Geàrr-chunntas

  • Tha Ceann a' Ghiùthsaich air Cupa na Camanachd a bhuannachadh aig Pàirc Mossfield

  • Chrìochnaich a' chuairt dheireannach an aghaidh Bhaile Ùr an t-Slèibh 2-1

  • 'S e Struan Ros a chuir a' chiad tadhal dhan Bhaile Ùr às dèidh còig mionaidean

  • Fhreagair Ruairidh MacAnndrais do Cheann a' Ghiùthsaich às dèidh 72 mionaidean

  • 'S e MacAnndrais an uairsin a chuir Ceann a' Ghiùthsaich 2-1 air thoiseach sa chiad leth den ùine a bharrachd

  • Tha Ceann a' Ghiùthsaich a-nise air an cupa a thogail 27 tursan

Ag aithris beò

Dòmhnall Pollock is Eilidh NicAoidh ag aithris. Bhideo bho Reamonn Lenkas.

  1. Seòid an Dell

    Baile Ùr an t-Slèibh 1 Ceann a’ Ghiùthsaich 2

    Tha Cupa na Camanachd a' tilleadh gu Ceann a' Ghiùthsaich ma-tha às dèidh bliadhna a chur seachad trì mìle sìos an rathad ann am Baile Ùr an t-Slèibh.

    'S iadsan a bha airidh air cuideachd. Ged a bha iad tadhal sìos aig leth-ùine is a' ghaoth air a bhith nan aghaidh, bha glè bheag eadar na sgiobaidhean tron leth sin.

    San dàrna leth agus ann an ùine a bharrachd bha Ceann a' Ghiùthsaich gu math nas làidire na na nàbaidhean aca.

    Meal a naidheachd orrasan agus taing dhuibhse 'son a bhith còmhla rinn tron fheasgar.

    Ceann a' Ghiùthsaich le Cupa na CamanachdNeil G Paterson

  2. Briseadh-dùil

    Baile Ùr an t-Slèibh 1 Ceann a’ Ghiùthsaich 2

    Cuimhnich cho misneachail 's a bha Peadar ron gheama? "Tha mi dìreach 'son a dhèanamh a-nise agus an cupa a thoirt air ais a Bhaile Ùr an t-Slèibh," thuirt e.

    Chan e sin a thachair is feumaidh Peadar a-nise an sgioba a thogail airson nan geamaichean lìge a tha air fhàgail.

  3. Peadar Ros

    Baile Ùr an t-Slèibh 1 Ceann a’ Ghiùthsaich 2

    Dòmhnall MacLaomainn
    Ag aithris à Pàirc Mossfield

    Tha mi fèir air 10,000 ceum a dhèanamh a' feuchainn ri bruidhinn ri Peadar Ros às dèidh a' gheama is cha d' fhuair mi e. Bha coltas briste air.

  4. Eachdraidh

    Baile Ùr an t-Slèibh 1 Ceann a’ Ghiùthsaich 2

    Tha Ceann a' Ghiùthsaich a-nise air Cupa na Camanachd a bhuannachadh 27 tursan.

    Fhuair iad Cupa MhicThàmhais mar-tha am-bliadhna is tha cothrom aca fhathast air a' Phrìomh Lìog cuideachd.

    Tha a h-uile coltas ann gur e geama eile eadar iad is Baile Ùr an t-Slèibh an ath-mhìos a dh'innseas cò gheibh an lìog.

    Le Ceann a' Ghiùthsaich a-nise air na trì geamaichean mu dheireadh eadar na sgiobaidhean a bhuannachadh, chanadh tu gu bheil làmh an uachdair acasan a' dol a-steach dhan gheama sin.

  5. "Bha iad na b' fheàrr air feadh na pàirce"

    Baile Ùr an t-Slèibh 1 Ceann a’ Ghiùthsaich 2

    Tha Iain Robinson ag aideachadh gun robh Ceann a' Ghiùthsaich airidh air a' chupa.

    "Cha robh sinn math gu leòr air feadh na pàirce", thuirt sgiobair a' Bhaile Ùir.

    Tha e ag ràdh gun robh feum aca air dhà no trì tadhail sa chiad leth nuair a bha a' ghaoth air an cùl.

  6. "Air mo dhòigh"

    Baile Ùr an t-Slèibh 1 Ceann a’ Ghiùthsaich 2

    Sin a tha Raghnall Ros ag ràdh.

    "Chanadh a h-uile duine gur e Ceann a' Ghiùthsaich an sgioba as fheàrr an-diugh. Tha sinn às aonais James Falconer is Dylan Borthwick, sàr chluicheadairean, ach rinn na balaich a thàinig a-steach obair mhòr - 's e an sguad a bhuannaich seo".

    Raghnall Ros

  7. Gàirdeachas

    Baile Ùr an t-Slèibh 1 Ceann a’ Ghiùthsaich 2

    Ceann a' Ghiùthsaich

  8. Bonn Albert Mhic a' Ghobhainn

    Baile Ùr an t-Slèibh 1 Ceann a’ Ghiùthsaich 2

    Tha Ruairidh MacAnndrais air Bonn Albert Mhic a' Ghobhainn a bhuannachadh mar shàr-chluicheadair an là.

