’پاکستانی عسکریت پسند‘ کی ہلاکت سے متعلق انڈین دعوے اور محمد آصف کی میڈیا پر پیشی

انڈین فوج کی جانب سے انڈیا کے زیرِ انتظام کشمیر کے ضلع بڈگام میں عسکریت پسند تنظیم لشکرِ طیبہ کے پاکستانی کمانڈر کی ہلاکت کے دعوے اور انڈین ذرائع ابلاغ کی جانب سے اس شخص سے منسوب شناختی دستاویز پیش کیے جانے کے معاملے میں جمعرات کو اس وقت ایک نیا موڑ آیا جب پاکستانی فوج کے ترجمان نے ایک پریس کانفرنس میں دعویٰ کیا کہ محمد آصف نامی جس شخص کی ہلاکت کے دعوے کیے جا رہے ہیں وہ پاکستانی فوج میں تو ہے لیکن زندہ ہے اور پھر انھوں نے اس شخص کو صحافیوں کے سامنے پیش بھی کر دیا۔