Amerika yizihije isabukuru y'imyaka 250 y'ubwigenge mu birori byarimo umutambagiro w'indege n'imiriro y'ibishashi

Inyandiko gusa
Perezida w'Amerika Donald Trump n'umugore we Melania Trump, bahagaze, mu birori byo kwizihiza isabukuru y'imyaka 250 y'ubwigenge bw'Amerika, muri pariki ya National Mall, i Washington DC, muri Amerika, ku itariki ya 4 Nyakanga (7) mu mwaka wa 2026.

Ahavuye isanamu, REUTERS/Jonathan Ernst

Insiguro y'isanamu, Perezida w'Amerika Donald Trump n'umugore we Melania Trump bitabiriye ibirori byo kwizihiza isabukuru y'imyaka 250 y'ubwigenge bw'Amerika
    • Umwanditsi, Bernd Debusmann Jr
    • Yakoze inkuru ari, uri muri National Mall i Washington
    • Umwanditsi, Nardine Saad
    • Yakoze inkuru ari, i Los Angeles
  • Yatangajwe
  • Igihe co gusoma: iminota 4

Leta Zunze Ubumwe z'Amerika zizihije isabukuru y'imyaka 250 zimaze zibonye ubwigenge, mu birori byaranzwe no gucana ibishashi by'imiriro y'ibyishimo, imitambagiro y'indege, ikirere kibi mu bice binyuranye by'igihugu, hamwe hakaba hari hamaze iminsi hari ubushyuhe bukabije.

Mu ijambo rye, Perezida w'Amerika Donald Trump yagize ati: "Inzozi z'Amerika ziragarutse."

Nuko imbaga yari iteraniye muri iyo mitingi yatindishijwe, yabereye muri pariki ya National Mall iri i Washington, ivugira hejuru mu byishimo, mbere yuko ibishashi by'imiriro y'ibyishimo, bivugwa ko ari byo bya mbere byinshi cyane bicanwe muri Amerika, bibonesha muri iryo joro.

Itariki ya 4 Nyakanga (7), y'ikiruhuko ku rwego rw'igihugu, ni iyo kwizihiza igihe izari koloni 13 zo muri Amerika zashyiraga umukono ku Itangazo ry'Ubwigenge mu 1776 ryo kurangiza ubukoloni bw'Ubwongereza.

Iki gihugu kirimo ugucikamo ibice cyane, aho Trump yanenzwe ku kwiyerekezaho iyo ntambwe ikomeye mu mateka y'iki gihugu no kuyikoresha ku mpamvu za politike abinyujije mu gutangiza ibirori 250 by'Ubwisanzure (Ubwigenge), bitandukanye n'ibirori 250 by'Amerika byemejwe n'inteko ishingamategeko.

Abantu bareba ibishashi by'imiriro y'ibirori, i Washington DC, muri Amerika, ku itariki ya 4 Nyakanga (7) mu mwaka wa 2026.

Ahavuye isanamu, REUTERS/Evan Vucci

Insiguro y'isanamu, Abantu bareba ibishashi by'imiriro y'ibirori muri mitingi yo ku itariki ya 4 Nyakanga (7), yanitabiriwe na Perezida w'Amerika Donald Trump, muri pariki yitwa National Mall, iri i Washington
Abantu benshi bamwenyura barimo n'abazamuye amabendera y'Amerika, muri mitingi yo ku itariki ya 4 Nyakanga (7) mu 2026, i Washington DC, muri Amerika, mu birori byo kwizihiza isabukuru y'imyaka 250 Amerika imaze ibonye ubwigenge. Ni ibirori byanitabiriwe na Perezida w'Amerika Donald Trump.

Ahavuye isanamu, REUTERS/Jonathan Ernst

Insiguro y'isanamu, Abantu bateraniye muri mitingi yo ku itariki ya 4 Nyakanga (7), i Washington

Yagize ati: "Harakabaho igitera ubwigenge."

"... tuzahora iteka turi hejuru, ntituzigera na rimwe tureka igihugu cyacu ngo kigwe, tuzahora iteka kuri indashyikirwa."

Mu gusoza ijambo ye, Trump yabwiye imbaga yari iteraniye aho ati: "Uyu ni umuseke [intangiriro] w'igihe cya zahabu [cyiza cyane] cy'Amerika" gifite iherezo "ryanditswe n'Imana".

