TOOS, Iran oo oggolaatay in maraakiibta Shiinaha ay maraan marinka istiraatiijiga ah ee Hormuz

Tebin toos ah

1. 56 Daqiiqadood ka horWaa kuma Fahad Yaasiin, macallin dugsigii weriyaha soo noqday?

   

   Xigashada Sawirka, Getty Images

   Si rasmi ah looma oga halka uu ku dhashay Fahad Yaasiin Xaaji Daahir laakiin waxa ay baasabooradiisu muujinayaan in uu ku dhashay magaalada Mandheera ee dalka Kenya bishii Luulyo 1978. Wax badan lagama oga noloshiisii hore iyo barbaarintiisii carruurnimo, waxaa se la og yahay in uu ku noolaaday magaalooyinka Muqdisho iyo Baled Xaawo.

   Si banaan yaal ah, weli Fahad ugama sheekeyn waxbarashadiisii, laakiin dad yaqaan waxay BBC u sheegeen in uu waxbarasho u tagay dalka Yemen kadibna uu dib ugu soo noqday Soomaaliya, halkaas oo uu kala jaan-qaaday ururo diimeedyadii ka jiray Soomaaliya. Waxaa sidoo kale jira warar sheegaya inuu wax ku soo bartay dalka Bakistaan, sida lagu qoray machkad Mareykanka laga leeyahay ee The American Enterprise Institute. Laakiin BBC-da si madax banaan uma xaqiijin karto.

   Ururkii Itixaad ee Gedo

   Dad kala duwan waxay BBC u sheegeen in uu Fahad ka mid ahaa dhallinyaradii ku biirtay xarakooyinkii diimeed ee sida weyn ugu sii faafay Soomaaliya sagaashameeyadii.

   Waxaa la rumeysan yahay in uu qeyb ka ahaa dhallinyaradii la shaqeyneysay ururka Itixaad ee gobolka Gedo kula dagaalamay ciidamada Itoobiya. Balse ma ahayn askari dagaalama, sida ay sheegeen dad kala duwan.

   Waxaa lagu tilmaamaa nin si wanaagsan diinta u bartay, kuna adag, isaga oo si wanaagsan ugu hadla afka Carabiga.

   Fahad iyo shaqada weriyenimada

   Sii akhri

2. Saacad ka horXanuun ku dhaca ragga oo aad looga digay

   

   Xigashada Sawirka, Getty Images

   Aabe laba carruur ah leh ayaa ku dhawaaday inuu carrabkiisa waayo ka dib markii buro yar oo daanka hoostiisa ka soo baxay ay isu beddeshay kansar.

   Anthony Perriam wuxuu u tagay Dhakhtarkiisa Guud ka dib markii uu markii ugu horreysay isku arkay buro, dhowr toddobaad ka dibna waxaa laga helay kansar madaxa iyo qoorta ah oo la xiriira fayraska HPV.

   HPV waa koox fayras oo caadi ah oo saameeya maqaarka oo aan dhibaato ku keenin dadka badankood, laakiin noocyada qaarkood waxay sababi karaan kansar ama burooyinka xubnaha taranka.

   "Waxaan waligay maqlayey oo keliya HPV oo la xiriira kansarka ilmo-galeenka. Ma aanan ogeyn inay sababi karto kansarro sidan oo kale ah, gaar ahaan ragga," ayuu yiri Anthony, oo ka yimid Cardiff, Wales.

   Anthony wuxuu intaa ku daray "Waxaan isku arkaa inaan nasiib leeyahay in aan weli wax cuni karo oo hadli karo, laakiin haddii aan arrintan sii dayn lahaa muddo dheer, waxaan lumin lahaa carrabka ama xitaa waa dhiman lahaa."

   Dadka badanaa uu haleelo fayraska HPV, jirka ayaa si dabiiici ah isaga saara sida laga soo xigtay NHS Wales.

   Si kastaba ha ahaatee, wuxuu sababi kartaa burooyinka xubinta taranka ama xitaa waxay horseedi kartaa kansar, badanaa kansarka madaxa iyo qoorta ragga, iyo kansarka ilmo-galeenka dumarka.

