تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
فاطمة الزهراء المنصوري؛ لومړنۍ مراکشۍ د لومړي وزارت مقام کې
د مراکش پاچا محمد شپږم د سې شنبې په ورځ فاطمه الزهراء المنصوري د نوي حکومت د جوړولو لپاره مشره وګومارله، چې په دې سره د مراکش په تاریخ کې لومړنۍ ښځه شوه چې دغه مقام ته رسېږي. دا پرېکړه وروسته له هغې وشوه چې د "اصالت او معاصر فکر" ګوند په پارلماني ټاکنو کې تر ټولو ډېرې رایې وګټلې.
د مراکش د خبري اژانس د راپور له مخې، پاچا محمد شپږم له المنصوري سره د رباط په شاهي ماڼۍ کې وکتل او د اساسي قانون د ۴۷مې مادې له مخې یې د حکومت د مشرې په توګه وټاکله او د نوي حکومت د جوړولو دنده یې ور وسپارله.
المنصوري له ټاکل کېدا وروسته رسنیو ته په څرګندونو کې وویل چې لومړی به د "اصالت او معاصر فکر" ګوند دننه مشورې پیل کړي او وروسته به له سیاسي ګوندونو سره خبرې وکړي، چې د نوي حکومت د جوړښت وړاندیز وکړي.
