IKIBIRIRAHO, Abantu barenga 130 bamaze gupfa muri DR Congo nyuma yuko Ebola yongeye kwaduka

Amakuru y'ikibiriraho

Didier Bikorimana, Gildas Yihundimpundu, Gisèle Berwa na Samba Cyuzuzo

1. Iminota 6 iraheze“Inshuti nziza y’igihe kirekire” – Putin avuga kuri Xi mbere yo kwakirwa i Beijing

   Ibiro Kremlin bya perezida w’Uburusiya byasohoye ubutumwa bw’amashusho Perezida Vladimir Putin yageneye Abashinwa mbere y’uruzinduko rwe i Beijing rutangira uyu munsi.

   Mu ijambo ririmo amagambo menshi ashimagiza Perezida Xi Jinping w’Ubushinwa, Putin yavuze ko Xi ari “inshuti nziza y’igihe kirekire” kandi ko umubano w’ibihugu byabo ugeze “ku rwego mu by’ukuri utigeze ubaho mbere”.

   Putin yashimangiye ko ubufatanye bukomeye bw’Uburusiya n’Ubushinwa bifite uruhare rukomeye mu gutuma isi itekana.

   Putin agiye gusura Beijing iminsi micye nyuma y’uko Xi yakiriye Donald Trump wa Amerika.

   Ku wa mbere, Kremlin yavuze ko Uburusiya bwiteze byinshi mu ruzinduko rwa Putin mu Bushinwa muri iki cyumweru kandi impande zombi zizarukoresha mu kubaka “ubufatanye budasanzwe”.

   Uru ni uruzinduko rwa 25 rwa Putin mu Bushinwa, kandi ibihugu byombi bibona uru ruzinduko rw’iminsi ibiri nk’ikindi kimenyetso cy’umubano “ukomeye”, nubwo uburengerazuba bukomeza gushyira igitutu k’Ubushinwa ngo busabe inshuti yabwo (Uburusiya) kurangiza intambara muri Ukraine.

   Izindi nkuru wasoma:

   Indangururamajwi yari ifunguye batabizi yafashe Xi na Putin baganira ku gusimbuza ingingo no kudapfa

   Ahantu 3 h'ibisobanuro bikomeye ubutegetsi bwa Xi bwahisemo gutunguza Trump mu ruzinduko rwe

   Ubushinwa bwamuritse intwaro nshya 'zitari zizwi' mu karasisi rutura, Xi avuga ko iki gihugu 'kidahagarikwa'

2. Haciye isaha 1Togo yavanyeho 'visa' ku Banyafurika bose

   Leta ya Togo yatangaje ko guhera ku wa mbere yavanyeho gusaba impushya (visa) zo kwinjira muri icyo gihugu cyo muri Afurika y'uburengerazuba, ubu Abanyafurika bose bafite inzandiko z’inzira (passports) zemewe bashobora kwinjira muri Togo nta ‘visa’ bakahamara iminsi igera kuri 30.

   Itangazo rya minisiteri y’umutekano rivuga ko biri mu rwego rwo gufungura amarembo ya Togo, iterambere no kureshya abanyamahanga, muri gahunda yo gutuma Togo ihinduka ihuriro ry’akarere rya serivisi, ubucuruzi, umuco n’ubusabane bw’abantu.

   Leta ya Togo inavuga ko iki cyemezo kiri mu rwego rw’indangagaciro za kinyafurika.

   Ariko minisiteri y’umutekano ivuga ko Abanyafurika bateganya kujya muri Togo bagomba kubanza kubimenyekanisha ku rubuga rwa leta rujyanye n’ingendo, nibura amasaha 24 mbere yuko bagera muri Togo, kugira ngo bahabwe icyemezo (“bordereau”) cy’urugendo rwabo.

   Togo yiyongereye ku bindi bihugu byinshi byo muri Afurika, birimo u Rwanda, Ghana, Bénin, Seychelles na Gambia, na byo byakuyeho ‘visa’ ku Banyafurika babigana.

   Izindi nkuru wasoma:

   Umwanya mushya wa Perezida wa Togo ushobora gutuma ategeka ubuzima bwe bwose busigaye

   Ghana yabaye ihagaritse gutanga ubwenegihugu ku bafite inkomoko muri Afurika

   'Icaha kibi kurusha ibindi vyose kuri zina muntu': Ingingo ya ONU ku bucakara isiguye iki?

