تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
د فوټبال نړیوال جام حذفي پړاو کې د مراکش، برازیل او پاراګوای بریا: هالنډ، جرمني او جاپان له سیالیو ووتل
د هالنډ، جرمني او جاپان فوټبال ملي لوبډلې د ۲۰۲۶ کال فوټبال نړیوال جام د ۳۲ غوره لوبډلو په حذفي پړاو کې له ماتو وروسته له سیالیو ووتې.
تر هغې یوازې څو ساعته وروسته چې پاراګوای څلور ځله د نړیوالې اتلولۍ ګټونکی جرمني د فوټبال د نړیوال جام له سیالیو بهر کړ، مراکش د حذفي پړاو په یوه بله په زړه پورې سیالۍ کې هالنډ ته ماته ورکړه او دغه ځواکمنه لوبډله یې هم له سیالیو وایسته.
د دوی ترمنځ لوبه هم د پاراګوای او جرمني په څېر یو - یو مساوي شوې او په اضافي وخت کې د ګول نه وهل کېدو له کبله د پېنلتۍ شوټونو ته ووته، چې مراکش د دوو پر وړاندې په درېیو ګولونو وګټله.
نن (سېشنبه) سهار وختي په مونتېري سټډیوم کې د دې کېدونکې سیالۍ لومړۍ ګول هم هالنډ وهلی و.
خو مراکش تر هغې وروسته لوبه چټکه او بریدونه ډېر کړل، چې بالاخره یې د سیالۍ د اصلي وخت د پای شېبو کې د برابرۍ ګول وواهه.
د مراکش او هلنډ لوبه هم د المان او پاراګوای په څېر تر ۱۲۰مې دقېقې اضافي وختونو کې بې ګوله پاتې شوه.
د پېنلتۍ پنځو شوټونو پر مهال د مراکش لوبډلې لومړی او څلورم شوټ ګول نه شو کړای، خو د هالنډي لوبغاړو شوټونه تر دې هم خراب ول او درې یې ګول نه شول.
تر دې ورمخکې دوشنبه (د جون ۲۹مه) جاپان د امریکا متحدو ایالتونو په هاسټن لوبغالي له برازیل او ورپسې جرمني په بوسټن کې له پاراګوای سره سیالي درلوده.
پینځه ځله د نړیوال جام ګټونکي برازیل - جاپان ته دوه- یو او پاراګوای بیا د څلورو نړیوالو جامونو ګټونکي جرمني ته له اضافي وخت وروسته په پېنلتیو کې د یوه ګول په توپیر څلور - درې ماته وکړه.
که څه هم د جاپان فوټبال ملي لوبډله له برازیل سره د سیالۍ د لومړۍ نیمايي په ۲۹مه دقیقه کې د مدافع منځډګري کایشو سانو له ګول سره یو – صفر مخکې شوه، خو برازیل لوبغاړو په دویمه نیمايي کې دوه ګولونه ووهل.
برازیل لپاره لومړی ګول په ۵۶مه دقیقه کې کاسامیرو وواهه او ورپسې برونو ګېمهرایش د لوبې د اصلي مودې له پای ته رسېدو وروسته په اضافي وخت کې د بریا دویم ګول وکړ.
ټاکل شوې برازیل به چې پنځه ځله یې نړیوال اتلولې ګټلې، د ۱۶ غوره لوبډلو پړاو کې د عاج ساحل او ناروې ترمنځ د حذفي پړاو سیالۍ له ګټونکي سره مخامخ شي.
دوشنبه (د جون ۲۹مه) د جرمني او پاراګوای ترمنځ هم د حذفي پړاو یوه په زړه پورې سیالي ترسره وه.
دا سیالي تر ۹۰یمې دقیقې یو – یو مساوي او دواړه لوبډلو تر ۱۲۰مې دقیقې په اضافي وختونو کې هم کوم ګول ونه شو کړای.
په دې توګه په روان نړیوال جام کې په لومړي ځل یوه سیالي د پېنځو پېنالتي شوټونو تر پړاوه ورسېده، چې جرمني پکې د یوه ګول په توپیر ماته خوړه.
د جرمني لوبغاړوي ونه شول کړای چې د پېنالتۍ لومړی او څلور شوټ د سیالۍ لوبدلې ګول ته ننباسي.
پاراګوای هم څلورم شوټ ګول نه شو کړای، او د پنځم پېنالتۍ ضربه د جرمني ګولساتونکي لخوا راوګرځول شوه.
تر دې وروسته د جرمني مدافع جانتن تاه شپږم شوټ د سیالې لوبډلې د ګول د پاسه تېر کړ خو د پاراګوای لوبغاړي د جرمني ګول ته ننوست.
د یادونې ده چې څلور ځله د نړیوال جام ګټونکي جرمني تر دې مخکې په نړیوالو جامونو کې پېنلتیو ته تللې سیالي نه وه بایللې.
پاراګوای به راتلونکې شنبه د ۱۶ مخکښو لوبډلو پړاو کې، په اوسني حذفي پړاو کې د فرانسې او سویډن ترمنځ د سیالۍ ګټونکې لوبډلې سره مخامخ شي.
