
Felly, os ydych chi eisiau gweithio ym maes cynhyrchu, gallech fod yn ymchwilydd, yn gydlynydd cynhyrchu, neu'n rheolwr llawr fel fi a gweithio ar y newyddion. Dyna rydw i’n ei wneud heddiw.
Ydych chi’n frwd dros adrodd straeon a allai siapio’r penawdau y mae pobl yn eu trafod yn lleol, yn genedlaethol, hyd yn oed yn fyd-eang? Felly beth am ystyried gyrfa ym myd newyddiaduraeth?
Prynhawn da. Croeso i raglen News at One.
Ac nid dim ond yn Gymraeg a Saesneg rydyn ni’n gweithio. Rydyn ni’n creu cynnwys mewn dros 40 o ieithoedd. Gyda chanolfannau ar hyd a lled y Deyrnas Unedig, mae angen eich talent chi ym mhobman.
Gall unrhyw un lwyddo yn y BBC. Pwy bynnag ydych chi, mae lle i chi, ac mae eich llais chi'n bwysig.
Yn tydi, Pudsey?
Yr hyn rydym yn chwilio amdano
Mae gennym ddiddordeb yn y pethau sy’n eich gwneud chi’n unigryw. Beth yw eich diddordebau a’ch gwerthoedd? Dydyn ni ddim yn chwilio am bobl sydd â phrofiad helaeth. Rydyn ni eisiau clywed eich llais chi a’ch syniadau chi yn ein timau, gan ein helpu ni i sicrhau bod y BBC yn cynrychioli’r holl gynulleidfaoedd a chymunedau rydyn ni’n eu gwasanaethu.
Byddwn yn eich cefnogi i gyflawni eich potensial. Mae prentisiaid y BBC yn cael cyflog sy’n uwch na’r Cyflog Byw Cenedlaethol ac mae gennym amrywiaeth o gymorth, mentrau a rhwydweithiau i sicrhau bod gweithwyr yn gallu ffynnu. Os ydych chi’n dod o gefndir dosbarth gweithiol, efallai byddwch chi eisiau darllen mwy am ein hymrwymiad i gefnogi amrywiaeth gymdeithasol ac economaidd, a beth allai hynny ei olygu i chi fel gweithiwr yn y BBC. Rydyn ni’n gwerthfawrogi’r hyn mae pob unigolyn yn ei gynnig. Mae amrywiaeth yn bwysig iawn i ni.
