IKIBIRIRAHO, Uganda yafunze umupaka wayo na DR Congo mu gukumira Ebola

Amakuru y'ikibiriraho

Didier Bikorimana, Dinah Gahamanyi na Gildas Yihundimpundu

1. Iminota 9 irahezeIvy'akakanya, Croix-Rouge: Abanyeshuri batari munsi ya 16 bemejwe ko bapfuye nyuma y'inkongi y'umuriro muri Kenya

   Abanyeshuri batari munsi ya 16 bemejwe ko bapfuye nyuma y'inkongi y'umuriro yibasiye ishuri ryisumbuye ry'abakobwa rya Utumishi Girls Academy i Gilgil, mu karere ka Nakuru, mu burengerazuba bwa Kenya, mu ijoro ryo ku wa gatatu rishyira kuri uyu wa kane.

   Polisi ivuga ko abandi banyeshuri 74 barimo kuvurirwa mu bitaro nyuma yo gukomerekera muri iyo nkongi.

   Uyu muriro wadutse ahagana saa saba za nijoro ku isaha yo muri icyo gihugu (1:00), ni ukuvuga ahagana saa sita z’ijoro ku isaha yo mu Rwanda no mu Burundi, utwika inzu bararamo yitwa Meline Waithera Block, yari icumbikiye abanyeshuri bagera kuri 220, barimo abanyeshuri bo mu mwaka wa 10, uwa gatatu n'uwa kane.

   Raporo ya polisi igaragaza ko umuyobozi w'ishuri yabimenyesheje abategetsi ahagana saa kumi n’igice za mu gitondo (4:30), bituma habaho ubutabazi bwihuse.

   Umuryango mpuzamahanga utabara imbabare wa Croix-Rouge, ishami ryawo ryo muri Kenya, watangaje ko ibi byabaye byari byamenyekanye mbere ahagana saa cyenda n’igice za mu gitondo (3:30) kuri uyu wa kane.

2. Iminota 26 irahezeReba: Abashinzwe umutekano muri Kenya bahamagara ababyeyi kwinjira mu kigo cy'ishuri ahabaye inkongi y'umuriro

   Izindi nkuru wasoma:

   Kenya: Polisi ivuga ko abanyeshuri nibura 17 bishwe n'umuriro ku ishuri ribanza

   Kenya: Abacungera Perezida Ruto bakuwe inyuma y'aho hari uwabaciye mu ryahumye akamushikira

   'Mfite ibitsina gore bibiri, wenda nzahura n'Umusamariya mwiza ushobora kumva ikibazo cyanjye'

3. Iminota 42 irahezeIvy'akakanya, Kenya: Croix-Rouge ivuga ko ifite impungenge ko abanyeshuri benshi bapfiriye mu nkongi yadutse ku icumbi ryabo

   

   Ahavuye isanamu, Robert Maina

   Umuryango wa utabara imbabare wa Croix-Rouge(Red Cross) muri Kenya uvuga ko wageze aho inkongi y'umuriro yatwitse inzu yo kuraramo y’abanyeshuri b’abakobwa i Gilgil, mu karereka Nakuru, aho uvuga ko ufite impungenge ko hari abanyeshuri benshi bapfuye.

   Croix-Rouge ivuga ko iyo nkongiy'umuriro yatangiye ahagana saa cyenda n'igice z'ijoro ku wa kane.

   Mu itangazo ryayo, Croix-Rouge yavuze ko abatabazi bayo ba mbere, itsinda ry'imbangukiragutabaran’inzoberemu bujyanama mu by'ubuzima bwo mu mutwe bahageze, bakaba barimo gufasha abanyeshuri bagizweho ingaruka n'ibyabaye ndetse ko hari n'abandi bakozi bo mu nzego zibishinzwe.

   Ibikorwa byo gutabara no gusuzuma ibyabaye biracyakomeje mu gihe hagikorwa iperereza ku cyateye inkongi.

   Umuyobozi wa polisi mu karere ka Rift Valley, Samuel Ndanyi, yavuze ko abanyeshuri nibura icumi bataramenyekana aho baherereye.

   Yagize ati: “Amatsinda yacu ari aho hantu kugira ngo akusanye amakuru menshi kandi amenye abanyeshuri bose nk'igice cy'iperereza kuri iki kibazo. Hari abapfuye kandi ni ngombwa ko imiryango ibanza kumenyeshwa.”

   Ababyeyibiraye mu marembo y'ishuri nyuma y'uko inkuru y'ibyabaye ikwirakwiriye i Gilgil n'uturere tuyikikije, aho polisi yabujije abanyeshuri benshi kwinjira mu ishuri ndetse yemerera ababyeyi gusa kwinjira mu ishuri, mu gihe ibikorwa byo gutabara bigikomeje.

   Abanyeshuri bakomeretse bajyanywe mu bitaro byitiriwe Mutagatifu Yozefu birii Gilgil aho barimo kuvurirwa.