   Sii akhri

3. Saacad ka horFBI-da oo abaalmarin $200,000 ah dul dhigtay sarkalad ka tirsanayd sirdoonka Mareykanka oo la baadi goobayo

   

   Xigashada Sawirka, FBI

   FBI-da Mareykanka ayaa ku dhawaaqday abaalmarin dhan $200,000 oo la siinayo qofkii keena macluumaadka ama xogta Monica Witt, oo ahayd sarkaal sare oo hore uga tirsanayd sirdoonka militariga Mareykanka.

   War-saxaafadeed ay soo saartay Khamiistii, Maajo 14, FBI-da ayaa lagu sheegay in Witt ay la soo shaqeysay Ciidanka Cirka ee Mareykanka intii u dhaxaysay 1997 iyo 2008, ka dibna ay qandaraas kula shaqeyneysay dowladda Mareykanka ilaa 2010-kii.

   Sida laga soo xigtay FBI-da, Witt waxay u baxsaday Iran sannadkii 2013. Waxaa lagu eedeeyay inay markii dambe siisay dowladda Iiraan macluumaad wax u dhimaya amniga qaranka ee Mareykanka ee qarsoon iyo barnaamijyadiisa milatari.

   Intaa waxaa dheer, waxaa lagu eedeeyay inay shaaca ka qaaday macluumaad khatar gelinaya nolosha askarta Mareykanka ee dibadda iyo qoysaskooda, iyo sidoo kale inay ka caawisay Iiraaniyiinta xogta saraakiil hore oo ka tirsan dowladda Mareykanka, kuwaas oo la dilay.

   FBI-da ayaa sheegtay in inkastoo lagu soo oogay dacwado, haddana aysan weli gacanta lagu dhigin.

   FBI-da ayaa shaacisay abaalmarin dhan $200,000 waxayna weydiisatay dadweynaha inay gacan ka geystaan ​​sidii loo heli lahaa loona soo xiri lahaa sarkaaladda hore uga tirsanayd sirdoonka.

   Waxaad sidoo kale akhrisan kartaa:

   'The Beast': Maxaan ka naqaanaa gaariga Trump ee ay qalab walba oo difaac ku idil yihiin?

   Xarkaha internetka ee badda hoos mara ma waxay noqonayaan hubka cusub ee Iiraan?

4. 2 Saacadood ka horWaxa ay hadda ku qadeeyaan Trump iyo Xi Jiping

   

   Xigashada Sawirka, Getty Images

   Madaxweynaha Mareykanka, Donald Trump, iyo Madaxweynaha Shiinaha, Xi Jinping ayaa hadda qadeynaya. Sida laga soo xigtay Aqalka Cad, liiska cuntadooda waxaa ka mid ah:

   • Maraq cuntada badda ah oo leh kalluun la jarjaray •Shrimp la qalajiyay.

   • Hilib lo'a oo la shiilay oo lagu daray mushroom.

   • Digaag Kung Pao iyo scallops • Khudaar wadanka ka baxda oo lagu kariyey caleemaha bamboo iyo digir

   • Hilib lo'a oo maraq laga sameeyay iyo rooti • Hilib doofaar ah• Keega shukulaatada • Miro iyo jalaato • Qaxwo iyo shah.

   Dhanka kale, saxafiyiinta la socda kolonyada baabuurta ee Aqalka Cad ayaa loo dalbay cuntada McDonald's, waxaana loo geeyay gawaaridooda.

5. 2 Saacadood ka horKu dhowaad 30 dal oo qofka baasaboor Soomaaliga wata uu Visa ku qaadanayo garoonkooda

   

   Xigashada Sawirka, Getty Images

   Baasaboorka Soomaaliga ayaa u muuqda mid si isa taraysa u soo ceshanaya maqaamkii uu ku lahaa masraxa caalamka, taasoo astaan u ah xiriirka diblomaasiyadeed ee sii kordhaya iyo dib u soo kabashada dalka, ka dib tobanaan sano oo ah go'doon, amni darro iyo masiibooyinka dabiiciga ah.

   Tan iyo markii uu qarxay dagaalkii sokeeye 1991-kii, Baasaboorka Soomaaliga waxaa lagu sameeyay isbedello is-bedel ah oo ay ka mid tahay in la sameeyo nooc casri ah oo muddo shan sano ah soconaya.

   Isbeddelladani waxay muujinayaan dadaallada ballaaran ee dalku uu ugu jiro dib-u-dhiska hay'adaha iyo xoojinta meeqaamkiisa caalamiga ah.

