Cwestiynau cyffredin

Rydyn ni’n cynnig amrywiaeth eang o gyfleoedd prentisiaeth ar draws y BBC, gyda rhaglenni wedi eu cynllunio ar gyfer pobl ar wahanol gamau o’u taith gyrfa. Os ydych chi’n gorffen yn yr ysgol neu’r coleg ac yn awyddus i roi hwb i’ch gyrfa, yn chwilio am newid gyrfa, neu’n dychwelyd i fyd gwaith am seibiant, mae ein prentisiaethau Lefel 2-5 yn ffordd wych o feithrin sgiliau ac ennill profiad.

Mae cyfleoedd ar gael mewn meysydd fel gweithrediadau technegol, Adnoddau Dynol, marchnata, busnes, newyddiaduraeth a chynhyrchu. Mae ein gradd-brentisiaethau Lefel 6 yn fodd i chi ennill cymhwyster gradd wrth weithio yn y BBC.

Mae’r cyfleoedd hyn ar gael mewn meysydd sy’n cynnwys peirianneg darlledu, peirianneg meddalwedd, data, busnes a rheoli.

I’r rhai sy’n awyddus i adeiladu ar gymwysterau neu brofiad presennol, mae ein prentisiaethau Lefel 6-7 yn cynnig cyfle i ddatblygu sgiliau arbenigol ymhellach ac ennill cymwysterau proffesiynol mewn meysydd fel y gyfraith, newyddiaduraeth a rheoli cynyrchiadau.

Mae hyd ein cynlluniau prentisiaeth yn amrywio yn dibynnu ar y brentisiaeth. Fel canllaw:

• Mae ein prentisiaethau Lefel 2-5 fel arfer yn para rhwng 12 mis a dwy flynedd.
• Mae ein gradd-brentisiaethau Lefel 6 fel arfer yn cymryd rhwng tair a phedair blynedd i’w cwblhau.
• Mae ein prentisiaethau Lefel 6-7 fel arfer yn para rhwng 18 mis a dwy flynedd, yn dibynnu ar y cynllun.

Byddwch. Ar ôl cwblhau eich prentisiaeth yn llwyddiannus, byddwch yn cael y cymhwyster cydnabyddedig sy’n gysylltiedig â’ch cynllun.

Bydd y cymhwyster a gewch yn dibynnu ar lefel y brentisiaeth a’r cynllun. Er enghraifft, mae rhai o’n prentisiaethau gradd Lefel 6 yn arwain at radd baglor, a gall rhaglenni eraill arwain at gymwysterau proffesiynol sy’n berthnasol i’r yrfa o’ch dewis.

Ydy. Mae ein holl brentisiaethau’n dod â phecyn tâl, a byddwch yn ennill o leiaf y Cyflog Byw Cenedlaethol drwy gydol eich prentisiaeth.

Mae cyflogau’n amrywio yn dibynnu ar y cynllun, gyda’r cyflogau cychwynnol presennol yn amrywio o £24,650 i £33,000+. Os yw eich prif leoliad gwaith yn Llundain neu Ynysoedd y Sianel, byddwch hefyd yn cael lwfans byw ychwanegol.

Mae’r BBC yn talu’r holl gostau hyfforddi sy’n gysylltiedig â phrentisiaethau, ac rydyn ni'n cynnig amrywiaeth o fentrau cymorth ariannol. Gall y rhai sy’n gadael gofal hefyd fod yn gymwys i wneud cais am fwrsariaeth a gyllidir gan y llywodraeth.

Mae prentisiaid y BBC yn cael eu cyflogi ar gontractau cyfnod penodol drwy gydol eu prentisiaeth.

Wrth i chi nesáu at ddiwedd eich prentisiaeth, byddwn yn eich helpu i gymryd y cam nesaf ar eich gyrfa. Mae’r BBC wedi ymrwymo i fuddsoddi mewn talent newydd, a byddwch yn gallu cael gafael ar gymorth cyflogadwyedd, cyfleoedd rhwydweithio ac adnoddau datblygu gyrfa i’ch helpu gyda’ch camau nesaf.

I rai prentisiaid, mae’n bosibl mai rôl yn y BBC fydd y cam nesaf hwnnw, ac mae’n bosibl y bydd eraill yn mynd ymlaen i ddatblygu gyrfaoedd llwyddiannus ar draws y diwydiant cyfryngau ehangach.

