TOOS, Dowladda Ingiriiska oo walaaca ka qabta saameynta uu xirnaanta Marinka Hormuz ku yeelanayo kobaca dhaqaalaha dalkaas

Warbixinno ka soo baxay dowladda UK ayaa sheegaya in haddii carqaladaynta maraakiibta ee marinka Hormuz ay sii socoto uu saameyn ku yeelan doono kobaca dhaqaalaha sanadka soo socda

Kooban

Dunida oo laga dareemay qorrax madoobaad
Goorma Afrika laga dareemi doonaa qorrax madoobaadka xiga?
Israa'iil oo ciidamo dheeraad ah u direysa tuulo ay ku go'doonsan yihiin qoysas Falastiiniyiin ah

Tebin toos ah

Daqiiqad ka horMaxaan ka ognahay shilkii diyaaradeed ee ka dhacay Itoobiya?
Dhawan, waxaa si weyn baraha bulshada looga hadal hayay burburka diyaarad helicopter militari ah oo Itoobiya leedahay
Qaar kale ayaa faafiyay sawirro iyo muuqaallo ay ku andacoonayaan in diyaaradda ay soo rideen dagaalyahanno ka tirsan OLF.
Dowladda Itoobiya iyo Ciidanka Cirka Itoobiya midkoodna kama uusan hadlin arrintan.
BBC-da ayaa isku dayday inay Ciidanka Cirka ka hesho xog ku saabsan dhacdada, balse kuma guuleysan.
Dadka deggan degmada Bora ayaa BBC-da u sheegay, in helicopter-ku burburay. Mid ka mid ah dadka deegaanka ayaa yiri: “Waxaan maqalnay inuu Arbacadii burburay, duuliyayaashuna ay baarashuud ku soo degeen.”
Dadka deegaanka, oo codsaday inaan magacyadooda la shaacin, waxay sheegeen inaysan si shaqsi ah u booqan goobta shilka, balse ay xaqiijiyeen in dhacdadu dhab tahay.
Hase yeeshee, BBC Verify ayaa baaritaan ku samaysay sawirrada iyo muuqaallada la faafiyay.
Sawirrada iyo muuqaallada la wadaagay waxay muujinayeen dad u muuqday dagaalyahanno OLF ah oo hub sita.
Baaritaanka BBC Verify
BBC Verify waxay baartay in sawirrada iyo muuqaalladu yihiin kuwo dhab ah ama ay yihiin kuwo la sameeyay.
Waxay xaqiijisay in sawirrada iyo muuqaalladuba yihiin kuwo dhab ah, isla markaana aan lagu tafatirin ama lagu samayn farsamada Garaadka Macmalka ah (AI).
Dhacdadu waxay ka dhacday deegaanka Bora ee gobolka Oromia, waxaana la sheegay in helicopter-ku ku burburay tuulada Gooraa Lamaa.
Si kastaba ha ahaatee, lama awoodin in si buuxda loo xaqiijiyo goorta saxda ah ee sawirrada iyo muuqaalada la qaaday.
Muuqaallada ayaa markii ugu horreysay lagu baahiyay baraha bulshada Talaadadii, 11 Agoosto 2026, abbaaraha 3:00 galabnimo.
Muuqaallada iyo sawirrada ayaa muujinaya in diyaaradda aysan burburin xilli subax ah. Helicopter-ka yar ayaa ku burburay dhul beereed.
Laba aqal oo u muuqda kuwo dhaqameed ayaa ku yaala aaga ku dhow goobta.
Waxaa jira warar sheegaya in dagaalyahanno OLF ahi ay ka howlgalaan deegaankaas. Hase yeeshee, taasi ma caddaynayso in OLF ay diyaaradda soo rideen.
BBC-da ayaa la xiriirtay la-taliyaha sare ee taliyaha WBO si ay uga hesho faallo ku saabsan arrintan.
Markii BBC Verify ay isbarbardhigtay muuqaalka dhulka ka muuqda, waxaa la ogaaday inay si weyn isugu egyihiin.
Labada buurood ee ka muuqda sawirrada waxay la mid yihiin buuraha ku dhow tuulada Gooraa Lamaan.
Marka deegaanka lagu eego khariidad 3D ah, qaabka dhulku wuxuu aad ugu egyahay kan ka muuqda sawirrada iyo muuqaallada.
Nooca diyaaradda
BBC-du si buuxda uma aysan xaqiijin nooca helicopter-ka ama diyaaradda burburtay.
Si kastaba ha ahaatee, midabka iyo qaabka diyaaradda ayaa u eg L-39C Albatros, oo ah diyaarad inta badan loo isticmaalo tababarka duuliyeyaasha militariga.
Diyaaradda L-39 Albatros waxaa naqshadaysay oo soo saartay shirkadda Czechoslovakia ee Aero Vodochody.
Inta badan diyaaradaha noocan ah waxaa loo isticmaalaa tababarka duuliyeyaasha militariga. Ma jirto caddeyn cad oo muujinaysa tirada diyaaradaha L-39 ee ay Itoobiya haysato.
