ګربز: هېڅ وخت نه غواړم په ملي لوبډله بوج شم

د افغانستان د ملي لوبډلې ستوری توپ وهونکی رحمن الله ګربز چې یوه موده ښه نه ځلېده او اوس بیا خپل فوم کې ښکاري وايي، هیڅ وخت نه غواړي په ملي لوبډله بوج شي.

ده له بي بي سي سره مرکه کې وویل چې د لوبیز ژوند په دې سختو ورځو کې یې له ګڼو لوبغاړو او ارواپوهانو سره خبرې کولې. ګربز وايي ډېرې خبرې یې د کرېکټ د نړۍ له ستوري لوبغاړي ویرات کوهلي سره کولې.

ندیم اشرف له رحمن الله ګربز سره مرکه کړې چې بشپړه بڼه به یې لومړی د بي بي سي پښتو ټلویزیون "نړۍ دا وخت" خپرونه کې او وروسته د بي بي سي پښتو پر فیسبوک پاڼه او یوټیوب خپره شي.