Fel prentis, byddwch yn cyfuno profiad ymarferol yn eich rôl ag amser penodol ar gyfer dysgu a datblygu. Mae hyn yn cynnwys dysgu yn y gwaith, a gafwyd drwy eich gwaith o ddydd i ddydd, a hyfforddiant i ffwrdd o’r gwaith, a ddarperir gan ddarparwr dysgu allanol.

Byddwch yn cael amser penodol yn ystod eich oriau gwaith i gwblhau eich hyfforddiant a’ch astudiaethau prentisiaeth.

Mae’r ffordd y darperir hyfforddiant yn amrywio yn dibynnu ar y brentisiaeth. Gall dysgu ddigwydd ar-lein, wyneb yn wyneb, neu drwy gyfuniad o’r ddau. Mae rhai prentisiaethau’n cynnwys diwrnod astudio penodol bob wythnos, tra bod eraill yn cael eu darparu mewn cyfnodau astudio bloc.

I gael rhagor o wybodaeth am sut mae hyfforddiant yn cael ei ddarparu ar gyfer prentisiaeth benodol, edrychwch ar y disgrifiad swydd a’r safon prentisiaeth ar gyfer y cynllun hwnnw.

Mae ein Diwrnodau Blasu ‘Get In’ yn ffordd wych o ddysgu mwy am fywyd yn y BBC ac archwilio’r cyfleoedd sydd gennym ar gael. Gallwch gael rhagor o wybodaeth a chofrestru eich diddordeb drwy’r adran Profiad Blasu Get In ar y wefan hon.

Rydyn ni hefyd wedi ymuno â Springpod i gynnig Rhaglen Cipolwg ar Waith Rhithwir y BBC lle gallwch weld a chlywed am y gwahanol ddewisiadau gyrfa yn y BBC. Gallwch gwblhau ein rhaglen profiad gwaith rithiol ‘Y BBC a Fi’ yma.

Gallwch hefyd ddilyn @BBCGetIn ar Instagram a @LifeAtTheBBC ar TikTok i gael cipolwg ar ein prentisiaethau, ein cyfleoedd gyrfa cynnar a sut beth yw gweithio yn y BBC.

Drwy gydol y flwyddyn, rydyn ni hefyd yn cynnal gweminarau lle gallwch ddysgu mwy am ein prentisiaethau, clywed gan brentisiaid presennol a gofyn cwestiynau am y cyfleoedd sydd ar gael.

Y prif wahaniaeth rhwng ein prentisiaethau newyddiaduraeth yw lefel y profiad a’r cymwysterau sydd eu hangen arnoch cyn i chi ymuno.

Mae ein Prentisiaeth Newyddiadurwr (Lefel 6) wedi ei chynllunio ar gyfer newyddiadurwyr newydd sy’n gallu dangos sgiliau newyddiadurol ac adrodd straeon mewn amrywiaeth o ffyrdd. Fe allai hyn gynnwys ysgrifennu erthyglau i wefan neu bapur newydd lleol, gweithio mewn gorsaf radio sydd yn rhannu cynnwys newyddion, blogio neu flogio, neu greu cynnwys ar gyfer y cyfryngau cymdeithasol. Os oes gennych chi radd neu Ddiploma NCTJ mewn Newyddiaduraeth yn barod, neu os oes gennych chi rywfaint o brofiad o weithio ym maes newyddiaduraeth a’ch bod chi am ddatblygu eich sgiliau newyddiadurol ymhellach a chael cydnabyddiaeth broffesiynol ar yr un pryd, mae’n bosibl mai dyma’r llwybr iawn i chi.

Fel arall, mae’r Brentisiaeth Newyddiadurwr Iau (Lefel 5) wedi ei hanelu at y rhai sydd ar ddechrau eu taith newyddiaduraeth ac sy’n frwd dros adrodd straeon a materion cyfoes. Mae’n bosibl eich bod chi wedi gadael yr ysgol neu ar fin gorffen yn yr ysgol ac yn chwilio am eich cam cyntaf i’r diwydiant. Byddwch yn ennill profiad ymarferol wrth weithio tuag at Ddiploma NCTJ mewn Newyddiaduraeth a chymhwyster prentisiaeth Lefel 5, gan eich helpu i feithrin y sgiliau a’r wybodaeth sydd eu hangen ar gyfer gyrfa mewn newyddiaduraeth. Canllawiau ar gyfer gwneud cais.

Rhaid cyflwyno pob cais am swyddi yn y BBC, gan gynnwys ein cynlluniau prentisiaeth, drwy wasanaeth chwilio Gyrfaoedd y BBC: www.bbc.co.uk/careers.