   Hay’adaha Reach Immigration iyo Passport Index ayaa sanado kahor soo saaray liis ay isku waafaqsan yihiin oo ah ku sheegeen dalalka u fasaxaya qofka heysta baasaboorka Soomaaliya in uu kasoo dago garoonkooda.

   Waddamadaas oo gaaraya ilaa 25 ayaa qofka aqoonsiga Soomaaliya wata ka doonaya in uu visaha ama dal-ku-gal-ka ku qaato garoonka, marka uu diyaaradda kasoo dago ka dib.

   Dalalkan ayaa ka duwan kuwa ay Soomaalidu ku aadi karaan visa la’aanta ama aan wax oggolaansho ah looga baahneyn marka ay gudaha u galayaan.

   Liiska waddamada uu qofka aqoonsiga Soomaaliya ku safraya ka dagi karo garoonkooda diyaaradaha si uu uga dalbado visa waxaa uu u dhigan yahay sidan:

   Sii akhri

6. 2 Saacadood ka horTrump: Shiinuhu wuxuu doonayaa in marin biyoodka Hormuz uu furnaado

   

   Xigashada Sawirka, Reuters

   Madaxweynaha Mareykanka, Donald Trump, ayaa sheegay in Shiinuhu uu doonayo in marin biyoodka Hormuz uu sii furnaado, isagoo sharraxay in tallaabadani ay muhiim u tahay shixnadaha saliidda.

   Waxa kale oo uu sheegay in Shiinuhu uu saliid badan ka iibsado gobolka, sidaas darteedna uu doorbidayo in hawlahani ay sii socdaan iyada oo aan wax xayiraad ah la saarin.

   Trump ayaa intaa ku daray in Madaxweynaha Shiinaha Xi Jinping uu muujiyay rabitaankiisa ah inuu gacan ka geysto heshiis si loo hubiyo in marinku furnaado.

   "Qofkii saliiddaas badan iibsada wuxuu xiriir la leeyahay iyaga, laakiin wuxuu sheegay inuu jeclaan lahaa inuu caawiyo haddii uu awoodo," ayuu yiri Trump, isagoo ku nuuxnuuxsaday in Shiinuhu uu jeclaan lahaa inuu arko marin biyoodka Hormuz oo furan.

   Trump ayaa sidoo kale ku soo gabagabeeyay in Mareykanka iyo Shiinuhu ay aragti isku mid ah ka qabaan arrinta Iiraan.

   Waxaad sidoo kale akhrisan kartaa:

   Qiimaha uu ku kici doono nidaamka difaaca 'Golden Dome' ee Mareykanka iyo siduu u joojin karo gantaallada

   Sidee kalluunka Hoombarada loogu adeegsadaa dagaallada

   Warbixin gaar ah: Maxaa ka jira in Sacuudigu uu si qarsoodi ah u weeraray Iiraan

   Mad-madow soo kala dhex galay Pakistan iyo Mareykanka

7. 3 Saacadood ka horMaxay Sacduugiga iyo dalalka kale ee khaliijka si qarsoodi ah ugu weerarayeen Iiraan?

   

   Xigashada Sawirka, Getty Images

   Sacuudiga ayaa tiro weerarro ah oo aan la shaacin ku qaaday Iiraan si uu uga aargoosto weeraradii lagu qaaday Boqortooyada Sacuudiga intii uu socday dagaalkii Bariga Dhexe, labo sarkaal oo reer galbeed ah ayaa ka warbixiyay arrintan, laba mas'uul oo Iiraaniyiin ah ayaa iyaguna sidaa sheegay, sida ay shaacisay wakaaladda Reuters.

   Weerarrada Sacuudiga oo aan horey loo sheegin ayaa noqonaya markii ugu horeysay oo la og yahay in Boqortooyada Sacuudiga ay si toos ah u qaadeyso dhaq dhaqaaq militari oo ka dhan ah dhulka Iiraan, waxaana ay muujineysaa inay aad u sii dhiirraneyso sidii ay isaga difaaci laheyd dhinaca ay gobolka isku hayaan.