    Bha geama air leth aig Ruairidh agus dà thadhal - là gu math sònraichte airson an sgiobair.

    "An taghadh ceart" tha Somhairle MacDhòmhnaill ag ràdh.

    Ruairidh MacAnndraisNeil G Paterson

  9. "Air leth"

    Baile Ùr an t-Slèibh 1 Ceann a’ Ghiùthsaich 2

    Dòmhnall MacLaomainn
    Ag aithris à Pàirc Mossfield

    Oidhirp sguad air leth an seo bho Cheann a' Ghiùthsaich. Cò bha fut? Cò a b’urrainn ruith? Cha robh e gu diofar. Eòlas.

  10. Cupa na Camanachd le Ceann a' Ghiùthsaich

    Baile Ùr an t-Slèibh 1 Ceann a’ Ghiùthsaich 2

    Bha bùrach air beulaibh Bob MhicGriogair anns na diogan mu dheireadh ach cha b' urrainn dha Baile Ùr an t-Slèibh am ball a chur a-steach.

    Tha e air crìochnachadh 2-1 is bha Ceann a' Ghiùthsaich gu math gu math airidh air a' chupa.

  11. Tha e seachad!

    Baile Ùr an t-Slèibh 1 Ceann a’ Ghiùthsaich 2

  12. Faisg

    Baile Ùr an t-Slèibh 1 Ceann a’ Ghiùthsaich 2

    Bha oidhirp bho Roddy Young dìreach seachad air a' phost. Bhiodh sin air an geama a mharbhadh.

    2-1 fhathast is dìreach mionaid air fhàgail.

  13. Dòchas airson a' Bhaile Ùir?

    Baile Ùr an t-Slèibh 1 Ceann a’ Ghiùthsaich 2

    Tha Steven Dòmhnallach air a phutadh suas 'son a' Bhaile Ùir is tha barrachd den bhall a-nise aca. An urrainn dhaibh tadhal eile a lorg? Còig air fhàgail.

  14. Sloss

    Baile Ùr an t-Slèibh 1 Ceann a’ Ghiùthsaich 2

    Oidhirp bho Matthew Sloss aig a' Bhaile Ùr an sin a chaidh seachad air a' phost. 'S e sin a' chiad oidhirp a bha aca ann an ùine mhòr is feumaidh iad togail air oir chan eil ach deich mionaidean air fhàgail an seo.

  15. Buill

    Baile Ùr an t-Slèibh 1 Ceann a’ Ghiùthsaich 2

    Dòmhnall MacLaomainn
    Ag aithris à Pàirc Mossfield

    New balls please.

    Buill

  16. Goirt

    Baile Ùr an t-Slèibh 1 Ceann a’ Ghiùthsaich 2

    Kenny Ros bochd a' coimhead bho oir na pàirce is an sgioba aige ann an staing. Bha geama air leth aig Kenny.

    Tha e air innse dha Dòmhnall MacLaomainn gur e glùn Chalum MacLay a ghlac e is gun robh fios aige sa bhad gun robh an geama aige seachad.

    Beingidh a' Bhaile Ùir

  17. Leth-ùine

    Baile Ùr an t-Slèibh 1 Ceann a’ Ghiùthsaich 2

    Tha sinn air leth-ùine ann an ùine a bharrachd a ruighinn is tha Ceann a' Ghiùthsaich 2-1 air thoiseach.

    Ged a bha a' ghaoth nan aghaidh bha iad tòrr na b' fheàrr na am Baile Ùr agus 's e tadhal èireachdail a chuir Ruairidh MacAnndrais.

    Tha cairteal na h-uaireach air fhàgail is chanadh tu gu bheil aona làmh aig Ceann a' Ghiùthsaich air Cupa na Camanachd.

  18. Sàbhaladh

    Baile Ùr an t-Slèibh 1 Ceann a’ Ghiùthsaich 2

    Tha Jones trang a-rithist, an turas seo le deagh shàbhaladh.

    Tha mionaid den chiad leth de dh'ùine a bharrachd air fhàgail is tha Ceann a' Ghiùthsaich le smachd air a' chuairt dheireannaich.

  19. Grèim teann?

    Baile Ùr an t-Slèibh 1 Ceann a’ Ghiùthsaich 2

    Well mura robh sibh a' creidsinn na thuirt Dòmhnall....

    Connspaid

  20. "Caractar"

    Baile Ùr an t-Slèibh 1 Ceann a’ Ghiùthsaich 2

    Dòmhnall MacLaomainn
    Ag aithris à Pàirc Mossfield

    Caractar a tha ann an Connor Jones. B’ fheudar dhan rèitire bruidhinn ris san dàrna leth airson grèim fhaighinn air gobhal Rory MhicEachainn.