Skip Ibisomwa cane and continue reading
Ibisomwa cane

End of Ibisomwa cane

Abantu bitwikiriye mu mvura, mu gihe kirimo imiyaga ikaze, mbere y'ibirori byo ku itariki ya 4 Nyakanga (7) muri Amerika byo kwizihiza isabukuru y'imyaka 250 y'ubwigenge. Ifoto yafotorewe i Washington DC, muri Amerika, ku itariki ya 4 Nyakanga (7) mu 2026.

Ahavuye isanamu, REUTERS/Nathan Howard

Ibishashi by'imiriro yo mu birori ku iteme rya Brooklyn Bridge, i New York, ku kwizihiza isabukuru y'imyaka 250 y'ubwigenge bw'Amerika.

Ahavuye isanamu, LAURA BRETT/EPA/Shutterstock

Insiguro y'isanamu, Ibishashi by'imiriro yo mu birori ku iteme rya Brooklyn Bridge, mu mujyi wa New York
Indege z'intambara z'Amerika zo mu bwoko bwa F22 Raptor ziherekeje indege yo mu bwoko bushya ya Air Force One, hejuru ya pariki ya National Mall, i Washington muri Amerika, mu birori byo kwizihiza isabukuru y'imyaka 250 ishize Amerika ibonye ubwigenge.

Ahavuye isanamu, Aaron Schwartz/POOL/EPA/Shutterstock

Insiguro y'isanamu, Indege z'intambara z'Amerika zo mu bwoko bwa F22 Raptor ziherekeje indege yo mu bwoko bushya ya Air Force One, hejuru ya pariki ya National Mall, i Washington, mu kwizihiza isabukuru y'imyaka 250 y'ubwigenge bw'Amerika

Icyo abahoze ari ba perezida bavuze

Skip podcast promotion and continue reading
WhatsApp channel ya BBC Gahuza

Amakuru ya BBC Gahuza ako kanya kuri WhatsApp yawe

Kanda hano ujyeho

End of podcast promotion

Abahoze ari ba perezida b'Amerika bakiriho bose uko ari bane batangaje ubutumwa bwo kwizihiza iyi ntambwe ikomeye iki gihugu giteye.

Joe Biden, wabanjirije Trump, yibukije ibivugwa muri iryo Tangazo ry'Ubwigenge ko abantu bose baremwe bareshya.

Yagize ati: "Twahisemo iyo nzira mu myaka 250 ishize ariko aho ni ho umurimo watangiriye, si ho warangiriye." Yaburiye ko isezerano ry'iki gihugu ry'uburinganire kuri bose rikiri umurimo wo gukomeza gukorwa.

Barack Obama, wabaye Perezida w'Amerika wa mbere w'umwirabura, yongeye gutangaza bimwe mu bice byo mu ijambo aherutse kuvuga ubwo yatangizaga ingoro ndangamurage yo mu gihe cye nka perezida.

Yagize ati: "Hari byinshi byo gukora kugira ngo igihugu gisohoze intego zacyo."

"Buri gisekuru kigomba gukomereza ku murimo utararangiye w'igisekuru gishize kikawigiza imbere - mu kurinda ibyiza, gukosora ibibi, no gutuma ubumwe bwacu burushaho gato kuba ntamakemwa."

George W Bush, wabaye Perezida wa 43 w'Amerika, yavuze ko "imyaka 250 itaha isaba Abanyamerika kuba abaturage, aho kuba indorerezi".

Yavuze ko Abanyamerika bacyeneye "kwita cyane ku buzima n'imibereho by'igihugu cyacu n'aho batuye".

Uwamubanjirije ku butegetsi Bill Clinton yafashe akanya ko kugira icyo avuga kuri politike y'Amerika muri iki gihe.

Uyu wabaye Perezida wa 42 w'Amerika yagize ati: "Uyu munsi, turizihiza iyi ntambwe ikomeye mu gihe turi mu kindi gihe cyo gucikamo ibice cyane, ibibazo bishya kuri ejo hazaza h'Amerika n'uruhare rwayo ku isi, n'inkeke zikomeye ku nzego bwite zacu no kuri demokarasi yacu ubwayo."