   Weerarradan oo ay bilaabeen ciidamada cirka Sacuudiga ayaa lagu qiyaasay in la fuliyay dhamaadkii bishii Maarso, sida ay sheegeen labada sarkaal ee reer galbeedka. Mid ka mid ah ayaa sheegay oo kaliya in ay ahaayeen "aargoosi, duqeymo ay kaga aargudanayeen markii Sucuudiga la garaacay". Reuters ma aysan awoodin inay xaqiijiso waxa bartilmaameedyada gaarka ah ay ahaayeen.

   Isagoo ka jawaabaya codsi faallo ah, ayuusan sarkaal sare oo ka tirsan wasaaradda arrimaha dibadda ee Sacuudiga si toos ah uga hadlin in duqaymo la fuliyay iyo in kale.

   Wasaaradda arrimaha dibadda Iiraan kama aysan jawaabin codsi faallo ah oo loo diray.

   Sii akhri

8. 4 Saacadood ka horCunnooyinka guryaha Soomaalida laga cuno ee khatar ku ah beerka

   

   Xigashada Sawirka, Getty Images

   Sanad kasta, 28-ka July, waxaa caalamka laga xusaa maalinta ka hortagga iyo wacyigelinta cagaarshowga, oo saameeya dadyow badan oo dunida ku nool.

   Wasaaradda caafimaadka dowladda federaalka Soomaaliya ayaa maanta magaalada Muqdisho ku qabatay xuska maalintan, iyo macluumaad ku saabsan cagaarshowga iyo bulshada Soomaalida.

   Xuska Maalinta Cagaarshowga Adduunka waxaa lagu muujiyaa muhiimadda beerku u leeyahay nolol caafimaad qabta, iyo baahida loo qabo in sare loo qaado ka-hortagga fayraska cudurkan.

   Soomaaliya waxay ka mid tahya dalalka hiigsanaya ciribtirka cagaarshoowga wixii loo gaaro sanadka 2030.

   Hal-ku-dhigga sannadkan ayaa ah “Hal Nolol, Beer".

   Haddaba waxaan eegeynaa caafimaadka beerka, cunnooyinka u fiican iyo kuwa aan u fiicneyn.

   Haddaba muxuu beerku muhiim u yahay?

   Beerku waa xubinta labaad ee ugu weyn xubnaha bani’aadamka wuxuuna qabtaa boqollaal shaqo, sida la dagaallanka caabuqyada iyo xanuunnada, inuu jirka ka saaro sunta, sida aalkolada, inuu xakameeyo heerarka dufanta jirka, inuu ka hortago xinjirowga dhiigga, iyo sii dyenta dheecaanka burburiya dufanta.

   Sii akhri

9. 4 Saacadood ka horMas'uul sare oo Lamine Yamal ku taageeray calankii Falastiin ee uu lulay

   

   Xigashada Sawirka, Social

   Raysal wasaaraha Spain, Pedro Sanchez, ayaa taageero u muujiyay xiddiga kooxda Barcelona, Lamine Yamal, kaasoo calanka Falastiin ka lulay xafladda guusha.

   Raysal wasaare Sanche ayaa yiri:

   Kuwa u arka in calanka dal la taagayo uu yahay 'kicin nacayb' waxay lumiyeen aragtidoodi ama waxay iska indho tireen qaab-dhismeedkooda liita. Lamine wuxuu muujiyay oo keliya midnimo Falastiin ah, dareen ay wadaagaan malaayiin Isbaanish ah. Waana sabab kale oo lagu faani karo isaga", ayuu yiri Pedro Sanchez.

   Barcelona ayaa Axaddii ka adkaatay kooxda ay xafiiltamaan ee Real Madrid si ay ugu guuleysato horyaalka La Liga iyadoo saddex toddobaad ay ka harsan tahay dhamaadka xilli ciyaareedka.

   Ciyaartoyda kooxda ayaa maalintii xigtay la dabaaldegay taageerayaasha Barcelona iyagoo wadada maraya, taasoo Lamine Yamal la arkay isagoo lulaya calanka Falastiin, kadib markii la arkay qaar lulaya calanka Israa’iil, taas oo markii dambe keentay in lagu dhaleeceeyo baraha bulshada.

   Spain waa mid ka mid ah wadamada ugu horreeya Yurub ee aqoonsaday dowladda madaxbannaan ee Falastiin.

