ඔබ මේ දකින්නේ අවම ඩේටා ප්රමාණයක් භාවිත කරන මෙම වෙබ් අඩවියේ පෙළ පමණක් කියවිය හැකි අනුවාදයකි. රූප සහ වීඩියෝ අන්තර්ගත අපගේ මුලික වෙබ් අඩවිය මෙතැනින් නරඹන්න.
අවම ඩේටා ප්රමාණයක් භාවිතා කරන මෙම වෙබ් පිටු පිළිබඳ වැඩිදුර කියවන්න
BBC News, සිංහල - ප්රධාන පුවත්
ප්රධාන පුවත
සියලු රාජ්ය ආයතනවල AC පස්වරු 3ට වැසේ: ඉදිරි දිනවල සිදුවන වෙනස්කම් මොනවා ද?
පවතින බලශක්ති අර්බුදය හේතුවෙන් මෙරට විදුලි සහ බලශක්ති සංරක්ෂණය පිළිබඳ කරුණු 03ක් සම්බන්ධයෙන් අත්යවශ්ය සේවා කොමසාරිස් ජනරාල් බී.කේ. ප්රභාත් චන්ද්රකීර්ති විසින් නව මාර්ගෝපදේශ මාලාවක් නිකුත් කර තිබේ. සියලුම රාජ්ය ආයතනවල සහ ව්යවස්ථාපිත ආයතනවල සියලුම වායු සමන යන්ත්ර පස්වරු 3.00 ට අක්රීය කළ යුතු බව අත්යවශ්ය සේවා කොමසාරිස් ජනරාල්වරයා නිකුත් කර ඇති නව මාර්ගෝපදේශයේ සඳහන් කර ඇත.
ප්රසම්පාදන ක්රියාවලියට පටහැනිව වෛද්ය සැපයුම් මිල දී ගැනීම: කෙහෙළිය රඹුක්වැල්ල සෞඛ්ය අමාත්ය ධූරය දැරූ සමයේ ඖෂධ මිලදී ගැනීම් ගැන වෝහාරික විගණනයක්
හිටපු අමාත්ය කෙහෙළිය රඹුක්වැල්ල සෞඛ්ය අමාත්යවරයා වශයෙන් කටයුතු කළ කාලසීමාවේ සෞඛ්ය අමාත්යාංශය විසින් සිදුකළ ඖෂධ සහ වෛද්ය සැපයුම් මිලදී ගැනීමේ ප්රසම්පාදන කටයුතු ගැන රජයේ විගණකාධිපතිවරයා වෝහාරික විගණනයක් කරන බව නීතිපතිවරයා අද (මාර්තු 30 වැනිදා) ශ්රේෂ්ඨාධිකරණයට දැනුම් දුන්නේ ය.
සරත් ගනේගොඩ සහ රොහාන් ගුණතිලක ශ්රී ලංකන් ගුවන් සමාගමේ අධ්යක්ෂ මණ්ඩලයෙන් ඉල්ලා අස්වෙති
ශ්රීලංකන් ගුවන් සේවයේ සහ ශ්රීලංකන් කේටරින් සමාගමේ සභාපති සරත් ගනේගොඩ හෙට (2026 මාර්තු 31 දින) සිට බලපැවැත්වෙන පරිදි එම අධ්යක්ෂ මණ්ඩලවලින් ඉල්ලා අස්වී තිබේ. ඊට අමතරව, ශ්රී ලංකන් ගුවන් සේවයේ සහ ශ්රී ලංකන් කේටරින් සමාගමේ අධ්යක්ෂ රොහාන් ගුණතිලක ද එම සමාගමේ අධ්යක්ෂ මණ්ඩලයෙන් ඉල්ලා අස්වී ඇත.
