بي بي سي پښتوټکى کام له کابله

	تر اوسه لاڅرگنده نه ده چې الوتکه چيرته لويدلې ده خو د پيښې په اړه خپره شوې وينا وايي چې الوتکه په تکريت کې د نړيوالو ځواکونو شمالي مرکز ته روانه وه .

چارواکو وويل چې د عراق په شمال کې ددغې چورلکې د راپرځيدو لامل په الوتکه کې تخنيکي ستونزې وې او ددې هيڅ امکانات نشته چې دا به په نښه شوې وي .

دا د روان کال د جنورۍپه مياشت کې ددياله د ولايت په يوه اړونده سيمه کې د ورته امريکايي الوتکې له راپرځيدو وروسته ترگردو لويه پيښه ده .

خو په عراق کې د چورلکې د پرځيدو تر گردو لويه پيښه په ٢٠٠٥ کال وشوه هغه مهال چې له اردون سره پر پوله يوه چورلکه راولويده او ديرش تنه امريکايي سمندري سرتيري يې ووژل .

پوځي چارواکي وايي د چارشنبې سهار وختي دوه balck hawkډوله الوتکو په روان ماموريت کې د ونډې د اخيستلو لپاره الوتنې پيل کړې وې .

هغه الوتکه چې له منځه تلې ده ١٤ تنه په کې سپاره وو چې څلور يې د الوتکې عمله او پاتې کسان يې دمرستندويه ځواکونو سرتيري وو .

که څه هم د لومړنيو راپورونو له مخې دغه پيښه د تخنيکي ستونزو له امله رامنځته شوې ده خو له دې سره سره د امريکا پوځ وايي چې پلټنې يې پيل کړي دي .

تر اوسه لاڅرگنده نه ده چې الوتکه چيرته لويدلې ده خو د پيښې په اړه خپره شوې وينا وايي چې الوتکه په تکريت کې د نړيوالو ځواکونو شمالي مرکز ته روانه وه .

په بغداد کې د بي بي سي خبريال وايي چې د پنځه کلونو راهيسې د چورلکو د لويدولو پيښې ښيي چې دغه الوتکې د امريکايي ځواکونو ډيره اړتياپوره کوي او دا چې دغه الوتکې ډيرې د باور وړ نه دي .