   Sidoo kale akhri

   ‘Xiddig cusub ayaa dhashay’ – Taariikhda qormeysa ee ‘cabqariga’ Lamine Yamal

   Wax badan ka ogow is aragii ugu horreeyey ee Lamine Yamal iyo Cristiano Ronaldo oo caawa ballansan

10. 4 Saacadood ka horTrump oo sheegay inuu dulqaadka ka sii dhamaanayo

    

    Xigashada Sawirka, Getty Images

    Madaxweynaha Mareykanka, Donald Trump, ayaa sheegay in dulqaadkii uu u hayay Iiraan uu sii dhammaanayo ka dib markii uu la hadlay hoggaamiyaha Shiinaha Xi Jinping.

    Madaxweyne Trump ayaa Khamiistii wareysi uu siiyay Fox News ku sheegay hadalkan, ka dib markii hoggaamiyaha Shiinaha Xi Jinping kala hadlay dagaalka Iiraan.

    Shalay, ciidamada Iiraan ayaa la sheegay inay qabteen markab marayay xeebaha Imaaraadka Carabta.

    Aqalka Cad ayaa sheegay in Trump iyo Xi ay ku heshiiyeen in marin biyoodka Hormuz uu furnaado inta ay wadahadalladoodu socdaan.

    Ka dib markii Israa'iil iyo Mareykanka ay weerareen Iraani bishii Febraayo 28, Iiraan ayaa ka aargoosatay iyadoo xirtay marin biyoodka Hormuz.

    Tani waxay carqaladeysay isu socodka iyo ganacsiga saliidda iyo gaaska adduunka.

    Shiinaha waa xulafada ugu dhow Iiraan, sidoo kalena wuxuu ka iibsadaa saliid badan.

    Mareykanka ayaa bishii hore joojiyay duqeymihii uu ka geysan jiray Tehran ka dib markii ay dhexdhexaadisay Islamabad, laakiin wuxuu gebi ahaanba xannibay maraakiibta xamuulka qaada ee u socda dekedaha Iiraan.

    Wadahadalladii u dhexeeyay labada dal ayaa hakad galay ka dib markii Iiraan ay diiday inay ogolaato in la joojiyo barnaamijkeeda nukliyeerka iyo uranium-keeda la kobciyo.

    "Ma u sii dulqaadan doono," ayuu Trump ku yiri wareysi uu siiyay Fox News. "Waa inay ogolaadaan." Ayuu sii raaciyay.

    Wuxuu sheegay in kaydka Yuraaniyamka ee Iiraan ee la kobciyay uusan ahayn khatar amni, balse ay tahay in Mareykanka uu maamulo.

    "Uma maleynayo inay lagama maarmaan tahay marka laga reebo shaqada xiriirka dadweynaha," ayuu ku yiri wareysi uu bixiyay.

    "Way fiicnaan lahayd haddii ay gacantayda ku jiri lahayd. Laakiin waxaan u maleynayaa inay tahay shaqo xiriir dadweyne oo ka weyn wax kasta oo kale." Ayuu sii raaciyay.

    Sidoo kale akhri

    Qiimaha uu ku kici doono nidaamka difaaca 'Golden Dome' ee Mareykanka iyo siduu u joojin karo gantaallada

    Sidee kalluunka Hoombarada loogu adeegsadaa dagaallada

    Warbixin gaar ah: Maxaa ka jira in Sacuudigu uu si qarsoodi ah u weeraray Iiraan

    Mad-madow soo kala dhex galay Pakistan iyo Mareykanka

11. 5 Saacadood ka horWax ka ogow nolosha iyo aqoonta Xasan Sheekh iyo madaxweyneyaashii kale ee soo maray Soomaaliya

    

    Xigashada Sawirka, Getty Images

    Madaxweyne Xasan Sheekh Maxamuud ayaa bartamihii bishii Oktoobar 2022-kii shaaciyay in uu shahaadada ugu sarreysa ee waxbarashada jaamacadda ee PhD ka qaatay Jaamacadda Nabadda ee Qaramada Midoobey.

    Waxa uu daraaseeyay culuumta Nabadda, Maamulka iyo Horumarka. Waxa ay tan ka dhigan tahay in uu noqonayo madaxweynihii ugu horreeyay ee Soomaali ah ee qaata Ph.D, waxaana hadda kaddib loogu yeeri doonaa Dr Madaxweyne Xasan Sheekh Maxamuud.