Dalal badan ayaa isticmaala diyaaradaha noocan ah si ay ugu tababaraan duuliyeyaasha ciidamada cirka.
22 Daqiiqadood ka horNin xaaskiisa iyo gabadhiisa ku dilay Minnesota
Nin ayaa xaaskiisa iyo gabadhiisa ku dilay magaalada Hopkins ee Minnesota, kaas oo isaguna markii dambe is dilay.
Dhacdadan xannuunka badan ayaa ka dhacday goob lagu xanaaneeyo carruurta oo ku taalla magaalada Hopkins, gaar ahaan xaafadda ay degenaayeen qoyskan.
Goobtaas uu dilku ka dhacay waxaa sido kale ku sugnaa ilaa lix carruur ah, oo halkaas lagu xanaaneynayay, kuwaas oo dilka ka badbaaday.
Booliiska Burnsville ayaa sidoo kale rumaysan in haweeney 78 jir ah oo meydkeeda la helay Arbacadii ay xiriir la leedahay dilalkan ka dhacay Hopkins.
“Tani waa dhacdo aad u murugo badan oo ku dhacday Hopkins ama bulsho kasta oo kale,” ayuu yiri Taliyaha Booliiska magaaladaas, Brent Johnson, isagoo wariyeyaasha la hadlay 4-tii galabnimo ee wakhtiga dalkaas Mareykanka.
Johnson wuxuu sheegay in askartu ay ka jawaabeen wicitaan abbaare 9-kii subaxnimo oo ku saabsanaa qof lagu dilay toorey. Markii ay tageen guriga lagu xanaaneeyo carruurta, waxay qaybta hoose ee guriga ay ku haweeney 41 jir ah iyo gabar 7 jir ah oo qaba dhaawacyo mindi ah. Qaybta sare ee guriga ayay askartu ka heleen sidoo kale meydka nin 41 jir ah oo qaba dhaawac rasaas ah oo uu isagu isugu geystay.
Waxay ogaadeen in ninka iyo haweeneydu ay lahaayeen goobta lagu xanaaneeyo carruurta, halka gabadha 7 jirka ahna ay ahayd gabadhooda. Johnson wuxuu ninka iyo haweeneyda ku tilmaamaylamaane is qabay, balse markii dambe wuxuu sheegay in guurkooda aan si cad loo xaqiijin.
Wararka ayaa sheegaya in khilaaf qoys uu ka dhaxeeyay lamaanahan, taas oo keentay in ninka dilo xaaskiisa iyo gabadhooda yar.
Baaritaan ayaa socda oo boolisku ayaa baaraya xogta dhabta ah ee ninka weerarka geystay iyo sababta ka dambeysa.
Waxay sidoo kale dhacdadan xanuunka leh ku tilmaameen "arrimo qoys", iyagoo ugu baaqay dadka in aanay cabsi gelin.
Magaalada Hopkins dadka ku nool, waxaa lagu qiyaasay ilaa 20,000 oo qof oo dhamaantood la wada yaqaano.
55 Daqiiqadood ka horLix shuruudood oo ay Iiraan ku xirtay Trump si ay u furto marinka Hormuz
Xigashada Sawirka, get
Qoraalka sawirka, Mojtaba Khamanei
Iiraan ayaa Sabtidii sheegtay in heshiis ay Cumaan kala gasho oo ku saabsan habaynta maraakiibta maraysa marin-biyoodka Hormuz uu soo dhow yahay, balse heshiiskaasi uusan ku filnaan doonin in marin-biyoodka dib loo furo. Dhanka kale, Imaaraadka Carabta ayaa sheegay in Iiraan ay weerartay markab kale oo halkaas marayay.
Mohammad Baqer Zolghadr, xoghayaha Golaha Sare ee Amniga Qaranka Iiraan, ayaa sheegay in marin-biyoodka Hormuz uusan furmi doonin ilaa Mareykanku uu buuxiyo lixda shuruudood ee Tehran.
Shuruudahaas waxaa ka mid ah in la fududeeyo cunaqabateynta, in Iiraan la siiyo magdhowga khasaaraha dagaalka, in si degdeg ah loo soo afjaro go'doominta badda ee lagu hayo dekedaha Iiraan, in la joojiyo hanjabaadaha ka dhanka ah Iiraan iyo in la sii daayo hantida dalka ee la xannibay.
Falanqeeyayaasha ayaa sheegaya in hadallada Zolghadr, inkastoo ay inta badan ku celinayaan dalabyo ay Tehran hore u soo bandhigtay, ay muujinayaan in mowqifka Iiraan uu adkaanayo marka laga hadlayo wadaxaajoodyada ku saabsan marin-biyoodka Hormuz.
Hadalladan ayaa imanaya xilli Iiraan iyo Cumaan ay maalmihii u dambeeyay wadaxaajoodyada ku saabsan habraacyada cusub ee maraakiibtu u mari doonaan marin-biyoodka Hormuz ku tilmaameen kuwo "wanaagsan oo wax dhisaya".