3. Haciye amasaha 2Manchester City iri kwitegura kugenda kwa Pep Guardiola

   Amakuru yatangarijwe BBC Sport avuga ko uyu mutoza w’ikirangirire ateganyijwe kuva muri iyi kipe ikinira Etihad Stadium nyuma y’uyu mwaka w’imikino.

   Pep Guardiola amaze gutwarana na Manchester City ibikombe bikomeye 17 ndetse 20 byose hamwe mu myaka 10 amaze atoza iyi kipe kuri Stade ya Etihad.

   Guardiola yasinyiye Manchester City amasezerano y’imyaka itatu muri Gashyantare 2016, asimbura Manuel Pellegrini mbere y’itangira rya shampiyona ya 2016-17.

   Uyu wahoze ari umukinnyi w’ikipe y’igihugu ya Espagne yongeye gusinya amasezerano y’imyaka ibiri muri Ugushyingo 2024, azarangira mu 2026-27 bikekwa ko ariyo ya nyuma.

   Umunyamakuru wa Manchester City, Shamoon Hafez, avuga ko mu cyumweru gishize habonetse ibimenyetso byinshi bishobora kwerekana ko Guardiola ashobora kuba agiye kugenda.

   Manchester City yo ivuga ko Guardiola agifite amasezerano yo gutoza no mu mwaka utaha kandi ko bafite icyizere ko azaguma ku buyobozi bw’ikipe.

   Ariko kandi, muri iyi kipe ibikorwa byo kwitegura ubuzima nyuma yo kugenda kwe byaratangiye, aho bamwe mu bakozi bazi neza ko azagenda.

   Mu kiganiro yagiranye na BBC Sport mbere y’umukino wa nyuma wa FA Cup wabaye ku wa Gatandatu, yabajijwe niba azakomeza kuba muri iyi kipe umwaka utaha, maze asubiza ati: “Yego"

   Yaracecetse gato hanyuma ati: “Ikibazo gikurikira. Nakibajijwe inshuro nyinshi ndacyafite undi mwaka umwe.”

   Bimwe mu bikorwa biri gutekerezwaho harimo kwita izina rya Guardiola ku gice gishya cya stade kizwi nka North Stand.

   Uyu mutoza ufatwa nk’uwabaye indashyikirwa kurusha abandi mu mateka ya Manchester City, afatwa kandi nk’umwe mu batoza beza babayeho mu mateka y’umupira w’amaguru.

   Ashobora no kurangiza neza urugendo rwe muri Etihad Stadium atwaye igikombe cya karindwi cya Premier League, kuko yamaze no gutwara FA Cup ndetse na Carabao Cup muri uyu mwaka.

   Manchester City irakina na Bournemouth ku wa Kabiri, aho Guardiola byanze bikunze aza kongera kubazwa ku hazaza he.

   Ese azatanga igisubizo cya nyuma cyangwa azakomeza kuvuga ko agifite “undi mwaka umwe” nk’uko yabivuze muri uyu mwaka wose?

   Guardiola yujuje imikino 1,000 atoje muri Ugushyingo, kandi ashobora kurangiza urugendo rwe ku Cyumweru atoje Manchester City ku nshuro ya 593 akaba ari we mutoza wayitoje imikino myinshi kurusha abandi bose.

   Byaba uburyo bwiza kandi bwuzuye amarangamutima bwo gusezera, yaba atwaye igikombe cya shampiyona cyangwa atagitwaye

   Izindi nkuru wasoma:

   Igikombe kiri mu biganza byacu kandi tugomba kubibyaza umusaruro – Guardiola

   Mendy yishuza Man City imiriyoni 11.5 £, vyabaye ngombwa ko bagenziwe bamugurana amahera yo kubaho

4. Haciye amasaha 2Komine Muyinga: Umusore yipfuza kurongora yategetswe kuba afise inzu, imatera, n’igipimo c’ikawa

   Itangazo BBC yagenzuye umwimerere ryo kuwa mbere rya musitanteri wa komine Muyinga yo mu ntara ya Buhumuza, mu Burundi, rivuga ivyo imisore yo muri iyo komine isabwa imbere yo gushinga urugo.