    Haddaba, halkan ka akhriso noloshii iyo waxbarashadii madaxweyneyaashii soo maray Soomaaliya.

    Aadan Cabdulle Cusmaan

    Aadan Cabdulle Cismaan Daar ‘Aadan Cadde’ oo ku dhashay tuulada Ceelqurun oo u dhow deegaanka Jawiil ee gobolka Hiiraan, waxa uu ahaa madaxweynihii ugu horreeyay ee Soomaaliya. Waxa uu ahaa madi lagu qiyaasay in uu dhashay xilli ku beegan 1908-dii.

    Ma helin waxbarashada aas-aasiga ah oo dhammaystiran, laakiin waxbarashada hoose iyo dhexe ayuu ku qaatay dugsi uu Talyaanigu ku lahaa Baydhabo, isla halkaas ayuu Qur’aanka ku bartay.

    Waxa uu waxbarashada aasaasiga ah uga haray fasalka shanaad oo ahaa halka ugu sarreysa ee gumeystaha Talyaanigu uu u oggolaa in qof Soomaali ah uu waxbarashada ka gaaro.

    Sii akhri

12. 6 Saacadood ka horGeerida qaraha lagu daray sunta jiirka oo wareerisay baarayaasha Hindiya

    

    Xigashada Sawirka, Getty Images

    Ku dhowaad saddex toddobaad kadib markii afar xubnood oo qoys Hindi ah laga helay iyagoo ku dhintay gurigooda, baarayaasha ayaa BBC u sheegay inaysan wali garanayn waxa dhab ahaantii dhacay.

    Qoyska Dokadia — Abdullah, xaaskiisa Nasreen iyo labadooda gabdhood Ayesha iyo Zainab — ayaa meydkooda laga helay gurigooda 25‑kii Abriil, xaafadda Pydhonie ee magaalada Mumbai.

    Markii warku soo baxay, warbaahinta Hindiya ayaa si degdeg ah ugu magac dartay "geerida qaraha" oo ah wixii ugu dambeeyay ee qoyskaasi cuneen kahor dhimashadooda.

    Geeridaasi waxaa si aad ah looga tebiyay gudaha Hindiya, iyadoo warar badan ay dadka uga digayeen taxaddar marka ay cunayaan mid ka mid ah miraha xagaaga ugu caansan dalkaas.

    Warbixinno ayaa sheegay in qaraha uu ahaa mid wasakhaysan ama la sumeeyay, isla markaana lammaanaha iyo gabdhahooda dhallinyarada ah ay u dhinteen cunistiisa habeenkii xilli dambe. Arrintani waxay xitaa keentay hoos u dhac ku yimid qiimaha qaraha suuqyada Mumbai maaddaama dalabkii uu si weyn u yaraaday.

    Sii akhri

13. 7 Saacadood ka horTrump oo maalintiisii u dambeesay ku suganShiinaha

    

    Labada madaxweyne ayaa ka shalay ka wada hadlay inta badan arrimo ku saabsan ganacsiga, canshuuraha iyo iskaashiga labada dal.

    Trump mar uu warbaahinta Fox news wareysi siinayey waxa uu sheegay in dhigiisa uu kala hadlay in arrimo ku saabsan Iiraan, isaga oo tilmaamay in aysan Shiinaha Iiraan ka caawineyn hub iyo dagaal toona. Inkasta oo Trump hore u sheegay in uusan ka Xi ka dooneyn in xal laga gaaro arrinta Iiraan, hadana waxa uu tilmaamay Xi uu usoo bandhigay inuu ka caawin doono ka Maraykan ahaan in heshiis nabadeed laga gaaro arrinta uuna diyaar u yahay inuu dhex galo.

    Trump ayaa maanta sii joogi doona Beinjing, waana jaaniska ugu dambeeya ee ay madaxda haystaan in arrimaha dhimana ay fool ka fool uga wada hadlaan.

14. 15 Maajo 2026Xisbullaah oo sheegatay in ay fuliyeen 13 weerar oo ka dhan ah askarta Israa'iil

    Kooxda Xisbullaah ee ka dagaallanta Lubnaan ayaa war ay soo saareyn khamiistii ku sheegay in ay qaadeyn weerarro gaaraya 13 oo ay ku jiraan howlgallo lagu bartilmaameedsanayo igoobaha ay iskugu yimaadaan askarta Israa'iil iyo gaadiidka militariga ee magaalooyinka koonfurta Lubnaan.