Sii akhri
Saacad ka horGoorma Afrika laga dareemi doonaa qorrax madoobaadka xiga?
Xigashada Sawirka, Getty Images
Qoraalka sawirka, Qorrax madoobaad
Qeybo kamid ah UK iyo Yurub waxaa ka dhacay qorrax-madoobaadkii ugu xiisaha badnaa ku dhowaad 30 sano, iyadoo la rumaysan yahay in malaayiin qof ay daawadeen dhacdadan oo dhowrkii jiilba mar la arko.
Dalal ka tirsan Waqooyiga Afrika ayaa kamid ah meelaha laga dareemay qorrax madoobaadka. Dalka Senegal ayaana kamid ah.
Dadka ku nool Afrika ee xiiseeya daawashada cirka, fursadda weyn ee xigta, waxay u noqon doontaa 2-da bisha Agoosto 2027, marka qorrax-madoobaad buuxa uu ka dhici doono qaybo ka mid ah Waqooyiga Afrika, oo ay ku jiraan dalalka sida Marocco, Aljeeriya, Tuuniisiya, Liibiya iyo Masar, sida ay sheegtay hay’adda qaabilsan hawada sare, NASA.
Qorrax-madoobaadka 2027-ka sidoo kale waxaa laga arki doonaa dhul mara koonfurta Isbaanishka, Sacuudi Carabiya iyo Yemen. Inta badan Afrika waxay la kulmi doontaa qorrax-madoobaad qayb ahaan ah, taas oo Dayaxu uu qorraxda qayb keliya ka dabooli doono.
Arrintani waxay sannadka 2027 si gaar ah muhiim ugu tahay dadka Afrika ee xiiseeya cilmiga xiddigiska, iyadoo dalal dhowr ah oo Waqooyiga Afrika ku yaal lag dareemi doono qorrax madoobaad buuxa.
Qorrax-madoobaad qayb ahaan ah ayaa sidoo kale laga arki doonaa dhul ballaaran oo Afrika ah, Yurub, Bariga Dhexe iyo qaybo ka mid ah Aasiya ah, taas oo malaayiin qof siinaysa fursad ay ku daawadaan Dayaxa oo daboolaya qorraxda.
Dhanka kale, Qaybo ka mid ah qaaradda Yurub ayaa la kulmay qorrax-madoobaadkii ugu yaabka badnaa ee soo mara muddo lagu qiyaasay 30 sano, iyadoo la rumaysan yahay in malaayiin qof ay daawadeen dhacdadan oo jiilkiiba mar marta.
Qorrax-madoobaadkan ayaa dadkii arakay qolaba si ula muuqday, taas oo ku xirnayd hadba meesha la joogey.
Dadka UK ee ka daawanayay dhacdadan naadirka ah waxay arkeen qorrax-madoobaad barbar ah, xilligaas oo in ka badan 90% qorraxda uu dayaxu daboolay.
2 Saacadood ka horDunida oo laga dareemay qorrax madoobaad
Xigashada Sawirka, Getty Images
Qoraalka sawirka, .
Qaybo ka mid ah dunida ayaa la kulmay qorrax-madoobaadkii ugu yaabka badnaa ee soo mara muddo lagu qiyaasay 30 sano, iyadoo la rumaysan yahay in malaayiin qof ay daawadeen dhacdadan oo jiilkiiba mar marta.
Qorrax-madoobaadkan ayaa dadkii arakay qolaba si ula muuqday, taas oo ku xirnayd hadba meesha la joogey.
Dadka UK ee ka daawanayay dhacdadan naadirka ah waxay arkeen qorrax-madoobaad barbar ah, xilligaas oo in ka badan 90% qorraxda uu dayaxu daboolay.
Laakiin qaybo ka mid ah Greenland, Iceland iyo Spain ayaa la kulmay qorrax-madoobaad buuxa, kaas oo dayaxu si buuxda u u hareeyey qorraxda.
Malaayiin qof oo dunida dacalladeeda ku nool ayaa Arbacadii cirka eegay.
Qorrax-madoobaadku wuxuu ka dhacay qaybo ka mid ah Waqooyiga Afrika, iyo sidoo kale Spain, Iceland, Greenland iyo waqooyiga Ruushka. Dhanka kale, inta badan Yurub, Afrika iyo meelo kale oo dunida ka mid ah waxaa laga arkay qorrax-madoobaad qayb ahaan ah.
Dadweyne ayaa meelo kala duwan isugu yimid si ay u daawadaan dhacdadan naadirka ah, iyadoo qaar badan ay xirnaayeen ookiyaalo gaar ah oo loogu talagalay daawashada qorrax-madoobaadka, xilli Dayaxu si tartiib ah u daboolayay Qorraxda.
Dhacdadan waxay si gaar ah muhiim ugu ahayd Yurub, maadaama ay ahayd markii ugu horreysay tan iyo 1999-kii ee qorrax-madoobaad buuxa laga arko qaaradda.