   Musitanteri Misago Amédée avuga ko ivyo ari mu ntumbero yo guhimiriza abavukakomine "kwijukira ibikorwa vy’iterambere, no gukinga amatati akunda kwibonekeza" afatiye ku bukene mu miryango mishasha.

   Misago ashimangira ko bikunda no gushika imwe mu miryango ikahukana kubera ayo matati. Ariko ntatanga ibitigiri.

   Ku bw’iyo mvo, uyu musitanteri ategeka ivyo umusore wese yipfuza kwubaka urwiwe "abwirizwa" kuba afise;

   • Inzu yubatse neza isakaje amabati canke amategura
   • Umurima urimwo ibiti 10 vy’amavoka n’ibiti vy’ikawa 100 canke birenga
   • Imatera (umudo) yo kuryamako

   Avuga ko ku basanzwe badatunzwe n’umwuga wo kurima, basabwa kwerekana amatungo ava mu vyo bakora ashobora kuzobafasha kubaho bamaze gushinga urwabo.

   Iyi ngingo iraraba n’abigeme.

   Itangazo rya Musitanteri rivuga ko umwigeme wese "ategerezwa gukora ibikorwa bimuteza imbere" kugira izosahirize mu gihe azoba agiye mu rugo rushasha.

   Musitanteri gutanga amabwirizwa y'ivyo abipfuza gushinga izabo bategerezwa gutunga si ingingo imenyerewe m'Uburundi.

   Izindi nkuru wosoma:

   Menya ibindi byatuma ukundwa kuruta ubwiza bwo ku isura

   Ubufaransa: Batoye umushinga w'itegeko ko gushyingirwa bitavuze gukora imibonano mpuzabitsina

   'Nafatiwe ku rugamba mu kigwati ca Ridkodub' - Umurundi afungiwe muri Ukraine

5. Haciye amasaha 2Amerika yatanze imfashanyo y'ibanze ya miliyoni $13 yo gufasha kurwanya Ebola

   Leta y’Amerika ivuga ko irimo guhuza ibikorwa byimbitse byo guhangana n’icyorezo cya Ebola cyongeye kwaduka muri Repubulika ya Demokarasi ya Congo (DRC), mu ntangiriro ikaba yatanze imfashanyo ya miliyoni 13 z’amadolari (angana na miliyari 19 FRW).

   Itangazo rya minisiteri y’ububanyi n’amahanga y’Amerika rivuga ko “mu gukora hagamijwe guhagarika ikiza mbere yuko kigera ku nkombe z’Amerika, Leta Zunze Ubumwe [z’Amerika] zirimo kurinda ubuzima bw’Abanyamerika imuhira no mu mahanga”.

   Amerika itangaje ibi nyuma yuko umuganga w’Umunyamerika yanduye iyi virusi aho yavuriraga abarwayi ku bitaro bya Nyankunde i Bunia, umurwa mukuru w'intara ya Ituri, aho akorera kuva mu mwaka wa 2023. Ubu uwo mugabo yamaze kujyanwa kuvurirwa mu Budage.

   Itangazo rya leta y’Amerika rivuga ko irimo gukorana bya hafi na leta ya DRC, u Rwanda, Sudani y’Epfo na Uganda, byamaze gushyiraho amatsinda yo kugenzura uko ibintu birimo kugenda kuri icyo cyorezo no kubimenyesha Abanyamerika bari muri ako karere.

   Abategetsi muri DRC bavuze ko abantu 131 bamaze gupfa mu turere twagaragayemo icyorezo cya Ebola naho abandi 531 bakaba bacyekwa ko bayanduye. Ebola yanagaragaye muri Uganda, aho umuntu umwe wayijiranye mu gihugu avuye muri DRC yapfuye mu cyumweru gishize.

   Amerika ivuga ko iyo mfashanyo y’ibanze iri mu rwego rwo kongerera imbaraga ibikorwa bya buri gihugu, birimo kugenzura, ubushobozi bwo gupima muri laboratwari (laboratoire), gutangaza amakuru ajyanye n’iyi ndwara, gushyingura mu buryo butekanye budashobora kuyanduza no gupima abinjira n’abasohoka mu gihugu.