I wneud cais, bydd angen i chi lenwi a chyflwyno’r ffurflen gais ar-lein ar gyfer y rôl sydd o ddiddordeb i chi. Ni allwn dderbyn ceisiadau na CVs/llythyrau eglurhaol nad ydynt yn cael eu cyflwyno drwy ein safle gyrfaoedd.

Fel arfer, rydyn ni’n agor ceisiadau ar gyfer ein cynlluniau prentisiaeth mewn dau gam bob blwyddyn, fel arfer ym mis Hydref a mis Rhagfyr.

Mae’r holl gyfleoedd yn cael eu hysbysebu ar wefan gyrfaoedd y BBC, lle byddwch chi’n gallu dod o hyd i fanylion llawn pob prentisiaeth, gan gynnwys y rôl, y lleoliad, y gofynion mynediad a’r dyddiad dechrau.

Rydyn ni’n argymell cadw golwg ar wefan gyrfaoedd y BBC a’n sianeli cyfryngau cymdeithasol i gael yr wybodaeth ddiweddaraf am gyfleoedd sydd ar y gweill.

Rydyn ni’n argymell eich bod chi’n treulio amser yn edrych ar yr holl gyfleoedd prentisiaeth sydd ar gael i’ch helpu i ddod o hyd i’r rhai sy’n gweddu orau i’ch diddordebau, eich sgiliau a’ch nodau gyrfa.

Mae ein gradd-brentisiaethau Lefel 2-5 a rhywfaint o’n gradd-brentisiaethau Lefel 6 fel arfer wedi eu hanelu at y rhai nad ydynt wedi cwblhau gradd eto. Os oes gennych chi radd yn barod, profiad sylweddol mewn maes penodol, neu os ydych chi wedi cwblhau prentisiaeth yn y gorffennol, mae’n bosibl yr hoffech chi ystyried un o’n prentisiaethau lefel ôl-radd.

Sylwch fod y gofynion cymhwysedd yn amrywio rhwng prentisiaethau, felly darllenwch yr hysbyseb swydd yn ofalus cyn gwneud cais i wneud yn siŵr eich bod chi’n bodloni’r meini prawf ar gyfer y cynllun o’ch dewis.

Oes. Mae gan bob un o’n cynlluniau prentisiaeth ddyddiad cau, a fydd yn cael ei ddangos yn glir ar yr hysbyseb swydd.

Mae ceisiadau fel arfer yn agored am sawl wythnos, ond rydyn ni’n argymell gwneud cais cyn gynted â phosibl er mwyn osgoi materion annisgwyl yn agos at y dyddiad cau.

Cyn cyflwyno eich cais, gwnewch yn siŵr eich bod chi'n adolygu eich holl atebion yn ofalus, yn enwedig y rhai sy’n ymwneud â chymhwysedd ar gyfer y brentisiaeth.

Yn anffodus, ni allwn dderbyn ceisiadau unwaith y bydd y dyddiad cau wedi bod.

Bydd pob hysbyseb brentisiaeth yn rhestru’n glir y lleoliad neu’r lleoliadau sydd ar gael ar gyfer y rôl honno.

Dim ond i un lleoliad y gallwch chi wneud cais fesul prentisiaeth, felly rydyn ni’n eich annog i ystyried yn ofalus pa leoliad sy’n gweithio orau i chi. Cyn gwneud cais, gwnewch yn siŵr eich bod chi’n gallu teithio’n rhwydd i’r lleoliad swyddfa o’ch dewis.

Sylwch, os bydd mwy nag un cais yn cael ei gyflwyno ar gyfer yr un brentisiaeth mewn gwahanol leoliadau, bydd ceisiadau ychwanegol yn cael eu tynnu’n ôl.

Rydyn ni’n argymell canolbwyntio ar y brentisiaeth sy’n eich cyffroi fwyaf ac sy’n cyd-fynd orau â’ch sgiliau, eich diddordebau a’ch nodau gyrfa.

Mae hyn yn rhoi’r cyfle gorau i chi ddangos eich cymhelliant a’ch brwdfrydedd ar gyfer y rôl. Fodd bynnag, os oes gennych chi ddiddordeb gwirioneddol mewn mwy nag un brentisiaeth, os ydych chi’n bodloni’r meini prawf cymhwysedd ar gyfer pob un, ac yn teimlo y byddwch chi’n gallu egluro’n glir pam maent yn cyd-fynd â’ch uchelgeisiau gyrfa, gallwch wneud cais am fwy nag un cynllun.