Spain, qorrax-madoobaadka buuxa wuxuu dhacay wax yar ka hor qorrax-dhaca, taas oo goobjoogayaashu ku tilmaameen mid aan caadi ahayn.
Waxaad sidoo kale akhrisan kartaa:
Sidee buu ahaa Qorrax-madoobaadkii malaayiin qof ku farxeen UK iyo Yurub?
Muxuu yahay qorrax madoobaadku? Imisa nooc ayuuse u qaybsamaa?
Xigashada Sawirka, Getty Images
Qoraalka sawirka, Dad u soo baxay daawashada qorrax madoobaadka
Xigashada Sawirka, Getty Images
Qoraalka sawirka, Dad u soo baxay daawashada qorrax madoobaadka
Xigashada Sawirka, Getty Images
Qoraalka sawirka, Senegal ayaa sidoo kale laga dareemay
2 Saacadood ka horXoghayaha Warfaafinta Aqalka Cad oo shaqada ka tageysa
Xigashada Sawirka, Reuters
Qoraalka sawirka, Levit
Xoghayaha warfaafinta Aqalka Cad, Karoline Leavitt, ayaa xilkeeda ka degi doonta dhammaadka bishan, sida uu sheegay Madaxweynaha Mareykanka Donald Trump Arbacadii, iyadoo ay meesha ka baxeyso mid kamid ah lataliyeyaashi Trump ee aadka ugu dhawaa, xili ay soo dhow yihiin doorashooyinka dhexe ee Mareykanka ee bisha Nofeembar.
Leavitt waxay noqon doontaa la-taliye isgaarsiineed oo dibadda ah iyo hawlwadeen siyaasadeed, iyadoo gacan ka geysanaysa qaabaynta mustaqbalka dhaqdhaqaaqa Trump ee “Make America Great Again” (MAGA), sida ay iyada iyo Trump ku sheegeen bayaanno ay soo saareen.
Leavitt, oo 28 jir ah, ayaa qoraal ay baraha bulshada ku daabacday ku sheegtay, inay doonayso inay waqti badan la qaadato carruurteeda yaryar. Waxay bishii May dhashay gabar, oo ah ilmaheedii labaad, waxayna dhawaan ka soo laabatay fasaxii umusha.
“Karoline waxay Aqalka Cad ka ahayd hoggaamiye dhab ah, waxayna qabatay shaqo aad u wanaagsan oo ay ugu dagaallamaysay Caddaaladda, Xorriyadda iyo Madax-bannaanida tan iyo 2018, oo ay ku jirto ololaheennii taariikhiga ahaa ee dib-u-doorashada 2024,” ayuu Trump ku qoray baraha bulshada.
Trump wuxuu Leavitt ku tilmaamay “mid ka mid ah xoghayayaasha warfaafinta Aqalka Cad ee ugu wanaagsan taariikhda xafiiska.”
Leavitt iyaduna waxay xilkeeda Aqalka Cad ku tilmaantay “sharaf iyo waayo-aragnimo nololeed oo aan la ilaawi karin.”
4 Saacadood ka horIsraa'iil oo ciidamo dheeraad ah u direysa tuulo ay ku go’doonsan yihiin qoysas Falastiiniyiin ah
Israa'iil ayaa sheegtay inay ciidamo dheeraad ah u diri doonto tuulo ku taalla Daanta Galbeed, halkaas oo degganayaal Yuhuud ah ay tan iyo Axaddii laba qoys oo Falastiiniyiin ah ku xannibeen guryahooda.
Waxaa la baahiyay muuqaal muujinaya kooxdii ugu horreysay ee askarta Israel ee goobta gashay, kuwaas oo lagu arkayay iyagoo la tukanaya degganayaasha Yuhuudda ah ee xagjirka ah.
Ciidamo amni oo dheeraad ah ayaa goobta loo diray, waxayna meesha ka qaadeen teendho halkaas laga dhisay. Hase yeeshee, ciidamadu waxay goobta ka baxeen kaddib markii ay isku dhacyo dhaceen, waxaana degganayaashii dib ugu soo laabteen goobta.
Qoysaska Falastiiniyiinta ah ee ku nool tuulada Qasra, oo koonfur ka xigta Nablus, ayaa sheegay in laga jaray biyihii iyo korontadii, isla markaana ay si tartiib tartiib ah u wajahayaan cunto yari.
Sida uu qabo sharciga caalamiga ah, dhammaan deegaannada Yuhuudda ee ku yaalla Daanta Galbeed ee la haysto waa sharci-darro.
7 Saacadood ka horWasiirka Arrimaha Gudaha Pakistan Araqchi kula kulmay garoonka diyaaradaha Mashhad
Wasiirka Arrimaha Gudaha Pakistan oo u safray Iiraan si uu ula kulmo saraakiisha Iiraan, ayaa mar kale la kulmay Wasiirka Arrimaha Dibadda Iiraan, Cabbaas Araqchi, taas oo noqotay kulankoodii labaad 24-kii saacadood ee la soo dhaafay.
