లైవ్, పారిస్‌లో ఊపిరి పీల్చుకోవడమే కష్టమైంది: హానీమూన్‌కి వెళ్లిన కొత్త జంట

లైవ్ కవరేజీ

1. 56 నిమిషాలు క్రితంభారత పురుషుల క్రికెట్ జట్టు చీఫ్ సెలక్టర్‌గా ప్రజ్ఞాన్ ఓజా

   

   ఫొటో సోర్స్, Getty Images

   అజిత్ అగార్కర్ స్థానంలో ప్రజ్ఞాన్ ఓఝానుచీఫ్ సెలెక్టర్‌గా బీసీసీఐ నియమించింది.

   భారత మాజీ క్రికెటర్ రమేశ్ పొవార్‌ను పురుషుల క్రికెట్ జట్టు కొత్త సెలెక్టర్‌గా నియమించింది.

   అశోక్ మల్హోత్రా, జతిన్ పరాంజపేలతో కూడిన క్రికెట్ సలహా కమిటీ (సీఏసీ), పురుషుల సెలక్షన్ కమిటీ సభ్యుని నియామకం కోసం ఎంపిక ప్రక్రియను పూర్తి చేసిందని బీసీసీఐ ఓ ప్రకటనలో తెలిపింది.

   దరఖాస్తుదారుల పత్రాలను పరిశీలించి, బీసీసీఐ ప్రధాన కార్యాలయంలో ఇంటర్వ్యూలు నిర్వహించిన అనంతరం రమేశ్ పొవార్ పేరును ఏకగ్రీవంగా సిఫార్సు చేసినట్టు తెలిపింది.

   పురుషుల సెలక్షన్ కమిటీ ఛైర్మన్‌గా అజిత్ అగార్కర్ చేసిన సేవలను, ఆయన నిబద్ధతను, కృషిని బీసీసీఐ ప్రశంసించింది.

   2023జూలైలో అగార్కర్‌ చీఫ్ సెలక్టరయ్యాడు.

   అత్యధిక టెస్ట్ మ్యాచ్‌లు ఆడిన ప్రాతిపదిక ఆధారంగా ప్రజ్ఞాన్ ఓఝా సెలక్షన్ కమిటీ ఛైర్మన్‌గా ఉంటాడని బీసీసీఐ తెలిపింది.

   రమేశ్ పొవార్ తన అంతర్జాతీయ క్రికెట్ కెరీర్‌లో భారత్ తరఫున రెండు టెస్టులు, 31 వన్డేలు ఆడాడు. ఆ తర్వాత భారత మహిళల క్రికెట్ జట్టుతో పాటు ముంబై, గుజరాత్‌ జట్లకు ప్రధాన కోచ్‌గా పనిచేశాడు. బీసీసీఐ సెంటర్ ఆఫ్ ఎక్సలెన్స్‌లో బౌలింగ్ కోచ్‌గా కూడా సేవలందించాడు.

2. 4 గంటలు క్రితంపారా ఆసియా క్రీడలు: ఒకే ఈవెంట్‌లో భారత్‌కు స్వర్ణం, రజతం

   

   ఫొటో సోర్స్, ANI Photo/Olympic Khel- X

   జపాన్‌లోని నాగోయాలో జరుగుతున్న పారా ఆసియా క్రీడల్లో భారత షూటర్ మోనా అగర్వాల్ స్వర్ణ పతకం గెలుచుకోగా, అవని లేఖరా రజత పతకం సాధించింది.

   ఆర్2 మహిళల 10మీటర్ల ఎయిర్ రైఫిల్ షూటింగ్‌లోని ఎస్‌హెచ్1 విభాగంలో ఇద్దరూ ఈ ఘనతను సాధించారు. ఫైనల్‌లో ఇద్దరు షూటర్ల మధ్య హోరాహోరీ పోటీ నెలకొంది.

   మోనా 250.0 పాయింట్లు సాధించి స్వర్ణ పతకం గెలుచుకోగా, అవని 249.6 పాయింట్లతో రెండో స్థానంలో నిలిచింది.

   దక్షిణ కొరియాకు చెందిన యున్రి లీ 227.9 పాయింట్లతో కాంస్య పతకాన్ని గెలుచుకుంది.

   ఈ ఘనత సాధించినందుకు ఇద్దరు భారత షూటర్లను ప్రధానమంత్రి కార్యాలయం (పీఎంఓ) అభినందించింది.