Sylwch mai dim ond un cais y gallwch ei gyflwyno fesul cynllun prentisiaeth ym mhob cylch recriwtio. Os cyflwynir mwy nag un cais ar gyfer yr un cynllun, dim ond eich cais cyntaf fydd yn cael ei ystyried a bydd ceisiadau ychwanegol yn cael eu tynnu’n ôl. Er enghraifft, os ydych chi’n gwneud cais am Brentisiaeth Cynhyrchu mewn un lleoliad, ni ddylech gyflwyno rhagor o geisiadau am yr un brentisiaeth mewn lleoliadau neu dimau eraill.

Nac ydw. Mae gan bob prentisiaeth ei meini prawf cymhwysedd a’i chwestiynau ymgeisio ei hun, felly nid yw’n bosibl trosglwyddo cais o un cynllun i’r llall.

Rydyn ni’n eich annog i dreulio ychydig o amser yn adolygu’r holl wybodaeth sydd ar gael ac yn gwneud yn siŵr eich bod chi'n gwneud cais am y brentisiaeth sy’n iawn i chi cyn cyflwyno eich cais.

Os yw ceisiadau’n dal yn agored, gallwch dynnu eich cais yn ôl a chyflwyno cais newydd am brentisiaeth wahanol yn lle hynny.

Yn bendant. Mae ein prentisiaethau’n gystadleuol iawn, ac rydyn ni’n cael nifer fawr o geisiadau am bob cyfle bob blwyddyn. Roedd llawer o’n prentisiaid presennol a chyn-brentisiaid yn llwyddiannus ar eu hail gais neu hyd yn oed eu trydydd cais, felly peidiwch â digalonni os nad ydych chi’n llwyddiannus y tro cyntaf.

Gall mynd drwy’r broses ymgeisio ac asesu fod yn brofiad dysgu gwerthfawr, gan roi cyfle i chi feithrin eich sgiliau a’ch hyder. Rydyn ni’n eich annog i fyfyrio ar unrhyw adborth a gewch a’i ddefnyddio i gryfhau ceisiadau yn y dyfodol. Treuliwch amser hefyd yn myfyrio ar yr hyn rydych chi ei eisiau o rôl gan y gallai hyn fod wedi newid ers eich cais mewn blynyddoedd blaenorol, ac felly mae'n bosibl y byddwch chi eisiau ystyried cyfle gwahanol.

Na, does dim angen i chi gyflwyno CV na llythyr eglurhaol wrth wneud cais am brentisiaeth gyda’r BBC. Ni fydd y tîm cyflogi yn adolygu hyn. Yn hytrach, byddwch yn cwblhau eich cais yn uniongyrchol drwy ein porth gyrfaoedd. Rydyn ni’n argymell eich bod chi’n rhoi o’ch amser i lenwi pob adran yn ofalus ac yn gywir, gan y bydd yr wybodaeth a roddwch yn cael ei defnyddio i asesu eich cais.

Os oes gan y brentisiaeth ofynion penodol o ran cymwysterau, gwnewch yn siŵr eich bod chi’n cynnwys manylion llawn y cyrsiau rydych chi wedi eu hastudio ac unrhyw gymhwyster rydych chi wedi ei ennill, oherwydd gellir defnyddio’r wybodaeth hon i benderfynu a ydych chi’n gymwys ar gyfer y cynllun.

Drwy gydol y broses recriwtio, rydyn ni’n awyddus i ddysgu mwy am eich sgiliau, eich potensial a’ch diddordebau, yn ogystal â’r hyn sy’n eich cymell i wneud cais am y rôl.

Mae gennym ddiddordeb yn y ffordd rydych chi’n dangos ein gwerthoedd a’n hymddygiad, yn ogystal â’ch potensial i ddysgu a thyfu. Ein nod yw canfod unigolion a fydd yn ffynnu mewn amgylchedd cydweithredol ac yn cyfrannu’n gadarnhaol at y BBC a’i gynulleidfaoedd. Rydyn ni’n gwerthfawrogi amrywiaeth o ran meddwl, profiad a chefndir.

Rydyn ni wedi ymrwymo i wneud ein proses enwebu mor hygyrch a chynhwysol â phosibl.

Os oes angen addasiadau arnoch chi i'ch helpu i gwblhau eich cais neu gymryd rhan mewn asesiadau neu gyfweliadau, cysylltwch â ni gan ddefnyddio ein ffurflen gymorth a dewis 'Addasiadau Rhesymol' fel y pwnc. Rhowch wybod i ni pa gymorth y gallai fod ei angen arnoch, a byddwn yn hapus i drafod y dewisiadau sydd ar gael.

