Turkiya ta bayyana ƴan wasan da za su buga gasar kofin duniya, Gasar kofin duniya
Kocin Turkiyya, Vincenzo Montella, ya sanar da jerin ƴan wasan da za su buga gasar Kofin Duniya, inda ya zaɓi ƙwararrun ƴan wasa kamar Hakan Çalhanoğlu da Arda Güler da Kerem Aktürkoğlu da Barış Alper Yılmaz domin jagorantar tawagar.
An cire ɗan wasan tsakiya na Sporting Braga, Demir Ege Tıknaz, yayin da Montella ya mayar da hankali kan Kaan Ayhan na Galatasaray da Salih Özcan na Borussia Dortmund.
A ɓangaren kai hari, an cire Aral Şimşir, wanda ya lashe ƙyautar gwarzon ɗan wasa a gasar Denmark, amma an saka İrfan Can Kahveci cikin tawagar.
Turkiyya tana cikin Rukuni na huɗu a gasar Kofin Duniya, kuma za ta fara wasa da Australia, sannan ta kara da Paraguay da kuma Amurka, wadda ke ɗaya daga cikin masu karɓar bakuncin gasar.
Jerin ƴan wasan tawagar Turkiya da za ta buga kofin duniya:
Masu tsaron raga: Altay Bayindir (Manchester United), Mert Gunok (Fenerbahce), Ugurcan Cakir (Galatasaray)
Masu tsare baya: Abdulkerim Bardakci (Galatasaray), Caglar Soyuncu (Fenerbahce), Eren Elmali (Galatasaray), Ferdi Kadioglu (Brighton & Hove Albion), Merih Demiral (Al-Ahli Saudi), Mert Muldur (Fenerbahce), Ozan Kabak (TSG 1899 Hoffenheim), Samet Akaydin (Caykur Rizespor), Zeki Celik (AS Roma)
Masu buga tsakiya: Hakan Calhanoglu (Inter Milan), Ismail Yuksek (Fenerbahce), Kaan Ayhan (Galatasaray), Orkun Kokcu (Besiktas), Salih Ozcan (Borussia Dortmund)
Masu cin ƙwallaye: Arda Guler (Real Madrid), Baris Alper Yilmaz (Galatasaray), Can Uzun (Eintracht Frankfurt), Deniz Gul (Porto), Irfan Can Kahveci (Kasimpasa), Kenan Yildiz (Juventus), Kerem Akturkoglu (Fenerbahce), Oguz Aydin (Fenerbahce), Yunus Akgun (Galatasaray)