3. 4 గంటలు క్రితం

   గుడ్ ఆఫ్టర్ నూన్...

   నేను బీబీసీ ప్రతినిధి కమలాదేవి నల్లపనేని. ఇప్పటినుంచి రాత్రి 10గంటల వరకు ముఖ్యమైన వార్తలను అందిస్తాను.

4. 6 గంటలు క్రితంటైగర్ ష్రాఫ్‌పై కాల్పుల కేసు: ముగ్గురు అరెస్ట్

   

   ఫొటో సోర్స్, ANI

   ముంబైలో ఆదివారం సాయంత్రం టైగర్‌ ష్రాఫ్‌పై కాల్పులు జరిపిన ఘటనలో ముగ్గురు నిందితులను పోలీసులు అదుపులోకి తీసుకున్నారని ఏఎన్‌ఐ రిపోర్టు చేసింది. వీరిని రాజస్థాన్ పోలీసులు పట్టుకున్నారని తెలిపింది.

   బాలీవుడ్ నటుడు టైగర్ ‌ష్రాఫ్ కాల్పుల కేసులో ముగ్గురు నిందితులను రాజస్థాన్‌లోని కోటా పోలీసులు అరెస్టు చేశారు. వీరిలో ఇద్దరు హరియాణాకు చెందిన వారు కాగా, ఒకరు బిహార్‌కు చెందిన వ్యక్తిగా గుర్తించారు.

   వారంతా రైలులో పారిపోతుండగా పోలీసులు పట్టుకున్నట్టు కోటా ఎస్పీ తేజస్వినీ గౌతమ్ ఏఎన్‌ఐతో చెప్పారు.

5. 19 అక్టోబర్ 2026ఇరాన్ కొత్త రక్షణ మంత్రిగా మెహర్దాద్ అఖ్లాఖీ కెతాబ్చీ

   

   ఫొటో సోర్స్, news online

   ఇరాన్ రక్షణ మంత్రిగా మెహర్దాద్ అఖ్లాఖీ కెతాబ్చీ నియమితులైనట్టు బీబీసీ పర్షియన్ తెలిపింది. పార్లమెంట్‌ విశ్వాస పరీక్షలో 237 ఓట్లు పొంది రక్షణ మంత్రిగా నియమితులయ్యారు.ఇటీవa యుద్ధంలో మరణించిన అజీజ్ నాసిర్‌జాదే స్థానంలో ఆయన నియామకం జరిగింది.

   ఇరాన్ రక్షణ, ఏరోస్పేస్ రంగాల్లో అఖ్లాఖీకి నాలుగు దశాబ్దాలకుపైగా అనుభవం ఉందని అధ్యక్షుడు మసూద్ పెజెష్కియన్ పార్లమెంటుకు తెలిపారు. ఇరాన్ క్షిపణి, రక్షణ కార్యక్రమాలలో పాలుపంచుకున్న అనేక మంది ప్రముఖ శాస్త్రవేత్తలు, సైనిక అధికారులతో అఖ్లాఖీ కలిసి పనిచేశారని పేర్కొన్నారు.

   ఇటీవలి యుద్ధం తర్వాత ఇరాన్ తన రక్షణ సామర్థ్యాలను మరింత బలోపేతం చేసుకుందని, ఇది ప్రత్యర్థుల సైనిక అంచనాలు మారాయని పార్లమెంటులో చేసిన తొలి ప్రసంగంలో అఖ్లాఖీ అన్నారు.

   క్షిపణి సామర్థ్యాల అభివృద్ధికి, ముఖ్యంగా ఉపరితలం నుంచి ఉపరితలానికి ప్రయోగించే క్షిపణులు, క్రూయిజ్ క్షిపణులకు ప్రాధాన్యం ఇస్తానని పేర్కొన్నారు. ప్రస్తుత ఉద్రిక్త పరిస్థితుల్లో ఈ నియామకం కీలకంగా విశ్లేషకులు భావిస్తున్నారు.

6. 19 అక్టోబర్ 2026పంజాబ్‌: ఉపాధి హామీ పథకం కూలీలపైకి దూసుకెళ్లిన కారు-8 మంది మృతి

   

   ఫొటో సోర్స్, Kulvir Singh/BBC

   పంజాబ్‌లోని సంగ్రూర్‌లో రోడ్డుపై పని చేస్తున్న ఉపాధి హామీ పథకం కూలీలపైకి ఒక కారు దూసుకెళ్లింది. అక్కడ పని చేస్తున్న వారిలో 8 మంది మృతి చెందారు. మరికొందరు కూలీలు గాయపడ్డారు.