Mae nifer o ffyrdd y gallwn eich cefnogi, gan gynnwys addasu ein prosesau ymgeisio a dethol i sicrhau eich bod chi’n gallu perfformio ar eich gorau drwy gydol y daith recriwtio.

Addasiad rhesymol yw newid neu gymorth a roddir ar waith i sicrhau nad yw anabledd, cyflwr neu nam yn eich rhoi dan anfantais yn ystod y broses recriwtio.

Mae addasiadau wedi eu teilwra i’ch anghenion unigol a gallant gynnwys pethau fel amser ychwanegol i gwblhau asesiadau, cael cwestiynau cyfweliad ymlaen llaw, defnyddio isdeitlau yn ystod cyfweliadau ar-lein, neu gymorth gan ddehonglydd Iaith Arwyddion Prydain (BSL).

Rydyn ni wedi ymrwymo i wneud ein proses recriwtio mor hygyrch a chynhwysol â phosibl. Os oes angen addasiadau arnoch chi ar unrhyw adeg, rhowch wybod i ni. Byddwn yn fwy na pharod i drafod eich gofynion a gweithio gyda chi i roi’r cymorth cywir ar waith.

Os oes gennych chi ddiddordeb mewn dysgu mwy am fywyd yn y BBC, mae ein Diwrnodau Blasu Get In yn lle gwych i ddechrau. Maent yn cynnig cipolwg ar yr amrywiaeth o yrfaoedd sydd ar gael ar draws y BBC a’r cyfleoedd sydd gennym i’w cynnig. Mae rhagor o wybodaeth ar gael yn yr adran Profiad Blasu Get In ar y wefan hon.

Rydyn ni hefyd wedi gweithio gyda Springpod i lansio rhaglen profiad gwaith rhithiol: Y BBC a Fi. Mae’n bosibl mai Rhaglen Cipolwg ar Waith Rhithiol y BBC yw’r cyfle sydd ei angen arnoch i’ch helpu gyda’r camau a’r penderfyniadau nesaf hynny. Gallwch gwblhau ein rhaglen profiad gwaith rithiol ‘Y BBC a Fi’ yma.

Bydd y cymwysterau sydd eu hangen yn dibynnu ar y cynllun prentisiaeth rydych chi’n gwneud cais amdano. Mae manylion llawn y gofynion mynediad i’w gweld yn y disgrifiad swydd pan fydd ceisiadau yn agored. Nid oes gan lawer o’n cyfleoedd prentisiaeth ofynion penodol o ran cymwysterau.

Mae’n bosibl y bydd rhai cynlluniau’n gofyn am o leiaf TGAU Mathemateg a Saesneg (neu gymhwyster cyfatebol), tra bydd gan eraill ofynion academaidd ychwanegol yn dibynnu ar y lefel a’r maes pwnc.

Rydyn ni’n argymell eich bod chi’n adolygu’r meini prawf cymhwysedd yn ofalus cyn gwneud cais i sicrhau eich bod chi’n bodloni’r gofynion ar gyfer y cynllun o’ch dewis.

Os ydych chi wedi cael e-bost yn dweud nad ydych chi’n bodloni’r meini prawf cymhwysedd, mae hyn yn golygu, ar sail yr atebion a ddarparwyd yn eich cais, nad ydych chi’n bodloni un neu ragor o ofynion y brentisiaeth ar hyn o bryd.

I ddeall pam, edrychwch ar adran Meini Prawf Cymhwysedd yr hysbyseb swydd a gwirio eich ymatebion o dan yr adran Cwestiynau Penodol i Swydd yn eich Cyfrif Gyrfaoedd BBC. Mae’n bosibl y byddwch chi’n gweld nad yw un o’ch ymatebion yn ymateb roeddech chi’n bwriadu ei roi.

Os ydych chi o’r farn eich bod chi’n bodloni’r gofynion neu wedi ateb cwestiwn yn anghywir, gallwch ddiweddaru eich cais cyn dyddiad cau’r swydd wag. Bydd eich cais wedyn yn cael ei adolygu’n awtomatig. Gwnewch yn siŵr bod yr holl wybodaeth a ddarperir yn eich cais yn gywir ac yn wir, oherwydd gallai gwybodaeth anghywir neu gamarweiniol arwain at dynnu eich cais yn ôl.