    Weerarradaan ayey ku sheegeyn in ujeedkoodu uu ahaa in lagaga jawaabo falalka 'gardarrada' ah ee Israa'iil ka waddo koofurta Lubnaan kuwaas waxyeellada kasoo gaarto dad shacab ah.

15. 15 Maajo 2026War deg deg ah, Maraykanka oo shaaciyey tirada maraakiibta uu qabtay.

    Taliska Dhexe ee Mareykanka ayaa sheegay in ay qabtayn in ka badan todobaatan markab, "Waxaan leexsanay 72 markab, waxaana banjarinnay 4 kale tan iyo markii la bilaabay cunaqabataynta Iiraan".

    .

16. 15 Maajo 2026Wadahadallada Lubnaan iyo Israa'iil oo maalintii kowaad guul kusoo dhammaaday

    Sarkaal sare oo ka tirsan Waaxda Arrimaha Dibadda ee Mareykanka ayaa sheegay in maalintii ugu horreysay ee wadahadallada Israa'iil iyo Lubnaan ee Washington ay ahaayeen kuwo "wax soo saar leh oo wanaagsan," wadahadalladuna ay sii socon doonaan Jimcaha.isaga oo yir "Waxaan yeelanay wadahadallo wax soo saar leh oo wanaagsan maalintii oo dhan, laga bilaabo 9-ka subaxnimo ilaa 5-ta galabnimo. Waxaan rajeyneynaa inaan sii wadno wadahadalladan berri, waxaana rajeyneynaa inaan helno qodobbo badan oo aan isla garanno.

17. 14 Maajo 2026Wareeggii sadexaad ee wada-hadallada Israa'iil iyo Lubnaan ka furmay Washington

    Wakiillo ka kala socda Israa’iil iyo Lubnaan ayaa bilaabay wareeggii saddexaad ee wada-hadalladooda magaalada Washington, D.C. Wada-hadalladan ayaa imanaya iyadoo xabbad-joojintii Lubnaan lagu wado inay dhammaato maalmo yar gudahood.

    Israa’iil ayaa maanta ka geesatay weerarro ay ku qaaday bartilmaameedyo dhowr ah oo ku yaalla koonfurta Lubnaan, kuwaas oo ay sheegtay inay leeyihiin Xisbullaah, halka dhowr Israa’iiliyiin ah ay ku dhaawacmeen diyaarad aan duuliye lahayn oo qarax sidday oo ay geeystayn xisbullaah.

    Kooxda Xisbullah ee ay taageerto Iiraan kama ayaa hore u diiday wada-hadallada Israa'iil iyo Lubnaan ku dhex maraya Washington.

    Iyadoo dowladda Lubnaan ay Israa’iil ugu baaqday inay joojiso weerarrada ay ku hayso dhulka Lubnaan, Israa’iil waxay ku adkeesaneysaa sida ay ku doodayaan in Xisbullah hubka dhigto.

    Intii uu socday xabbad-joojintu, boqolaal qof oo Lubnaaniyiin ah ayaa ku dhintay weerarro maalinle ah oo ay Israa’iil fulisay, halka Xisbullah ay sii wadday inay gantaallo ku riddo Israa’iil.

18. 14 Maajo 2026Calanka Israa'iil oo laga taagay Masjidka Al-aqsa

    Wasiirka Amniga Qaranka ee Israa’iil ee ka tirsan garabka midigta fog, Itamar Ben-Gvir, ayaa jebiyay xeer muddo dheer lagu dhaqmayey, kaas oo ku saabsan goobaha diimaha ay ku cibaadeystaan dadka kala diimaha ah ee ku nool deegaannadaas, kadib markii uu calanka Israa’iil ka taagay agagaarka Masaajidka Al-Aqsa.

    Muuqaal laga duubay ayaa muujinaya wasiirka oo kor u qaadaya calanka Israa’iil, kuna ciyaaraya hees miraheedu ay kamid yihiin 'masjikd barakeesan ee Al-aqsa gacanteenna ayuu ku jiraa'. Tobannaan kun oo Israa’iiliyiin ah ayaa sidoo kale halkaas socod ku maray, iyaga oo ka qeyb-galayey munaasabad diimeed iyo mid qaran oo sanadkii mar la xuso.