Kulankii ugu dambeeyay ee labada mas’uul ayaa ka dhacay garoonka diyaaradaha ee Mashhad.
Wakaaladda Wararka Jamhuuriyadda Islaamiga ah ee Iiraan, IRNA ayaa sheegtay in Mohsen Naqvi uu Tehran uga safray Mashhad si uu u soo xajisto goobaha barakaysan.
Naqvi ayaa horey Tehran kula kulmay Wasiirka Arrimaha Dibadda Iiraan. Waxa kale oo uu la kulmay Madaxweyne Masuud Pezeshkian iyo Wasiirka Batroolka Iiraan, Mohsen Paknejad, sidoo kalena wuxuu la kulmay Mohsen Rezaei, oo ah xoghayaha cusub ee Golaha Sare ee Amniga Qaranka Iiraan.
Pakistan ayaa dhex-dhexaadinaysa wada-hadallada xabbad-joojinta ee u dhexeeya Iiraan iyo Maraykanka.
Sii akhri sheekooyin kale
Muxuu waddankaan saaxiibka la ah Soomaaliya u diiday in uu ku biiro heshiiska Turkiga, Sacuudiga iyo Pakistan?
Trump oo qirtay in si qarsoodi ah loo saaray diyaarad aan ahayn tan madaxweynaha cabsi laga qabo Iran
Cabdi Daysane oo BBC uga warramay guusha uu ka gaaray doorashada Minnesota
9 Saacadood ka horWargeyska Sharq al-Awsat: Madaxda Xuutiyiinta oo loo daad gureenayo goobo ammaan ah
Wargeyska Sacuudiga laga leeyahay ee Asharq Al-Awsat ayaa sheegay in saraakiil ka tirsan Xuutiyiinta oo taageero ka hela Iiraan loo daadgureynayo goobo ammaan ah.
Wargeysku wuxuu intaas ku daray in taliyeyaasha Ilaalada Kacaanka Islaamiga ah ee Iiraan (IRGC) ay si dhow ula socdaan dhaq-dhaqaaqyada kooxda iyo culeyska iyo
weerarrada sii kordhaya ee kaga imaanaya kooxda isbahaysiga uu Sacuudigu hoggaamiyo, kaas oo taageera dowladda Yemen ee caalamku aqoonsan yahay, iyadoo la filayo in isbahaysigu uu bartilmaameedsado saraakiisha sare ee Xuutiyiinta ee dhinacyada amniga, milatariga iyo dowladda, taas oo jawaab u ah tallaabooyinkooda.
Sacuudiga ayaan weli xaqiijin sheegashada Xuutiyiinta ee ku saabsan weerar lagu qaaday markab militari oo Sacuudigu leeyahay iyo weerarro dhimasho sababay oo lagu qaaday ciidamada Sacuudiga, kuwaas oo ka dhacay deegaannada ay dowladda Yemen maamusho 11-kii Agoosto.
Wakaaladda wararka Saba oo ay maamulaan Xuutiyiintu ayaa soo xigatay afhayeenka milatariga kooxda, Yahya Saree, isaga oo sheegay in ciidamada Xuutiyiintu ay qaadeen “weerarro sax ah” oo lagu beegsaday “goobo ay ku urursnaayeen ciidamada cadowga Sacuudiga, bakhaarro hub iyo xarumo talis” oo ku yaalla Al-Mokha iyo xerada Tadaween ee gobolka Ma’rib.
Waxa uu intaas ku daray in Xuutiyiintu ay bartilmaameedyadaas ku weerareen tiro badan oo gantaallo ballistic ah iyo diyaaradaha aan duuliyaha lahayn, ayna dileen dad badan, oo ay ku jiraan muwaadiniin Sacuudiyaan ah.
Afhayeenka Xuutiyiinta ayaa carrabka ku adkeeyay in kooxdu ay sii wadi doonto weerarrada ka dhanka ah ciidamada Sacuudiga, kuwaas oo uu sheegay in loo diray Yemen si ay “u sii xoojiyaan colaadda oo ay ula wareegaan gacan ku haynta dalka".
Sii akhri sheekooyin kale
Muxuu waddankaan saaxiibka la ah Soomaaliya u diiday in uu ku biiro heshiiska Turkiga, Sacuudiga iyo Pakistan?
Trump oo qirtay in si qarsoodi ah loo saaray diyaarad aan ahayn tan madaxweynaha cabsi laga qabo Iran
Cabdi Daysane oo BBC uga warramay guusha uu ka gaaray doorashada Minnesota
12 Agoosto 2026Dowladda Ingiriiska oo walaaca ka qabta saameynta uu xirnaanta Marinka Hormuz ku yeelanayo kobaca dhaqaalaha dalkaas
Xigashada Sawirka, AP
Warbixinno ka soo baxay dowladda UK ayaa sheegaya in haddii carqaladaynta maraakiibta ee marinka Hormuz ay sii socoto illaa dhammaadka sanadkan, dhaqaalaha Britain uu sannadka dambe yeelan doono koboc aad u yar ama ku dhowaad aan wax koboc ah lahayn.