Rydyn ni’n eich annog i ystyried yn ofalus pa lefel prentisiaeth sy’n addas ar gyfer eich sgiliau, eich profiad a’ch nodau gyrfa. Ar gyfer rhai cynlluniau prentisiaeth, gall cymwysterau blaenorol, hyfforddiant neu brofiad effeithio ar eich cymhwysedd i wneud cais.

Amlinellir gofynion cymhwysedd penodol sy’n ymwneud â dysgu blaenorol ym mhob disgrifiad swydd pan fydd ceisiadau yn agored. Cyn cyflwyno eich cais, gwnewch yn siŵr eich bod chi wedi rhoi manylion cywir am eich cymwysterau a’ch profiad, ac wedi adolygu eich ymatebion i’r holl gwestiynau cymhwysedd yn ofalus.

Fel canllaw cyffredinol, os ydych chi wedi astudio pwnc y brentisiaeth ar yr un lefel neu’n uwch, mae’n bosibl na fyddwch chi’n gymwys. Os nad ydych chi’n siŵr a allai eich haddysg flaenorol effeithio ar eich cymhwysedd, rydyn ni’n argymell eich bod chi’n edrych ar y disgrifiad swydd perthnasol i gael rhagor o arweiniad.

I fod yn gymwys i wneud prentisiaeth, rhaid i chi fod â’r hawl gyfreithiol i weithio yn y DU yn llawn amser drwy gydol y cynllun. Mae’n rhaid i chi hefyd ddiwallu gofyniad preswylio’r brentisiaeth ac wedi bod yn breswylydd yn y DU am o leiaf 3 blynedd cyn dyddiad dechrau’r cynllun.

Oes. Mae prentisiaethau’r BBC yn agored i bobl o amrywiaeth eang o gefndiroedd, gan gynnwys y rhai sy’n awyddus i ddechrau gyrfa newydd. Mae llawer o’n rhaglenni wedi eu cynllunio i helpu unigolion i ddatblygu sgiliau newydd a chael profiad ymarferol, waeth beth fo’u diwydiant neu eu proffesiwn blaenorol. Gall newid gyrfa ddod â safbwyntiau gwerthfawr a sgiliau trosglwyddadwy, ac rydyn ni’n croesawu ceisiadau gan unigolion ar wahanol gamau yn eu gyrfaoedd. Rydyn ni’n argymell adolygu’r meini prawf cymhwysedd ar gyfer pob prentisiaeth i ddod o hyd i’r cyfleoedd sy’n cyfateb orau i’ch profiad a’ch nodau. 

Os oes gennych chi radd yn barod, mae’n bosibl yr hoffech chi edrych ar ein prentisiaethau lefel uwch sy’n cael eu cynnig gan y BBC. Mae’r cynlluniau hyn wedi eu cynllunio ar gyfer pobl sy’n awyddus i barhau â’u datblygiad ar ôl bod yn y brifysgol, neu ar gyfer y rhai sydd â phrofiad blaenorol mewn maes pwnc penodol. Maent yn rhoi cyfle i chi ddatblygu eich sgiliau a gweithio tuag at gymhwyster proffesiynol mewn meysydd penodol.

Os nad oes prentisiaeth lefel uwch yn eich maes diddordeb, mae’n bosibl y byddwch chi’n dal yn gymwys i wneud cais am gyfleoedd prentisiaeth eraill, ar yr amod eu bod yn cyd-fynd â’ch nodau gyrfa a’ch bod chi’n bodloni’r gofynion cymhwysedd perthnasol, gan gynnwys y rhai sy’n ymwneud â dysgu blaenorol.

Mae’n bosibl y bydd gennych chi ddiddordeb hefyd mewn archwilio cyfleoedd drwy ein llwybrau hurio, llawrydd a chynllun talent profiadol sy’n cael eu hysbysebu yma.

Rhaid i chi fod yn 18 oed neu’n hŷn pan fydd y brentisiaeth yn dechrau. Does dim terfyn oedran uchaf ar gyfer ein cynlluniau Lefel 3-7.

I fod yn gymwys i wneud prentisiaeth gyda’r BBC, rhaid i chi fod â’r hawl gyfreithiol i weithio’n llawn amser yn y Deyrnas Unedig drwy gydol y cynllun. Rhaid i chi hefyd fodloni’r gofynion preswylio prentisiaethau, sydd fel arfer yn cynnwys byw yn y Deyrnas Unedig yn barhaus am o leiaf dair blynedd cyn dyddiad dechrau’r brentisiaeth.

Ar gyfer prentisiaethau yn Guernsey neu Jersey, mae'n rhaid i chi gael yr hawl i fyw a gweithio yno yn unol â chyfreithiau’r boblogaeth a chyflogaeth leol.