කැරම් බෝඩ් සහ දාම් ලෑලි නඩුව: මහින්දානන්ද සහ නලින් ගොනු කළ මුලික විරෝධතා මහාධිකරණය ප්රතික්ෂේප කරයි
2015 වසරේ ජනාධිපතිවරණය සමයේදී එවක ජනාධිපති අපේක්ෂක මහින්ද රාජපක්ෂගේ දේශපාලන කාර්යාලවලට බෙදාදීම සඳහා සතොස ආයතනය හරහා කැරම් බෝඩ් 14,000 ක් සහ දාම් ලෑලි 11,000 ක් ආනයනය කර බෙදා හැරීම තුළින් රුපියල් මිලියන 39 ක් රජයේ මුදල් සාවද්ය පරිහරණය කළේ යැයි චෝදනා එල්ල වී සිටින හිටපු අමාත්යවරුන් වන මහින්දානන්ද අලුත්ගමගේ සහ නලින් ප්රනාන්දු විසින් ඉදිරිපත් කළ මූලික විරෝධතා ප්රතික්ෂේප කිරීමට කොළඹ මහාධිකරණය අද (මාර්තු 30) තීන්දු කර තිබේ.
වනිදු ඇතුළු ශ්රී ලංකා කණ්ඩායමේ ප්රධාන පන්දු යවන්නන්ට මෙවර IPL අහිමි වෙයි ද? ශාරීරික යෝග්යතා පරීක්ෂණය අසමත් වුවහොත් කුමක් සිදු වෙයි ද?
මෙවර ක්රීඩක වෙන්දේසියේදී ඉන්දීය රුපියල් කෝටි 18 කට කොල්කටා නයිට් රයිඩර්ස් කණ්ඩායම විසින් මිලදී ගත් ශ්රී ලංකා කණ්ඩායමේ වේග පන්දු ක්රීඩක මතීෂ පතිරණ සහ ඉන්දියානු රුපියල් කෝටි 02 කට ලක්නව් සුපර් ජයන්ට්ස් කණ්ඩායම විසින් මිලදී ගත් ශ්රී ලංකා ක්රිකට් කණ්ඩායමේ ප්රධාන දඟ පන්දු යවන්නා වන වනිඳු හසරංග ශාරීරික කාර්ය සාධන පරීක්ෂණය සමත් වී නොතිබීම හේතුවෙන් IPL තරගාවලියට ක්රීඩා කිරීම සඳහා අවශ්ය වන විරෝධතා නොමැති බවට සඳහන් වන NOC ලිපි ශ්රී ලංකා ක්රිකට් ආයතනයෙන් නිකුත් කර නොමැත.
BBC News සිංහල දැන් WhatsApp ඔස්සේ
ඔබට ඩේටා ඉතුරු කර ගැනීමට අවශ්ය ද?
අවම ඩේටා ප්රමාණයකින් කියවිය හැකි අපගේ පෙළ පමණක් සහිත වෙබ් පිටුව කියවන්න
වෘත්තීය සහ දිවිමග
විශේෂාංග
ඉරානය දෙන බව කී ඉන්ධන ශ්රී ලංකාවට ඇත්තට ම ලබා ගන්න පුළුවන් ද?
ඕනෑ ම මොහොතක ශ්රී ලංකාව තෙල් හෝ වෙනත් ඕනෑ ම අත්යවශ්ය භාණ්ඩයක් ඉල්ලා සිටියහොත් ඉරානය එම භාණ්ඩ ශ්රී ලංකාවට සපයනු ඇති බව පසුගිය දා කොළඹ ඉරාන තානාපතිවරයා කියා සිටියේ ය. ඊට ප්රතිචාර දක්වමින් කැබිනට් ප්රකාශක අමාත්ය නලින්ද ජයතිස්ස පැවසුවේ, එම ප්රකාශයට ස්තූති වන්ත වන බව ය. මෙවන් පසුබිමක ශ්රී ලංකාවට ඉරානයෙන් ඉන්ධන මිල දී ගැනීමට ඇති අවස්ථා මොනව ද?