Saraakiisha Wasaaradda Maaliyadda Ingiriiska ayaa arrintan ku sheegay warbixin loo gudbiyay Ra’iisul Wasaaraha.
Sida laga soo xigtay ilo ka tirsan dowladda, qaab-dhismeedka saadaasha gudaha ee Wasaaradda Maaliyadda ayaa muujinaya in koboca wax-soo-saarka guud ee dalka (GDP) UK uu hoos u dhici karo ilaa 0.3% sannadka 2027.
Saraakiisha dowladda ayaa sheegay inay si joogto ah ugu diyaar garoobaan dhammaan xaaladaha suurtagalka ah, ayna tilmaameen in saadaashan koboca ay ku salaysan tahay xaalad ka sii xun tan hadda jirta.
Warbixintan ayaa soo baxday xilli dhaqaalaha Britain uu horeyba u wajahayo koboc xaddidan.
Xafiiska Tirakoobka Qaranka ee UK ayaa la filayaa inuu dhowaan ku dhawaaqo in wax-soo-saarka guud ee dalka (GDP) uusan wax koboc ah samayn bishii Juun.
Colaadda Bariga Dhexe iyo dagaalka Iiraan ayaa sababay kororka qiimaha tamarta, iyadoo isla markaana ay jiraan carqalado waaweyn oo ku yimid isu-socodka maraakiibta ee marinka Hormuz.
Sii akhri sheekooyin kale
Muxuu waddankaan saaxiibka la ah Soomaaliya u diiday in uu ku biiro heshiiska Turkiga, Sacuudiga iyo Pakistan?
Trump oo qirtay in si qarsoodi ah loo saaray diyaarad aan ahayn tan madaxweynaha cabsi laga qabo Iran
Cabdi Daysane oo BBC uga warramay guusha uu ka gaaray doorashada Minnesota
12 Agoosto 2026Sawirrada dad daawanaya qorrax-madoobaadka maanta ka dhacay qeybo kamid ah dunida
Qoraalka sawirka, magaalada Burgos ee dalka Spain ayaa noqotay goobta si buuxda ay qoraxdu u madoobaatay
Xigashada Sawirka, Tolga Akmen / EPA
Xigashada Sawirka, Jordan Pettitt / PA Wire
Xigashada Sawirka, Owen Humphreys / PA Wire
Qoraalka sawirka, Rakaabkii saarnaa markabka dalxiiska ee xeebaha Greenland ayaa fursad u helay inay si cad u daawadaan qorrax-madoobaadka.
Xigashada Sawirka, Christian Hartmann / Reuters
Qoraalka sawirka, Dadka xiiseeya cilmiga xiddigiska oo meel sare ka doortay inay ka daawadaan dhacdadan cajiibka ah, magaalada Arcos de las Salinas ee dalka Spain.
12 Agoosto 2026Iiraan oo shaacisay in nadiifinayo qayb ka mid ah wasakhowga saliidda ee xeebta Qeshm
Waxaan hore u soo sheegnay in saliid ku daadatay badda ay gashay kaymaha mangrove-ka ee Jasiiradda Qeshm, oo ku taalla koonfurta Iiraan.
Hadda, mas’uul ka tirsan dowladda Iiraan ayaa sheegay in hawlgallo lagu nadiifinayo wasakhowga saliidda ay ka socdaan qaybo ka mid ah xeebaha koonfureed ee Qeshm iyo Jasiiradda Hengam, balse ma cadda in hawlgalladu ay sidoo kale gaareen kaymaha mangrove-ka.
Omid Seddighi oo ah Agaasimaha Guud ee Xafiiska Wasakhowga Badda ee Hay’adda Ilaalinta Deegaanka Iiraan ayaa wakaaladda wararka ISNA u sheegay in “maalmahan, qaybo ka mid ah xeebaha Souza, Shib Daraz iyo Nakhasheh, iyo qayb xaddidan oo ka mid ah xeebaha Jasiiradda Hengam, ay saameeyeen wasakhowga saliidda.”
Sida lagu sheegay warbixintan kooxo takhasus leh oo ka tirsan Waaxda Ilaalinta Deegaanka ee Hormozgan ayaa qiimeeyay goobaha ay wasakhdu gaartay.
Seddighi waxa uu tilmaamay, qiyaastii 950 mitir oo xeebta ah oo ku taalla deegaanka Souza ayaa gacanta lagu nadiifiyay, iyadoo la adeegsanayo qalabka hadda jira.
Sii akhri sheekooyin kale
Muxuu waddankaan saaxiibka la ah Soomaaliya u diiday in uu ku biiro heshiiska Turkiga, Sacuudiga iyo Pakistan?
