2019: Buhari ajụla ibinye aka n'iwu ntuliaka
Ebe foto si, Getty Images
Onyeisiala Naịjira bụ Muhammadu Buhari degara ndị ụlọ omeeiwu sineti akwụkwọ taa na ya agaghị ebinyeli aka n'akwụkwọ iwu ndegharị enwere gbasara ntuliaka nke afọ 2019.
N'akwụkwọ ahụ a gụrụ n'ụlọ sineti taa, Buhari kọwapụtara mkpa ọ dị na o binyeghi aka n'akwụkwọ ahụ, o kwuru na ọ ga-emegide ikike ndị Independent National Electoral Commision (INEC) bụ ndị na-ekpokoba ntuliaka na Naịjirịa.
Nke a bụ dịka akwụkwọ iwu Naịjirịa si kwuo na sektshon 15(A).
N'akwụkwọ ahụ, Buhari kwuru na mmezi e mere na sekshon 138 nke akwụkwọ iwu ntuliaka mere maka iwepụ ohere dị mkpa nke pụtara na e nwere ike ịgbagharị ntuliaka emere ga-eme ka ndị na-azọ ọchịchị ghara inwe ohere inweta ntuliaka dị tọrọ atọ.
O gosipụtakwara ebe ọzọ o nwere nsogbu bụ n'akụkụ 152 na 325 bụ ebe o kwuru na ọ na-agbajọ ikike ụlọ omee iwu ime iwu maka ndị okpuruochịchị ime obodo.
Cheta na ndị sineti nọ ụbọchị Feburuwarị 14, hazie ndegharị edegharịrị ka ọkwa onyeisiala bụrụ ọkwa ikpeazụ a ga-eme ntuliaka ya na Naịjirịa ebe a ga-ebuụzọ mee nke ndị ụlọ omeeiwu, nke ndị gọvanọ esote ya.
Mana e mee nke a, ọ pụtara na ndị ga-azọ ọkwa onyeisiala ga-achịpụ ya na 2019.
Akụkọ ndị ga-amasị gị:
