IKIBIRIRAHO, Trump yabwiye abari mu biganiro b'Amerika 'kutihutira' kugirana amasezerano na Iran

Amakuru y'ikibiriraho

Didier Bikorimana na Gildas Yihundimpundu

1. Haciye umunota 1Mu mafoto: Arsenal yashyikirijwe igikombe cya Premier League yegukanye nyuma y'imyaka 22

   Arsenal yaraye ishyikirijwe igikombe cya shampiyona y'umupira w'amaguru y'icyiciro cya mbere mu Bwongereza – Premier League – yegukanye mu mwaka w'imikino wa 2025-2026, nyuma y'imyaka 22.

   Yateruye icyo gikombe ku mukino wayo wa nyuma muri uyu mwaka w'imikino, aho yatsinze Crystal Palace ibitego 2-1 ku kibuga Selhurst Park cya Crystal Palace.

   Dore amwe mu mafoto:

   

   Ahavuye isanamu, Getty Images

   

   Ahavuye isanamu, Getty Images

   

   Ahavuye isanamu, Getty Images

   

   Ahavuye isanamu, Getty Images

2. Haciye isaha 1Trump yabwiye abari mu biganiro b'Amerika 'kutihutira' kugirana amasezerano na Iran

   

   Ahavuye isanamu, AFP via Getty Images

   Perezida w’Amerika Donald Trump avuga ko yategetse abari mu biganiro ku ruhande rw’Amerika “kutihutira kugirana amasezerano” na Iran, nyuma yuko mbere yari yumvikanishije ko amasezerano ari hafi kugerwaho.

   Amakuru avuga ko ayo masezerano arimo kuganirwaho arimo inyongera y’agahenge y’iminsi 60, kongera gufungura umuhora wa Hormuz ndetse na gahunda y’ibindi biganiro kuri gahunda ya nikleyeri ya Iran.

   Mu butumwa yatangaje ku mbuga nkoranyambaga, Trump yavuze ko ibiganiro “byubaka” birimo kuba ariko ko “impande zombi zigomba gufata igihe cyazo zikabikora neza”.

   Ku wa gatandatu, Trump yavuze ko amasezerano “ahanini yaganiriweho”, bituma habaho guhwihwisa ko umwanya uwo ari wo wose hashobora gutangazwa ko amasezerano yagezweho.

   Abategetsi bo muri Iran na bo mu mpera y’icyumweru gishize baciye amarenga ko intambwe yatewe mu biganiro. Umuvugizi wa minisiteri y’ububanyi n’amahanga Esmail Baghaei yavuze ko impande zombi ziri “hafi cyane kandi kure cyane” yo kugera ku masezerano.

   Ibitangazamakuru byo muri Amerika bivuga ko ayo masezerano yumvikanishwa atari ayo gucyemura burundu ikibazo, ko ahubwo ateganya ko zimwe mu ngingo zikomeye cyane zaganirwaho nyuma, zirimo nk’ingano y’ibihano Iran yakurirwaho hamwe n’igihe ibyo byabera, kurekura imitungo ya Iran yafatiriwe, ndetse n’ubusabe bwa Washington bwuko Iran igabanya intego zayo zo mu rwego rwa nikleyeri.

   Ayo masezerano yatangajwe mu bitangazamakuru yaciyemo ibice abo mu ishyaka ry’abarepubulikani – rya Perezida Trump – bamwe muri bo bakaba bavuze ku mugaragaro ko arimo korohereza cyane Iran.

   Izindi nkuru wasoma:

   Amasasu hafi ya Maison Blanche muri Amerika mw'ijoro ryakeye, uwikekwa yishwe

   Amerika imaze gukataza ibingana gute muri Irani, kuva ku ndege z'intambara gushika ku madrone?

   Amerika yafatiye ibihano umupolisi mukuru wa Tanzania kubera iyica rubozo no gufatwa ku ngufu byakorewe aba bombi

3. Haciye isaha 1Mwaramutse neza!

   Ikaze kuri BBC Gahuzamiryango, aho tubagezaho amakuru yo mu karere no mu mahanga mu buryo bw'aka kanya.