   సంగ్రూర్ జిల్లాలోని లెహ్రాగాగా-జఖల్ రోడ్‌లో ఈ ప్రమాదం జరిగింది. ఆ రోడ్డుపై పని చేస్తున్న కూలీలను వేగంగా వచ్చిన కారు ఢీ కొట్టిందని సంగ్రూర్ ఎస్పీ పల్విందర్ సింగ్ చీమా చెప్పారు. మృతి చెందిన 8 మందిలో ఆరుగురు మహిళలు ఉన్నారు.

   ప్రమాదం జరిగిన సమయంలో అక్కడ దాదాపు 25 మంది వరకు కూలీలు పని చేస్తున్నట్టు ఆయన వెల్లడించారు. ఈ ప్రమాదంలో ఒక మోటార్ సైకిల్ కూడా ఉన్నట్టు పేర్కొన్నారు. మొత్తం ఘటనపై దర్యాప్తు చేస్తున్నామని తెలిపారు.

   ప్రమాదం జరిగిన తర్వాత కారు డ్రైవర్ అక్కడి నుంచి పరారయ్యారు. ఈ కేసును దర్యాప్తు చేస్తున్న సీఐ ఆధ్వర్యంలోని ప్రత్యేక బృందం ఆయన కోసం గాలిస్తున్నారు.

7. 19 అక్టోబర్ 2026శాంతించండి: ప్రజలకు ఫ్రాన్స్ అధ్యక్షుడి పిలుపు

   

   ఫొటో సోర్స్, Reuters

   ఫ్రాన్స్‌లో జరుగుతున్న ఆందోళనలు, దోపిడీలు దాడులకు దారితీయడంతో ప్రజలు సంయమనం పాటించాలని, శాంతియుతంగా ఉండాలని ఫ్రాన్స్ అధ్యక్షుడు ఎమ్మాన్యుయేల్ మేక్రాన్ పిలుపునిచ్చారు.

   ఎల్సీ పాలెస్‌నుంచి జాతినుద్దేశంచి ప్రసంగించిన ఆయన "పరిస్థితిని మరింత తీవ్రతరం చేయవద్దని" హెచ్చరించారు.

   నిరసనకారుల "న్యాయబద్ధమైన డిమాండ్లకు" "విధ్వంసం, లూటీ చేసే వారికి" మధ్య తేడాను గుర్తించాలని మేక్రాన్ సూచించారు. హింసను ఎవరూ, ఎప్పుడూ సమర్థించబోరని దీనికి ఖచ్చితంగా శిక్షలు ఎదుర్కోవలసి వస్తుందని హెచ్చరించారు.

   పెరుగుతున్న ఇంధన ధరలు, జీవన వ్యయం సహా ప్రభుత్వ సేవలు సరిగా అందడం లేదని సుమారు 5,50,000 మంది ప్రదర్శనకారులు చాలావరకు శాంతియుతంగా వీధుల్లోకి వచ్చారు. ఫ్రాన్స్ అంతర్గత వ్యవహారాల మంత్రిత్వ శాఖ ప్రకారం, పోలీసులు సుమారు 2,400 మందిని అరెస్టు చేశారు.

   పారిస్, మార్సెయిల్, ఇతర పట్టణాలు, నగరాల్లో కూడా అల్లరిమూకలు బయటకు వచ్చాయి. వారిలో కొందరు నల్లటి దుస్తులు ధరించి, ముసుగులు ధరించి కార్లకు, భవనాలకు నిప్పు పెట్టారు.

8. 19 అక్టోబర్ 2026గుడ్ మార్నింగ్

   బీబీసీ న్యూస్ తెలుగు లైవ్ పేజీ అప్‌డేట్లకు స్వాగతం.

   నేను బీబీసీ ప్రతినిధి ఖగేష్, మధ్యాహ్నం 2 గంటల వరకు ముఖ్యమైన వార్తలను మీకు అందిస్తాను.

   నిన్నటి లైవ్ పేజీ కోసం ఈ లింక్‌ను క్లిక్ చేయండి.