   Izindi nkuru wasoma:

   Ebola: Iby'ingenzi wamenya kuri iyi ndwara yica iri muri DRC na Uganda OMS yavuze ko iteje inkeke ku isi

   OMS yatangaje ko icyorezo cya Ebola cyadutse muri DRC na Uganda ari ikibazo cyihutirwa gihangayikishije isi

   Umutegetsi mukuru w'umutwe wa IS yishwe n'ingabo z'Amerika n'iza Nigeria

6. Haciye amasaha 3‘Miss Populaire’ w’u Burundi yambuwe ikamba

   Abategura irushanwa rya Miss Burundi batangaje ko umukobwa ‘wakunzwe cyane’ ku mbuga zitandukanye (Miss Populaire) yambuwe iryo kamba kuva ku wa mbere, nk’uko biri mu itangazo basohoye mu ijoro ryacyeye.

   Kompanyi INGO s.a itegura ayo marushanwa y’ubwiza ivuga ko Mugisha Monica Celeste “yakoze ingendo mu mahanga” atabimenyesheje, kandi ko bagerageje kumenya amakuru kuri we ntasubize.

   Mugisha ntacyo aravuga ku byatangajwe n’iyi kompanyi iba ifitanye amasezerano y’imikoranire n’abakobwa batsinze irushanwa.

   Iyo kompanyi ivuga ko kuva ubu Mugisha abujijwe gukoresha iryo kamba yahawe, n’ikirango cy’irushanwa ku mbufa izo ari zo zose.

   Itangazo ryayo rivuga ko “gukoresha iryo kamba kuzafatwa nko kwiyitirira ikintu kandi kwatera gukurikiranwa mu mategeko”.

   Amezi macye nyuma yo gutorwa muri Nyakanga(7) ishize Mugisha yagiye muri Suède mu bikorwa byo kumurika no guteza imbere umuco w’u Burundi, nyuma agaruka mu gihugu cye.

   Mu ntangiriro z’uyu mwaka, Mugisha wari ufite umushinga ugendaye n’ubucuruzi bw’ikawa, yabonetse mu bindi bikorwa bitandukanye mu Burundi.

   Izindi nkuru wasoma:

   Mona Walda Kaneza: Menya ingene uno yari Miss Burundi akanonosora ivy’amabanki yisanze mu muziki

   Impanuro za Angeline Ndayishimiye ku batowe mu ihiganwa rya Miss Burundi 2025

   'Nshaka gushigikira urwaruka ruri hagati ya 100 na 300'- Miss Burundi 2025

7. Haciye amasaha 3Umunyamerika yanduye Ebola muri DR Congo yajanywe kuvurirwa hanze

   Abategetsi ba Leta Zunze Ubumwe za Amerika bavuga ko Umunyamerika yipimishije agasanganwa Ebola inyuma yo kuyandura igihe yariko akorana n’umugwi w’abamisiyonari b’abavuzi muri Repubulika yaDemokarasi ya Congo.

   Ikigo ca Amerika kijejwe gukinga no kurwanya indwara, CDC, cavuze ko uwo Munyamerika yimuriwe mu Budagi kugira avurwe inyuma y’aho mu mpera z’indwi iheze atanguye kugaragaza ibimenyetso vy’iyo ndwara.

   Abantu n’imiburiburi 131 ni bo bivugwa ko bamaze gupfa kuva indwara ya Ebola yadutse muri DRC. Hakekwa kandi ko abarenga 500 boba barayanduye nk’uko bishikirizwa n’abategetsi.

   Ikigo CDC ca Amerika cavuze ko kiriko kiritunganya kugira kijane abandi Banyamerika n’imiburiburi batandatu bagiye ahantu hari iyo ndwara canke bashobora kuba baregereye abagwayi.

   Ico kigo nticatangaje ku mugaragaro izina ry’Umunyamerika yakorera muri DR Congo yafashwe n’uwo mugera ku wa Mungu.

   Ariko umuryango w’abamisiyonari b’abavuzi witwa “Serge” wavuze mu nyuma ku wa mbere ko umwe mu baganga bawo b’Abanyamerika, Peter Stafford, yipimishije agasanga yaranduye Ebola.

