IKIBIRIRAHO, Venezuela: Abahungu babiri ni bamwe mu bantu 33 batabawe bakurwa mu byashenywe n'imitingito

Amakuru y'ikibiriraho

Didier Bikorimana na Latifa Mutesi

1. Iminota 31 irahezeAmerika ivuga ko yumvikanye na Iran guhagarika imirwano nyuma yo kurasana – ni ko amakuru avuga

   Amerika na Iran byumvikanye guhagarika imirwano nyuma yuko impande zombi zari zimaze iminsi micye zirasana, nkuko amakuru yo mu bitangazamakuru byo muri Amerika abivuga, asubiramo amagambo y'umutegetsi wo muri Amerika.

   Ibi bibaye nyuma y’ibitero byagiye bibera mu muhora wa Hormuz no mu nkengero zawo, aho impande zombi zageze aho zishinjanya kurenga ku masezerano yo guhagarika imirwano.

   Uwo mutegetsi yabwiye igitangazamakuru CBS News, gikorana na BBC muri Amerika, ko ubu amato azongera kunyura muri uwo muhora "mu bwisanzure", anongeraho ko ibiganiro byasubukuwe bigamije guhagarika intambara burundu bizakomeza.

   Iran ntiragira icyo itangaza ku makuru avuga ko yemeye guhagarika ibitero muri uwo muhora.

   Ku itariki ya 17 Kamena (6), Amerika na Iran byashyize umukono ku masezerano y’ubwumvikane (MoU) agizwe n’ingingo 14, harimo n’iyo “guhagarika ibikorwa bya gisirikare aka kanya kandi burundu ku mpande zose”.

   Muri ayo masezerano, Iran yemeye gukora ibishoboka byose kugira ngo amato y’ubucuruzi ahanyure atekanye nta kiguzi gisabwa mu gihe cy’iminsi 60.

   Ariko ayo masezerano yo guhagarika imirwano, yashyizweho umukono mu byumweru bitageze kuri bibiri bishize, yatangiye guhungabana mu minsi ishize kubera ibitero byongeye kugabwa n’impande zombi.

   Ayandi makuru yacu mushobora kuyakurikira kuri YouTube kuri BBC News Gahuza

   Umuhora wa Hormuz: Byagenda bite Iran iramutse ifunze neza neza iyi nzira y'ibitoro bigera ku isi?

   Kuva ku iyicwa rya Khamenei kugeza ku iterabwoba rya Trump ryo 'gusenya Iran': Ibintu 10 by'ingenzi byabaye mu minsi 100 ya mbere y'intambara

   Igisirikare ca Irani casubiye kwugara Umuhora wa Hormuz – ibinyamakuru vya reta

2. Haciye isaha 1OMS ivuga ko impfu 1,300 i Burayi zifitanye isano n'ubushyuhe bukabije

   Ubushyuhe bukabije ku kigero kitari cyarigeze kibaho i Burayi muri iyi ntangiriro y'igihe cy'impeshyi bushobora kuba bwarateye impfu z’abantu amagana z'inyongera (zitari zitezwe), nkuko byatangajwe n’umukuru w’ishami ry’Umuryango w’Abibumbye ryita ku buzima (OMS).

   Ku cyumweru, ibipimo by’ubushyuhe byongeye kurenga ibindi byose byari bisanzwe mu bihugu byo ku mugabane w’Uburayi, birimo Ubudage, Pologne na Repubulika ya Tchèque.

   Ni mu gihe kandi ubu bushyuhe bukabije bwakomeje kwerekeza mu bindi bice byo mu burasirazuba bw'Uburayi.

   Mu butumwa yatangaje ku rubuga rwa X, umukuru wa OMS, Tedros Adhanom Ghebreyesus, yavuze ko kuva ku wa 21 Kamena(6), abantu barenga 1,300 b'inyongera (batari bateganyijwe) bapfuye, aho izi mpfu "zifitanye isano n’ubushyuhe bukabije i Burayi".

   Yagize ati: "Ubushyuhe bukabije bukunda kwitwa 'umwicanyi wa bucece' - kandi ingo z'i Burayi, aho gukorera n’amashuri ntibyubatswe mu buryo bwo guhangana n'ubu bushyuhe."

   Ku cyumweru mu gitondo, minisiteri y’ubuzima y’Ubufaransa yatangaje ko kuva ku wa gatatu habonetse impfu zigera ku 1,000 zirenze izari ziteganyijwe muri icyo gihugu.

   Iyi minisiteri yavuze ko benshi muri abo bapfuye b'inyongera (batari bitezwe) ari abageze ku myaka 65 kuzamura, nyuma yo kubona ko umubare w’abapfira mu ngo wiyongereyeho 40%.

   Ayandi makuru yacu mushobora kuyakurikira kuri YouTube kuri BBC News Gahuza

   Ubushyuhe bukabije bwibasiye ibihugu byinshi ku isi

   Ubushyuhe budasanzwe bwugarije Uburayi, buca undi muhigo w'ukwezi kwa gatandatu

   Isi yakora iki igihe cy'ubushyuhe bukabije 'heatwaves'?

