Am Foillseachan ùr 'Marion', teicneòlas agus an saidheans air chùl duilgheadasan le gaol 's gràdh

Tha a’ bhuidheann ealain ATLAS Arts, stèidhichte san Eilean Sgìtheanach, a' lorg pìosan cruthachail bho mhuinntir an Eilean Sgìtheanaich, Ratharsair agus Loch Aillse agus iad an dùil foillseachan air a bheil ‘Marion’ a chur a-mach ro àm na Nollaig. Tha Eilidh NicChoinnich bhon bhuidheann ag innse an tuilleadh.

Nach iomadh uair a tha sinn a’ bruthadh am putan airson sguabadh as air ar coimpiutairean airson cuidhteas fhaighinn de phuist-d neo faidhlichean nach eil sinn a feumachadh tuilleadh, agus cuid dhiubh sin le fiosrachadh pearsanta neo dìomhair. Ach dè dìreach a tha a’ tachart dhan fhiosrachadh nuair a tha sinne den bheachd gun deach a sguabadh as? Tha Alasdair a' cur a' cheist air an t-eòlaiche IT, Dòmhnall Dòmhnallach.

Agus, ma tha sibh air TikTok, bi sibh air mothachadh gu bheil mòran bhideothan a’ nochdadh leis a taga hais 'Attachment Theory', agus na milleanan de dhaoine gan coimhead. A-rèir choltais tha e a’ ciallachadh daoine a tha ag iarraidh dlùthas nam beatha, ach air a bheil eagal gun cuir daoine an cùl riutha aig an ceann thall. Tha an saic-eòlaiche Rachel Allan a' mìneachadh an saidheans a th'air a' chùl.