Iwu o gbochiri Gọvanọ Hope Uzodimma ịzọ ọkwa Sịnetọ?

Aha onyonyo, Iwu o gbochiri Gọvanọ Hope Uzodimma ịzọ ọkwa Sịnetọ?
Iwu o gbochiri Gọvanọ Hope Uzodimma ịzọ ọkwa Sịnetọ?
    • Onye dere ya, Chinonso Ugorji
    • Ndị mere akụkọ a, Journalist
    • Onye dere ya, Ikechukwu Kalu
    • Ndị mere akụkọ a, Senior Journalist and Video Journalist
  • Mgbe e biputara ya

Kemgbe aka na-achị Imo Steeti bụ Hope Uzodimma kwupụtara mmasị ya ịzọ ọkwa Sịnetọ iji nnọchiteanya mpaghara Imo West n'Ụlọomeiwu Ukwu Naijiria, ọtụtụ mmadụ anọrọla na mgbagwojuanya.

Ụfọdụ na-ajụ sị, kedụ ka ọ ga-esi kwe omume na gọvanọ ga-anọ n'ọchịchị zọọ ọkwa ọzọ, ma ọ ga-eburu eburu nyara anyara?

Ndị ọzọ a na-ebugharị akụkọ sị, ikekwe, ọ ga-agba arụkwaghịm ma nyefee ọchịchị n'aka osote ya, iji nweta ohere ịzọ ọkwa onye omeiwu.

Skip content and continue reading

End of content

Mana iwu Naijiria o gbochiri ya ime nke a?

Ndị Ọkaiwu abụọ bụ Obulimba Madukaji na Maxwell Opara kwuru hoohaa na o nweghị iwu ọbụla Uzodimma dara ma ọ bụrụ na ọ nọrọ n'ọchịchị dịka gọvanọ wee zọọ ọkwa ịbụ onye omeiwu.

Obulimba kwuru na oge ọchịchị Uzodimma kwesịrị ịkụrụ ọnụ dịka gọvanọ n'ọnwa Febụwarị afọ 2028 n'ihi oge ọ batara n'ọchịchị, mana mgbe a ga-ahazi ntuliaka maka ndị omeiwu bụ n'ọnwa Jenụwarị afọ 2027.

Ọ kọwara na naanị ihe Uzodimma ga-eme ma a sị ya nweta mmeri na ntuliaka ahụ bụ ịgbahapụ ọkwa ya dịka gọvanọ, ma gazie ṅụọ iyi dịka onye omeiwu.