Eich cyfrifoldeb chi yw sicrhau bod gennych chi’r hawl briodol i weithio drwy gydol cyfnod eich prentisiaeth. Ni allwn fwrw ymlaen â cheisiadau gan ymgeiswyr nad ydynt yn bodloni’r gofynion cymhwysedd perthnasol o ran yr hawl i weithio a chyllid prentisiaethau. Sylwch na all y BBC ddarparu nawdd fisa ar gyfer rolau gyrfaoedd cynnar, gan gynnwys prentisiaethau.

Os ydych chi yn y Deyrnas Unedig ar Fisa Myfyriwr/Fisa i Raddedigion, neu os yw eich caniatâd i aros yn y Deyrnas Unedig at ddibenion addysgol yn unig, mae’n annhebygol y byddwch chi’n gymwys ar gyfer prentisiaeth gyda’r BBC oni bai eich bod chi’n bodloni un o’r eithriadau a amlinellir yn rheolau cyllido prentisiaethau’r llywodraeth.

I gael rhagor o wybodaeth, ewch i:

• www.gov.uk/legal-right-work-uk
• www.gov.uk/guidance/apprenticeship-funding-rules

I fod yn gymwys ar gyfer prentisiaeth gyda’r BBC, fel arfer mae’n rhaid i chi fod wedi bod yn breswylydd parhaus yn y Deyrnas Unedig am o leiaf dair blynedd cyn dechrau eich prentisiaeth.

Mae rhai eithriadau i’r gofyniad hwn o dan reolau cyllid prentisiaethau’r llywodraeth. Er enghraifft, mae'n bosibl y byddwch chi’n dal yn gymwys os ydych chi fel arfer yn breswylydd yn y Deyrnas Unedig ond wedi treulio amser yn byw dramor am resymau fel addysg, gwaith neu flwyddyn i ffwrdd.

Gallech fod yn gymwys hefyd os ydych yn ddinesydd yn Ardal Economaidd Ewrop (AEE) neu’r Swistir gyda Statws Preswylydd Sefydlog neu Gyn-sefydlog o dan Gynllun Preswylio’n Sefydlog i Ddinasyddion yr Undeb Ewropeaidd (EUSS) a’ch bod chi wedi byw yn y Deyrnas Unedig, AEE, Gibraltar neu’r Swistir am y cyfnod gofynnol.

I gael manylion llawn am ofynion preswylio ac eithriadau cymhwysedd, edrychwch ar y canllawiau diweddaraf ar gyllid prentisiaethau ar wefan GOV.UK yma: www.gov.uk/guidance/apprenticeship-funding-rules.

Os ydych chi’n byw yn y Deyrnas Unedig ar Fisa Myfyriwr, ni fyddwch fel arfer yn gymwys i gael prentisiaeth gyda’r BBC o dan reolau cyllido prentisiaethau presennol y Deyrnas Unedig.

Rheoliadau’r llywodraeth sy’n pennu cymhwysedd cyllid prentisiaethau, sy’n gallu newid dros amser. Rydyn ni’n argymell adolygu’r canllawiau diweddaraf ar wefan Llywodraeth y Deyrnas Unedig i gael y manylion llawn am gymhwysedd a’r wybodaeth ddiweddaraf: www.gov.uk/guidance/apprenticeship-funding-rules.

Os oes gennych chi ddiddordeb mewn cyfleoedd eraill yn y BBC, rydyn ni’n eich annog i edrych ar ein swyddi gwag ar wefan BBC Careers.

Ar hyn o bryd mae holl gyfleoedd prentisiaeth y BBC yn y Deyrnas Unedig.

Os oes gennych chi ddiddordeb mewn cyfleoedd rhyngwladol neu rolau eraill y tu allan i’r Deyrnas Unedig, rydyn ni’n eich annog i chwilio drwy ein swyddi gwag ar wefan Gyrfaoedd y BBC.

Mae’r BBC yn croesawu ac yn annog ceisiadau gan bobl anabl o bob cefndir ar gyfer pob un o’r cyfleoedd prentisiaethau mae’n eu hysbysebu.

Ar ben hynny, mae rhai rolau prentisiaeth yn cael eu cynnig drwy BBC Extend, rhaglen gweithredu cadarnhaol y BBC ym maes cyflogaeth ar gyfer pobl anabl, gan gynnwys y rhai sy’n ystyried eu hunain yn bobl fyddar a/neu niwrowahanol. Dim ond i ymgeiswyr sy’n ystyried eu hunain yn anabl o dan Ddeddf Cydraddoldeb 2010 (neu Ddeddf Gwahaniaethu ar sail Anabledd 1995 yng Ngogledd Iwerddon) y mae’r rolau hyn yn agored.

