تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
ولې یو شمېر ایرانيانو له افغانانو مننه کړې؟
وروستیو کې پر خواله رسنیو یوه ویډیو خپره شوې چې پکې ګڼ شمېر ایرانیان د کرج په ماهدشت کې نارې وهي: "غیرتمن افغانه مننه."
د رپوټونو له مخې، دا ویډیو ایران سره د امریکا او اسرائیل د جګړې د اته دېرشمې شپې پر مهال ثبت شوې ده.
د اسرائیل او امریکا له بریدونو وروسته، د ایران چارواکو څو ځله د افغانستان د خلکو د ملاتړ یادونه کړې. ان د ایران نوي مذهبي مشر مجتبی خامنهای د نوي کال په پیغام کې افغانستان سره د اړیکو پر ارزښت ټینګار کړی او "د زورواکۍ پر وړاندې د مبارزې په ډګر کې یې شریکو ستراتیژیکو ګټو ته اشاره کړې ده."
بل پلو یو شمېر کسان د افغانانو ګډون سره مخالف دي او له اسلامي جمهوري حکومته د دوی پر ملاتړ یې نیوکې کړي دي.
د ایران د وروستي پاچاه زوی رضا پهلوي ایران سره د اسرائیل او امریکا د جګړې پر مهال په یوه پیغام کې د ایران پوځیانو ته ویلي: "تاسې څنګه کولی شئ چې د ایران پر سړکونو د بهرنیو او د اسلامي جمهوریت پورې تړلو جنایتکارو ډلو د ګواښونو او خپلسرو کړنو پر وړاندې چوپ پاتې شئ، او هېڅ اقدام ونه کړئ؟ دا ډلې له حشد الشعبي او د لبنان له حزب الله څخه نیولې، تر افغان او پاکستاني ترهګرو پورې شاملې دي."
د رضا پهلوي له خوا د "افغاني ترهګرو" د اصطلاح کارول د افغانانو ترمنځ پراخ غبرګونونه راوپارول.