   Uwo muganga yanduye uwo mugera igihe yariko avura abarwayi ku bitaro vya Nyankunde i Bunia, umurwa mukuru w'intara ya Ituri, aho arangurira imirimo kuva mu mwaka wa 2023, nk’uko uwo muryango wabivuze.

   Ku wa mbere, ikigo CDC casohoye itegeko rishasha ribuza ingenzi z’abanyamahanga kwinjira muri Amerika hamwe mu misi 21 iheze boba baragendeye ibihugu vyagaragayemo Ebola, harimwo DRC, Uganda na Sudani y’Epfo.

   Ico kigo cafatiye kw’itegeko ryitwa Title 42, ribuza vy’igihe gito abatari Abanyamerika kwinjira muri Amerika ku mvo z’amagara y’abantu.

   Izindi nkuru wasoma:

   Umutegetsi mukuru w'umutwe wa IS yishwe n'ingabo z'Amerika n'iza Nigeria

   'The Beast': Menya impamvu bikomeye kwangiza imodoka ya Perezida wa Amerika n'igitero cy'ibisasu

   FBI yashyizeho 200,000$ ku watanga amakuru yafatisha uyu mugore ivuga ko ari maneko wa Iran

8. Haciye amasaha 4Imbunda n’abageni: Ubukwe butangaje i Tehran bwa ‘couples’ 110 zishyigikiye leta

   Mu muhate w’icengezamatwara rya na leta ya Iran, ku murwa mukuru Tehran kuwa mbere nijoro habaye ubukwe bwa ‘couples’ zigera ku 110 zatambagiye mu mihanda mu byishimo no gushyigikira leta, nk'uko bivugwa na BBC ishami ry'igiperse.

   Imihango yo kubashyingira yabereye ahitwa Imam Hussein Square mu majyepfo y’uyu murwa mukuru umaze igihe ufite agahenge nyuma y’ibitero bikomeye byibasiye uyu mujyi kuva mu mpera za Gashyantare(2) kugeza mu kwezi gushize.

   Ubu bukwe bwabaye bigendanye n’ubukangurambaga (campaign) bwiswe "Janfada" [bisobanuye – igitambo] aho ibinyamakuru bya leta bivuga ko abantu miliyoni 31 biyandikishije ko biteguye kurwanira igihugu cyabo.

   Leta yatangije amahugurwa ya gisirikare no gukoresha intwaro ku bifuza kwinjira mu gisirikare.

   Amashusho y’ubu bukwe bise ‘Janfada couples’ yagaragaje zimwe mu modoka z’abageni zariho imbunda ziremereye mu gushyigikira ubwo bukangurambaga.

   Repubulika ya Kislamu ya Iran yarwanye intambara ebyiri yatewemo na Israel na Amerika muri iyi myaka ibiri ishize kandi yugarijwe n’ibibazo bikomeye by’ubukungu.

   Leta ishyira imbaraga mu gushyigikirwa n’abaturage mu byo icamo, nubwo abaturage bamwe banenga leta gushaka kwinjiza abantu benshi bashoboka mu gisirikare.

   Izindi nkuru wasoma:

   FBI yashyizeho 200,000$ ku watanga amakuru yafatisha uyu mugore ivuga ko ari maneko wa Iran

   Ibintu bitandatu isi yamenye kuri Iran kubera iyi ntambara

9. Haciye amasaha 4Trump avuga ko yahagaritse ibitero bishya kuri Iran abisabwe n’ibihugu byo mu kigobe

   Perezida Donald Trump wa Leta Zunze Ubumwe za Amerika yavuze ko yahagaritse ibitero bya gisirikare bishya kuri Iran abisabwe n’ibihugu byo mu kigobe mu gihe “ibiganiro bikomeye ubu birimo kuba”.

   Mu butumwa yashyize ku rubuga rwe Truth Social, yavuze ko ibyo yabisabwe na Qatar, Arabia Saoudite na Emira Zunze Ubumwe z’Abarabu.

   Avuga ko yabwiwe ko kumvikana “kwakwemerwa” na Washington kugiye kugerwaho, yongeraho ko uko kumvikana kugomba kuba kurimo ko “NTA NTWARO KIRIMBUZI KURI IRAN”.