Mae BBC Extend yn helpu i greu mwy o gyfleoedd i bobl anabl, sydd ar hyn o bryd wedi eu tangynrychioli yng ngweithlu’r BBC.

O dan Ddeddf Cydraddoldeb 2010, mae pobl yn cael eu hystyried yn anabl os oes ganddynt nam corfforol neu feddyliol sy’n cael effaith andwyol hirdymor a sylweddol ar eu gallu i gyflawni gweithgareddau dyddiol arferol. Nid oes rhestr ddiffiniol o gyflyrau y gellir eu hystyried yn anabledd o dan y Ddeddf.

I gael rhagor o wybodaeth am BBC Extend ac a allech chi fod yn gymwys, ewch i’r adran BBC Extend ar ein gwefan gyrfaoedd.

Gall yr amserlen amrywio yn dibynnu ar y cynllun a nifer y ceisiadau a gawn. O ganlyniad, gall rhai camau o’r broses recriwtio gymryd mwy o amser nag eraill.

Byddwn yn rhoi’r wybodaeth ddiweddaraf i chi drwy gydol y broses ac yn rhoi gwybod i chi pryd y gallwch chi ddisgwyl clywed gennym ar bob cam. Byddwn hefyd yn rhannu dyddiadau allweddol ac amserlenni cyn gynted ag y cânt eu cadarnhau.

Ar gyfer y rhan fwyaf o gynlluniau prentisiaeth, mae canolfannau asesu fel arfer yn cael eu cynnal rhwng mis Ionawr a mis Ebrill.

Bydd yr amser sydd ar gael i gwblhau asesiadau neu dasgau cyn-asesu yn amrywio yn dibynnu ar y cynllun. Bydd dyddiadau cau a chyfarwyddiadau’n cael eu cyfleu’n glir pan fydd yr asesiad neu’r dasg yn cael ei hanfon atoch.

Rydyn ni’n argymell cwblhau tasgau cyn gynted â phosibl yn hytrach nag aros tan y dyddiad cau, gan fod hyn yn rhoi amser i fynd i’r afael ag unrhyw fater technegol annisgwyl ac yn sicrhau bod eich cyflwyniad yn cael ei dderbyn yn brydlon.

Bydd yr amser mae’n ei gymryd i gael canlyniad yn amrywio, yn dibynnu ar y cynllun prentisiaeth a nifer y rolau sy’n cael eu recriwtio.

Byddwn yn rhoi’r wybodaeth ddiweddaraf i chi drwy gydol y broses recriwtio ac yn darparu gwybodaeth am amserlenni disgwyliedig ar bob cam. Os byddwch chi'n symud ymlaen i ganolfan asesu neu gyfweliad, byddwn yn rhannu manylion mwy penodol ynghylch pryd y gallwch ddisgwyl clywed canlyniad eich cais.

Mae’r broses recriwtio yn amrywio yn dibynnu ar y cynllun. Mae’n bosibl y bydd rhai yn gofyn i chi gwblhau asesiadau ar-lein fel rhan o’ch cais ac mae'n bosibl y bydd gan eraill dasg dechnegol.

Byddwn yn eich tywys drwy bob cam o’r broses ac yn rhoi gwybodaeth glir am asesiadau, tasgau ac amserlenni allweddol, er mwyn i chi wybod yn union beth i’w ddisgwyl a phryd.

Os byddwch chi’n symud ymlaen i ganolfan asesu neu gyfweliad, cewch gyfle i ofyn am adborth, p’un a yw eich cais yn llwyddiannus ai peidio.

Ar gyfer llawer o’n hasesiadau ar-lein, byddwch hefyd yn cael adroddiad adborth i’ch helpu i ddeall eich canlyniadau’n well.

Yn anffodus, oherwydd y nifer fawr o geisiadau a gawn, ni allwn ddarparu adborth unigol ar bob cam o’r broses recriwtio.

Gallwch ddilyn hynt eich cais drwy fewngofnodi i’ch proffil ar wefan gyrfaoedd y BBC. Byddwn hefyd yn anfon diweddariadau drwy gydol y broses recriwtio i’r cyfeiriad e-bost sy’n gysylltiedig â’ch proffil, felly mae’n bwysig defnyddio cyfrif e-bost y gallwch gael mynediad ato’n rheolaidd.