    “Socodka Calanka” waxaa loo qabtaa xuska sanadguurada qabsashadii Israa’iil ee Bariga Qudus intii lagu jiray dagaalkii 1967.

    Wariyaha BBC ee Qudus ayaa sheegay in munaasabaddan ay badanaa la socdaan rabshado, dhibaatooyin iyo hal-ku-dhigyo lagu cunsuriyadeeyo dadka Falastiiniyiinta ah ee deggen aaggan Qudus.

    Sannadkan, tobannaan ka tirsan dadka u ololeeya nabadda ee Israa’iil ayaa isku dayay inay ka hortagaan tacaddiyadan.

19. 14 Maajo 2026War deg deg ah, Yaa oggolaaday Maraakiibta Shiinaha xalay inay maraan marinka Hormuz?

    Laanta xiriirka dadweynaha ee ciidamada ilaalada kacaanka Iiraan IRGC ayaa xaqiijisay warbixinada la xiriira inay oggolaadeen in maraakiibta shiinaha ay maraan marinka Hormuz.

    ‘’Go’aanka kasoo baxay jamhuuriyada Islaamiga ah, waxa ay ahayd macquul in tiro kamid ah maraakiibta shiinaha ay ka gudbaan marinka Hormuz iyaga oo raacaya nidaamka maamulka Iiraan ee marinka’’.

    Sida laga soo xigtay bayaanka iyada oo ay dabasocdaan wasiirka arrimaha dibadda Shiinaha iyo safiirka dallkaasi ee Iiraan ‘’Waxa ay ahayd kama dambaysa la gaaray in tiro kamid ah Maraakiibta Shiinaha oo uu dalkaasi codsaday ay maraan aaggaasi kadib markii la gaaray is-fahan raacitaanka nidaamyada maamulka Iiraan ee marinka, waxaana uu maritaanku bilowday habeenkii xalay.

20. 14 Maajo 2026War deg deg ah, Maraykanka ‘’Dib u dhiska ciidamada badda Iiraan waxa ay qaadan doontaa ugu yaraan wakhti dheer’’

    

    Xigashada Sawirka, EPA/Shutterstock

    Taliyaha saldhiga dhexe ee ciidamada Maraykanka CENTCOM, Admiral Brad Cooper ayaa isaga oo kahor hadlayay mudanayaasha Senate-ka Maraykanka gaar ahaana ka warbixinayay dagaalka Iiraan ayaa sheegay in awoodda ee ay ku khatar galin karto dariskeeda iyo danaha Maraykanka ee gobolka si weyn hoos loogu dhigay.

    Waxa uu sheegay howgalkooda milatari uu daciifiyay kaabayaashii warshadeed ee Iiraan sida gantaalada, ciidamada badda iyo awooddii soo saarista diyaaradaha aan duuliyaha lahayn oo la gaarsiiyay ilaa 90%, waxaana sida uu yiri dib u dhiska ciidamada badda Iiraan ay ugu yaraan qaadan doontaa wakhi ilaa jiil cusub.

    ‘’Khatartii Iiraan si weyn ayaa hoos loogu dhigay, mana sii awoodaan inay khatar sii galiyaan bahwadaagteena gobolka ama Maraykanka sidii ay horay awoodda ugu lahaayen, dhammaan dhinacyada kala duwan. Si weyn ayaa loo daciifiyay,’’ ayuu Cooper u sheegay guddiga Senete-ka.

    Waxa kale oo uu sheegay in Iiraan ay weli khatar usiin ahaan karto awoodeeda iyo ilaha khayraadka ay haysato.

    WARBIXINO KALE

    Qiimaha uu ku kici doono nidaamka difaaca 'Golden Dome' ee Mareykanka iyo siduu u joojin karo gantaallada

    Sidee kalluunka Hoombarada loogu adeegsadaa dagaallada

    Warbixin gaar ah: Maxaa ka jira in Sacuudigu uu si qarsoodi ah u weeraray Iiraan

    Istaraatijiyadda cusub ee Maraykanku ma baabi'in doontaa 'kooxaha argagixisada Afrika'?