3. Haciye amasaha 2Umutoza w'ikipe y'igihugu ya Koreya y'Epfo yeguye mu gihe Perezida yategetse iperereza ku gutsindwa kwayo mu gikombe cy'isi

   Hong Myung-bo yeguye ku mwanya w’umutoza w’ikipe y’igihugu y’umupira w’amaguru y’abagabo ya Koreya y’Epfo nyuma yuko inaniwe gukomeza mu cyiciro cyo gukuranamo mu mikino y’igikombe cy’isi.

   Iyo kipe yari yizeye ko yashoboraga gukomeza mu cyiciro gikurikiyeho cy’iryo rushanwa nk’imwe mu makipe ya gatatu meza ariko icyo cyizere cyayoyotse ku wa gatandatu.

   Uko gusezererwa hakiri kare kwatumye iyo kipe inengwa na benshi muri Koreya y’Epfo, mu gihe Perezida w'icyo gihugu Lee Jae-myung yasabye ko hakorwa iperereza ku mpamvu zatumye iyo kipe yitwara nabi.

   Hong yasabye imbabazi abafana ku cyumweru ndetse avuga ko ari we wenyine nk’umutoza mukuru ukwiye kubazwa uko kwitwara nabi kw’iyo kipe.

   Koreya y’Epfo, yari iyobowe n’umukinnyi uzwi cyane Son Heung-min, yatsinzwe imikino ibiri, itsinda umwe, mu gikombe cy’isi, irangiza mu itsinda iri inyuma ya Mexique n’Afurika y’Epfo.

   Ukenga iyo kipe kwiyongereye byihuse nyuma y’umukino wa nyuma wayo wayihuje n’Afurika y’Epfo ku wa kane ushize, ubwo Afurika y’Epfo yayitsindaga igitego 1-0.

   Izindi nkuru wasoma:

   Ayandi makuru yacu mushobora kuyakurikira kuri YouTube kuri BBC News Gahuza

   Kubera iki abagore bo muri Koreya y'Epfo bahitamwo kutavyara?

   Koreya y'Epfo: Perezida Yoon yahagaritswe ku mirimo nyuma yo kweguzwa n'abadepite

4. Haciye amasaha 3Venezuela: Abahungu babiri ni bamwe mu bantu 33 batabawe bakurwa mu byashenywe n'imitingito

   Izindi nkuru z’ibitangaza z’abatabawe muri Venezuela ku cyumweru zamenyekanye, nyuma y’iminsi imitingito ibiri ikomeye ishegeshe icyo gihugu.

   Perezida w’agateganyo Delcy Rodríguez yavuze ko mu mpera y’icyumweru gishize abantu 33 bakuwe ari bazima mu byashenywe n’imitingito.

   Muri bo harimo abahungu babiri, buri umwe w’imyaka 11, batabawe ku cyumweru bakuwe ahantu hatandukanye mu nyubako zahirimye, hagacamo amasaha hagati y’igikorwa kimwe n’ikindi cy’ubutabazi.

   Ariko abantu babarirwa mu bihumbi za mirongo baracyaburiwe irengero, mu gihe icyizere cyuko hari abandi barokotse baboneka kirimo kugenda kiyoyoka buri uko isaha ishize.

   Imiryango itanga imfashanyo ivuga ko amasaha ya mbere ari hagati ya 48 na 72 yakurikiye ibyo byago yari ingenzi cyane mu gutahura abakiri bazima. Benewabo b’ababuriwe irengero bagiye kumara ijoro rya gatanu bategereje amakuru y’ababo.

   Kugeza ku cyumweru, abantu nibura 1,450 bari bamaze kwemezwa ko bapfiriye mu cyo Rodríguez yise “amakuba kamere ya mbere akaze cyane” abayeho mu mateka ya Venezuela.

   Iyo mitingito yo ku bipimo bya 7.2 na 7.5 yatigishije Venezuela ku wa gatatu ushize, itandukanyijwe n’amasegonda 39 hagati y’umutingito umwe n’undi, ituma inyubako hafi 800 zihirima, abantu benshi zirabatsikamira.

   Imiryango yihebye ikomeje gucukura mu byasenyutse – rimwe na rimwe ikoresheje intoki – mu kugerageza kureba ko yabona abayo.

   Izindi nkuru wasoma:

   Ayandi makuru yacu mushobora kuyakurikira kuri YouTube kuri BBC News Gahuza

   Amerika na Venezuela bemeranyije gusubukura umubano wa dipolomasi nyuma y'ifatwa rya Maduro

   Menya bano bakuru b'ibihugu bine bamaze gufatwa na Reta Zunze Ubumwe za Amerika

   'Ndarengana…Ndacyari Perezida wa Venezuela' – Amagambo ya Maduro mu rukiko

5. Haciye amasaha 3Mwaramutse neza!

   Ikaze kuri BBC Gahuzamiryango, aho tubagezaho amakuru yo mu karere no mu mahanga mu buryo bw'aka kanya.