Gwamnoni da wasu sanatocin da suka samu takarar majalisar dattawa

Jam'iyyar APC mai mulki ta kammala zaɓen fidda gwani na ƴan majalisar dattawa da za su fafata a babban zaɓen kasar na 2027.

Kuma kamar yadda aka gudanar da na majalisar wakilai, shi ma na majalisar dattawa ya zo da mamaki kasancewar wasu manyan ƴan majalisar dattawan ba su kai bantansu ba kasancewar gwamnoni masu ci da suka kammala wa'adinsu biyu sun maye gurbinsu.

BBC ta tattaro sunayen da suka fi yin fice da suka tsallake da wadanda ba su kai ga gaci ba, kamar haka:

Gwamnoni masu ci da suka samu kujerar sanata

Sanatoci masu ci da tsoffin gwamnoni

Jerin sunayen waɗanda ba su yi nasara ba

Yawancin dai waɗanda suka rasa takarar sun samu tarnaƙi ne daga gwamnonin jihohinsu masu ci:

Zaɓen sanatoci a Zamfara

A jihar Zamfara kuwa a ranar Talatar nan ne ake sa-ran za a gudanar da zaɓen fitar da gwanin na sanatoci, to sai dai tuni wasu suka yi fatali da tsarin da za a fitar da 'yan takarar.

To amma Sanata Ahmad Sani Yariman Bakura ya ce sun yi amfani da tsarin da APC ta bayar ne na yin maslaha amma ba kakaba 'yan takara suka yi ba.

‎Rahotanni na cewa tsarin maslaha da jam'iyyar APC ta ɗauka wajen fitar da ƴan takarar sanatan zai iya yi mata lahani saboda yadda ake ci gaba da samun korafi a wurare da dama, to sai dai bayanai na cewa jam'iyyar na cewa wannan tsari shi ne take ganin hanyar da zai rage mata ruɗani da rigingimu.