   Gusa yaburiye ko Amerika yiteguye “gukomeza igitero gisesuye kandi kinini cyane kuri Iran, mu kanya ako ari ko kose” mu gihe nta kumvikana Washington yakwemera kugezweho.

   Umwe mu bakuru b’ingabo muri Iran yaburiye Amerika “kudakora andi makosa akomeye no kwibeshya”.

   Ibyatangajwe na Trump bije mu gihe amakusanyabitekerezo yerekana ko abanyamerika benshi bakomeje kwanga iyi ntambara.

   Abagera kuri 64% by’ababajijwe mu ikusanyabitekerezo rya New York Times/Siena bavuze ko byari icyemezo kibi kuri Washington kwishora mu ntambara na Iran.

10. Haciye amasaha 5Abantu barenga 130 bamaze gupfa muri DR Congo nyuma yuko Ebola yongeye kwaduka

    Minisitiri w’ubuzima wa Repubulika ya Demokarasi ya Congo (DRC) yavuze ko abantu 131 bamaze gupfa mu turere twagaragayemo icyorezo cya Ebola naho abandi 531 bakaba bacyekwa ko bayanduye.

    Mu kiganiro n’abanyamakuru i Kinshasa mu ijoro ryacyeye, Minisitiri Dr Samuel-Roger Kamba yavuze ko ushingiye kuri iyo mibare, bigaragara ko ikigero cyo kwica cy’ubu bwoko bwa Bundibugyo bw’iyi virusi kiri hasi ugereranyije n’icy’ubwoko bwaherukaga kugaragara muri icyo gihugu bwitwa Zaïre.

    Yavuze ko ubu bwoko bwa Bundibugyo bwica ku kigero cya 30% ugereranyije n’ubwa Zaïre bwo bwica ku kigero kirenga 80%.

    Minisitiri w’ubuzima yavuze ko bitaremezwa ko abapfuye bose bishwe na Ebola.

    Nubwo yavuze ko iki cyorezo gihangayikishije, yavuze ko atewe ishema n'uburanaribonye iki gihugu kimaze kugira mu guhangana na Ebola, mu gihe iki ari icyorezo cya 17 kibayeho kuva Ebola ivumbuwe muri icyo gihugu mu mwaka wa 1976.

    Ishami ry’Umuryango w’Abibumbye ryita ku buzima (OMS/WHO) ryatangaje ko iki cyorezo cya Ebola ari ikibazo cy’ubuzima rusange cyihutirwa gihangayikishije isi.

    Leta ya DRC ivuga ko utundi turere dutatu tw’ubuvuzi twagaragayemo ubwandu bwa Ebola: Nyakunde yiyongereye ku tundi turere dutatu mu ntara ya Ituri, Butembo mu ntara ya Kivu ya Ruguru mu karere k’ubuvuzi ka Katwa, ndetse n’umuntu umwe wanduye Ebola i Goma.

    Abategetsi bavuze ko amatsinda y’abahanganye n’iki cyorezo arimo gushakisha abacyekwaho ko banduye, ndetse bashishikarije abaturage kudashya ubwoba.

    Minisitiri Dr Samuel-Roger Kamba yavuze ko ku ruhande rw’abaturage habayeho gutinda kumenyekanisha ubu bwoko bushya bwa Ebola, bwadutse ku itariki ya 24 Mata (4) uyu mwaka, kuko hari abafite imyemerere ko iyi ari indwara y’amayobera, ibyo bikaba byaratumye ikomeza gukwirakwira.

    Izindi nkuru wasoma:

    Ebola: Iby'ingenzi wamenya kuri iyi ndwara yica iri muri DRC na Uganda OMS yavuze ko iteje inkeke ku isi

    DR Congo: Denis Mukwege arashinja ishyaka riri ku butegetsi politike yubakiye ku "gusingiza umuntu"

    OMS yatangaje ko icyorezo cya Ebola cyadutse muri DRC na Uganda ari ikibazo cyihutirwa gihangayikishije isi

11. Haciye amasaha 5Mwaramutse neza!

    Ikaze kuri BBC Gahuzamiryango, aho tubagezaho amakuru yo mu karere no mu mahanga mu buryo bw'aka kanya.