le Cathy NicDhòmhnaill

Chan e rud furasta a th'ann an ionnsachadh cànain - ach tha cothrom air leth inntinneach air a bhith aig buidheann de luchd-ionnsachaidh na Gàidhlig ann an Albainn Nuadh sna mìosan mu dheireadh. A' fuireachd aig "Cala Cainnte" - sgeama còmhnaidh is cothrom ionnsachaidh fad ceithir mìosan - tha iad air a bhith air am bogadh sa chànan. Ach ciamar a tha dol dhaibh? Tha Cathy a' bruidhinn ri oidean agus oileanaich mu mar a tha a' chùis ag obair, agus am feallsanachd a th' air a chùlaibh, air a' sgeama iongantach seo.

Cluinnidh sinn bhon chòcaire Ùisdean MacLeòid mu dheidhinn mar a ghabhas feòil a chuir dhan phrais aig an àm sa dhen bhliadhna gus "Irish Stew" a dhèanamh. Èireannach neo Albannach, cha bheag an fheum a th' air biadh dhen leithid mun àm sa.

Agus tha Iain Urchadan a' bruidhinn ri Cathy mun chruinneachadh bàrdachd ùr aige, a bhios air fhoillseachadh air a' mhìos a tha seo fhèin.