Trump oo qirtay in si qarsoodi ah loo saaray diyaarad aan ahayn tan madaxweynaha cabsi laga qabo Iran
Cabdi Daysane oo BBC uga warramay guusha uu ka gaaray doorashada Minnesota
12 Agoosto 2026War deg deg ah, Safiir xaruunta safaaradda ku fara xumeyay haween badan oo tallaabo laga qaaday
Xigashada Sawirka, Getty Images
Ilo ka tirsan Wasaaradda Arrimaha Dibadda ee Faransiiska ayaa BBC-da u xaqiijiyay in Faransiisku uu bilaabay tallaabooyin anshax-marineed oo ka dhan ah safiirkiisa u fadhiya Jamhuuriyadda Bartamaha Afrika, Bruno Foucher.
Safiirka ayaa lagu eedeeyay inuu dhowr haween ah ku casuumay hoyga rasmiga ah ee ee safaaradda ee magaalada Bangui, isla markaana uu qaar ka mid ah haweenkaas galmo la sameeyay.
Warbaahinta Faransiiska ayaa sheegtay in dhacdooyinka la tuhunsan yahay ay dhaceen intii u dhexeysay Janaayo 2024 iyo Maarso 2026.
Safiirka oo 65 jir ah ayaa sidoo kale lagu eedeeyay inuu muddadaas gurigiisa ku casuumay ku dhowaad 30 haween ah, kuwaas oo qaar ka mid ah ay habeenkii halkaas ku hoydeen.
Diblomaasi Faransiis ah ayaa BBC-da u sheegay in baaritaanka ay amartay Wasaaradda Arrimaha Dibadda ee Faransiiska.
Waxay sheegtay in kadib markii la helay natiijooyinka baaritaanka, wasiirka arrimaha dibadda ee Faransiiska uu wasaaradda faray inay bilowdo tallaabooyin anshax-marineed oo ka dhan ah safiirka.
Weli ma cadda nooca tallaabada anshax-marineed ee laga qaadi karo safiirka ama inta uu qaadan doono baaritaanku.
Foucher wuxuu ahaa safiirka Faransiiska u fadhiya Jamhuuriyadda Bartamaha Afrika tan iyo 2023.
12 Agoosto 2026War deg deg ah, Dadkii caalamka oo ku tartamaya daawashada qorrax-madoobaadka
Boqolaal qof ayaa isugu soo baxay Calton Hill ee Edinburgh, Scotland, eedalka UK, si ay u daawadaan qorrax-madoobaadka.
Calton Hill waxay qiyaastii 100 mitir ka sarreysaa heerka badda, waxayna leedahay muuqaal furan, gaar ahaan dhinaca galbeed. Haddii daruuruhu aysan soo dhowaan, dadka halkaas jooga waxay heli doonaan fursad ay ku daawadaan qorrax-madoobaadka.
Waxaa goobta ka dhacay dad badan oo isugu soo yaacay, kaddib markii shaqaalaha Astronomical Society of Edinburgh ay qaybiyeen 500 oo ah muraayadaha qorrax-madoobaadka lagu daawado.
Dad badan ayaa nasiib u yeelan waayay inay helaan muraayadaha, balse weli goobta ayay joogaan, iyagoo weydiinaya haddii muraayado dheeraad ah la heli karo. Qaar waxay rajaynayaan in dadka helay muraayadaha ay la wadaagaan dhowr daqiiqo, si iyaguna ay fursad ugu helaan inay si caadi ah u daawadaan qorrax-madoobaadka.
12 Agoosto 2026War deg deg ah, Qorrax Madoobaadka oo sii baahaya iyo dadyow daawanaya
Qorrax-madoobaadku hadda wuxuu ka gudbayaa Alaska Maraykanka, Canada iyo Greenland, balse meelahaas waxaa laga arkayaa oo keliya qayb ka mid ah qorraxda oo madoobaanaysa.
Taas beddelkeeda, Spain ayaa ka mid noqon doonta meelaha uu madoobaadku si weyn uga muuqan doono, iyadoo qorraxdu ay daboolmi doonto ilaa 99%.
Magaalada Madrid, qorrax-madoobaadku wuxuu bilaabanayaa 6:36 fiidnimo halka uu heerkiisa ugu sarreeya gaari doono 7:32 fiidnimo,taas oo ah 8:32 fiidnimo waqtiga maxalliga ah.
Daawo sawirrada dadka la socda qorrax madoobaadkaan
Xigashada Sawirka, Reuters
Xigashada Sawirka, Getty Images
Xigashada Sawirka, Getty Images
12 Agoosto 2026War deg deg ah, Qorrax madoobaad ka bilowday qaybo ka mid ah Mareykanka
Xigashada Sawirka, Getty Images
Qorrax-madoobaadka ayaa qayb ahaan bilowday, waxaana la filayaa in uu socdo dhowr saacadood.
Qorrax madoobaadku wuxuu hadda ka bilowday Anchorage, Alaska, Maraykanka, halkaas oo waqtiga maxalliga ahi ku dhow yahay 07:45 subaxnimo. Waxaa la filayaa inuu gaaro heerkiisa ugu sarreeya, inkastoo madowgu uu dabooli doono qorraxda kaliya 28%.