ග්රාම නිලධාරී සේවයට එක්වීමට අපේක්ෂා කරන ඔබ එහි තරග විභාගය ගැන දැනගත යුතු කරුණු
ග්රාම නිලධාරී සේවයේ III වන ශ්රේණියට බඳවා ගැනීම සඳහා වන තරග විභාගය මාර්තු 29 වන දා පැවැත්වීමට විභාග දෙපාර්තමේන්තුව සැලසුම් කර තිබේ. විභාග කොමසාරිස් ජනරාල් ඉන්දිකා ලියනගේ ප්රකාශ කළේ, එම විභාගය එදින දිවයින පුරා විභාග මධ්යස්ථාන රැසක පැවැත්වෙන බව ය.
'හිටපු අටමස්ථානාධිපති හිමි තෑගි කළ' බව කියන රු. කෝටි 10ක් වටිනා ඉඩමක අයිතිය ඉල්ලා ව්යාපාරිකයෙකුගේ බිරියක් නඩු පවරයි
අනුරාධපුර හිටපු අටමස්ථානාධිපති පූජ්ය පල්ලේගම සිරිනිවාස නාහිමියන් අපවත් වීමට දින පහකට පෙර තමන්ට තෑගි කළ රුපියල් කෝටි 10ක් වටිනා ඉඩමකට අදාළ තෑගි ඔප්පුව ලියාපදිංචි කිරීම රජයේ රෙජිස්ට්රාර් ජනරාල්වරවරයා ප්රතික්ෂේප කිරීම අභියෝගයට ලක් කරමින් එම තෑගි ඔප්පුව ලියාපදිංචි කරන ලෙසට රජයේ රෙජිස්ට්රාර් ජනරාල්වරයාට නියෝග කරන්නැයි ඉල්ලා අනුරාධපුරයේ ව්යාපාරිකයෙකුගේ බිරියක නඩු පවරා තිබේ.
ශ්රී ලංකාවේ 'විශිෂ්ට සෞඛ්ය සේවාවක්' තිබේ නම් දේශපාලකයින් ප්රතිකාරවලට සිංගප්පූරු යන්නේ ඇයි?
ශ්රී ලංකාව තුළ විශිෂ්ට සෞඛ්ය සේවාවක් පවතින බවට සහතික දෙන දේශපාලනඥයින් ම බොහෝවිට ප්රතිකාර සහ ශල්යකර්ම සඳහා විදෙස්ගත රෝහල් කරා ඇදී යාමේ ප්රවණතාවක් පසුගිය දශක කිහිපය පුරා අපි අසා දැක ඇත්තෙමු. මෙහි ආසන්නතම සිදුවීම වූයේ, හිටපු ජනාධිපති රනිල් වික්රමසිංහ ශල්යකර්මයක් සඳහා සිංගප්පූරුවට යාම ය. එහිදී, ඔහු ශල්යකර්මයකට භාජනය කළ බව මාධ්ය වාර්තාවල පළවී තිබිණි.
ශ්රී ලංකාව ලෝකයේ සතුට අවම රටවල් අතරට: ගැම්බියාව, මැඩගස්කර්, ටෝගෝ ශ්රී ලංකාවට ඉදිරියෙන්
ලෝකයේ සතුට අවම ජනතාවක් වෙසෙන රටවල් අතරට ශ්රී ලංකාව ඇතුළත්ව තිබේ. ඒ, ලෝක සතුටු දර්ශකයේ (World Happiness Report) 134 වන ස්ථානයට පත්වෙමිනි. ලෝකයේ එක් එක් රටවල වෙසෙන ජනතාව සතුටින් සිටීම වර්ගීකරණයට ලක් කරන ලෝක සතුටු දර්ශකයේ පසුගිය වසරට වඩා එක් අගයකින් මෙවර ශ්රී ලංකාව පහත වැටී තිබේ.
