'Ibiganiro byabereye mu mwuka wo kutizerana, urwicyekwe no gushidikanya' – Leta ya Iran

Inyandiko gusa
Umuvugizi wa minisiteri y'ububanyi n'amahanga ya Irani Esmail Baghaei yicaye ku ntebe ndende yegamirwa, areba muri 'camera'. Yambaye ikositimu y'umukara, inyuma ye hari amabendera abiri ya Irani.

Ahavuye isanamu, Reuters

Insiguro y'isanamu, Umuvugizi wa minisiteri y'ububanyi n'amahanga ya Irani avuga ko bitari byitezwe na rimwe ko Amerika na Irani bagera ku masezerano ako kanya
Igihe co gusoma: iminota 2

Umuvugizi wa minisiteri y'ububanyi n'amahanga ya Irani avuga ko ibiganiro by'amahoro icyo gihugu cyagiranye n'Amerika mu murwa mukuru Islamabad wa Pakistan, byananiwe kugera ku masezerano, byabereye "mu mwuka wo kutizerana".

Mbere, yavuze ko Amerika ikwiye kwirinda "gusaba ibintu birenze urugero". Visi Perezida w'Amerika JD Vance yavuze ko kutagera ku masezerano ari "inkuru mbi kuri Irani cyane kurusha uko ari inkuru mbi kuri Leta Zunze Ubumwe z'Amerika".

Umuvugizi w'iyo minisiteri Esmail Baghaei yavuze ko bitari byitezwe na rimwe ko Amerika na Irani bagera ku masezerano ako kanya.

Yongeyeho ko ibiganiro byabereye mu "mwuka wuzuyemo kutizerana, urwicyekwe no gushidikanya", nyuma y'"intambara yahatiwe" Irani imaze iminsi irenga 40, ndetse na nyuma y'iminsi micye agahenge hagati y'Amerika na Irani gatangiye gukurikizwa.

Baghaei yabwiye ibiro ntaramakuru 'Student News Network' bya leta ya Irani ati: "Kuva mu ntangiriro ntitwagombye kuba twiteze ko twashoboraga kugera ku masezerano mu nama imwe. Sintekereza ko hari umuntu n'umwe wari witeze ibintu nk'ibyo."

Ariko yavuze ko "dipolomasi [ibiganiro] ntiyigera irangira na rimwe".