12 Agoosto 2026War deg deg ah, Israa'iil oo duqeyn ka gaysatay koonfurta Lubnaan iyo faahfaahin
Xigashada Sawirka, Anadolu via Getty Images
Wakaaladda wararka ee dowladda Lubnaan ayaa sheegtay in diyaaradaha dagaalka Israa’iil ay laba duqeyn oo xagga cirka ah ka fuliyeen koonfurta dalka.
Sida lagu sheegay warbixinta, deegaanka Al-Mansouri ee koonfurta Lubnaan ayaa ahaa bartilmaameedka weerarradan.
Ilaa hadda, wax war ah lagama hayo dad ku dhintay ama ku dhaawacmay weerarrada, sidoo kalena lama soo sheegin khasaaraha soo gaaray dhismayaasha.
12 Agoosto 2026War deg deg ah, Booliiska Zimbabwe oo shaaciyay tirada dadka ku dhintay shilkii ay la kulantay doon dad badan ay saarnaayen
Booliiska Zimbabwe ayaa sheegay in 44 qof la xaqiijiyay inay dhinteen kadib markii doon rakaab ah ay ku rogmatay harada Kariba.
Waxaa la badbaadiyay 77 qof. Booliisku waxay sheegeen in doonta, oo sida la sheegay ay rakaab ka badnaayeen intii loogu talagalay, ay la kulantay hir xooggan, taasoo sababtay inay qalibantay.
Muuqaallo lagu baahiyay internetka ayaa muujinaya qaybta hoose ee doonta oo rogmatay, iyadoo biyaha dul sabaynaysa.
Harada Kariba waxay ku taallaa xadka u dhexeeya Zimbabwe iyo Zambia, waana mid ka mid ah kaydadka biyaha macmalka ah ee ugu waaweyn adduunka. Waxay muhiim u tahay gaadiidka iyo kalluumeysiga, sidoo kalena waxay labada dal siisaa koronto laga dhaliyo tamarta biyaha.
12 Agoosto 2026Farmaajo oo ka hadlay sidii loola dhaqmay Sacdiyo Bajaaj intii ay xirneed
Xigashada Sawirka, VILLA SOMALIA
Madaxweynihii hore ee Soomaaliya Maxamed Cabdullaahi Farmaajo ayaa soo dhaweyay siideynta Sacdiya Macalin Cali oo loo yaqaan (Sacdiyo Bajaaj), taasoo muddo kiiskeedu uu taagnaa.
Waxaa uu sheegay in muddadii ay xirneed lagula kacay gabadood fallo aaney sii deyntu meesha ka saari karin.
Farmaajo ayaa qoraalkiisa ku yiri: “Waa tallaabo soo dhoweyn mudan, balse ma tirtirayso gabood-falkii lagula kacay, xariggii dheeraa iyo sida hay’adaha dowladda loogu adeegsanayo caburinta dhallinyarada Soomaaliyeed,”.
Wuxuu intaas ku daray: Dhallinyarada Soomaaliyeed lama cabsi gelin karo, lama aamusiin karo, mana aha dad lagu hoggaamin karo cadaadis iyo dano shakhsi ah, waxa ay leeyihiin awood, karti iyo rabitaan ay ku xaqiijin karaan Soomaaliya horumarsan”.
12 Agoosto 2026Madaxweynaha Ruushka oo u hanjabay Midowga Yurub
Xigashada Sawirka, EPA
Madaxweynaha Putin ayaa ku hanjabay inuu la wareegi doono maraakiibta Yurub, taasoo jawaab uga noqonaysa qorshayaasha Midowga Yurub ee lagu joojinayo maraakiibta looga shakisan yahay inay ka tirsan yihiin waxa loo yaqaan “maraakiibta qarsoon ee Ruushka.
Putin ayaa hadalkan sheegay xilli uu daawanayay dhoolatusyo ciidan oo ay ciidamada badda Ruushku ka wadeen bariga fog ee dalka. Wuxuu xannibaadaha lagu soo rogo dhaq-dhaqaaqa maraakiibta Ruushka ku tilmaamay “burcad-badeednimo iyo dhac.”
Wuxuu sheegay in Moscow lagu qasbi doono inay si la mid ah uga jawaabto tallaabooyinka Midowga Yurub, isla markaana Ruushku uu samayn doono wax kasta oo uu u arko inay lagama maarmaan iyo ku habboon yihiin, meel kasta oo ay taasi ka dhacdo.
Ruushka ayaa muddo isticmaalayay waxa loo yaqaan “maraakiibta aan la sixi karin calamada ay wataan”, oo ah maraakiib ku socda calan qaran oo aan sax ahayn ama aan lahayn diiwaangelin cad, taas oo qayb ka ah dadaallada lagu doonayo in looga baxsado cunaqabataynta caalamiga ah ee lagu soo rogay dhoofinta iyo ganacsiga saliidda Ruushka.