   Izindi nkuru wasoma:

   Kenya: Polisi ivuga ko abanyeshuri nibura 17 bishwe n'umuriro ku ishuri ribanza

   Kenya: Abacungera Perezida Ruto bakuwe inyuma y'aho hari uwabaciye mu ryahumye akamushikira

   'Mfite ibitsina gore bibiri, wenda nzahura n'Umusamariya mwiza ushobora kumva ikibazo cyanjye'

4. Haciye isaha 1Jill Biden avuga ko yatekereje ko umugabo we yari yaturitse udutsi tw'ubwonko mu kiganiro mpaka cyo mu 2024

   

   Ahavuye isanamu, Getty Images

   Jill Biden, umugore w’uwahoze ari Perezida w’Amerika Joe Biden, avuga ko yatekereje ko umugabo we yari arimo kugira ikibazo cy’iturika ry’udutsi two mu bwonko (stroke) ubwo yari mu kiganiro mpaka nk’umukandida perezida, yagaragajemo gushidikanya n’intege nkeya, cyo mu mwaka wa 2024.

   Jill Biden yabwiye igitangazamakuru CBS News, gikorana na BBC muri Amerika, ati: “Nagize ubwoba, kuko sinari narigeze na rimwe mbona Joe ameze kuriya mbere yaho cyangwa kuva kiriya gihe.”

   Yagize ati: “Sinzi uko byagenze.”

   “Ubwo nari ndimo kukireba, naribwiye nti, ‘Mana yanjye, arimo guturika udutsi two mu bwonko’. Kandi byanteye ubwoba byo gupfa.”

   Perezida Biden yocyejwe igitutu cyinshi na bagenzi be bo mu ishyaka ry’abademokarate kugira ngo ave mu byo kwiyamamaza nk’umukandida ubahagarariye, nyuma y’icyo kiganiro mpaka yitwayemo nabi, aho yari ahanganye na Donald Trump, icyo gihe wari umukandida w’abo mu ishyaka ry’abarepubulikani.

   Amaherezo Biden yavuye mu byo kwiyamamaza, nuko aharira umwanya we Kamala Harris, icyo gihe wari Visi Perezida.

   Icyo kiganiro Jill Biden yagiranye n’umunyamakuru Rita Braver utangaza ikiganiro cyitwa CBS News Sunday Morning, kizatangazwa ku cyumweru.

   Jill Biden yabaye iruhande rw’umugabo we mu gihe cyose cy’akazi ke ka politike yamazemo imyaka ibarirwa muri za mirongo, kuva igihe yari senateri uhagarariye leta ya Delaware kugeza abaye perezida.

   Uyu mugore yafatwaga ko yari umwe mu bajyanama bakomeye cyane b’umugabo we mu gihe yari perezida, ndetse ko yabaye n'umwe mu bagezeho bakamugirana inama yo kuva mu byo kwiyamamaza mu 2024.

   Izindi nkuru wasoma:

   Isesengura: Uko Biden yitwaye kudasobanutse mu kiganiro mpaka kwongereye ubwoba ku myaka ye

   US: Joe Biden yashigikiye Kamala Harris inyuma yo guhagarika kwiyamamaza

   Ikibazo cy'ukwemera: Joe Biden, ubunyagatolika no kuba Perezida

5. Haciye amasaha 2Amerika yagavye ibindi bitero mu duce tumwe tumwe twa Iran ku ncuro ya kabiri mu minsi itatu

   

   Ahavuye isanamu, US Navy via Getty Images

   Igisirikare ca Amerika cagavye ibindi bitero kuri Iran, vyatumberejwe ku kigo ca gisirikare giherereye i Bandar Abbas, igisagara co ku cambu gifise akamaro kanini.

   Bumwe mu buyobozi bw’ingabo za Amerika buzwi nka CENTCOM, bwavuze ko ingabo zabwo zarashe kandi zakoroye 'drone' zine za Iran zagenewe guturikira ku co zirashweko. Ubwo buyobozi busigura ko zari drone “zishobora guteza akaga mu karere k’umuhora wa Hormuz”.

   CENTCOM yavuze ko ico kibanza co muri Bandar Abbas carashwe igihe cagira gikoreshwe mu kurungika 'drone' ya gatanu. Ibinyamakuru vyo muri Iran vyatangaje ko humvikanye ibisasu mu buseruko bw’ico gisagara.

   Ivyo bitero bibaye mu gihe hari agahengwe k’intambara katifashe neza hagati ya Amerika na Iran, hamwe n’ibiganiro bimaze igihe kirekire bigamije guhagarika intambara imaze amezi atatu yatumye uruja n’uruza rw’amato mu muhora wa Hormuz ruhungabana, ibiciro vy’ibitoro na gaz na vyo biraduga cane.

   Ni ubwa kabiri mu minsi itatu Amerika iteye ibibanza biri muri Iran, ivuga ko ivyo bitero vyagabwe mu kwivuna umwansi.

   Kuba hasubiriye kwaduka imishamirano, bishobora guhungabanya ako gahengwe k’intambara. CENTCOM yasiguye ko ivyo yakoze vyari “bipimye neza, bigamije kwikingira gusa no kugumizaho agahengwe k’intambara”.

   CENTCOM yavuze kandi ko ivyo bitero vyari bigamije “gukingira abasirikare bacu ku ngorane zishobora guturuka ku ngabo za Iran”.

   Iran yiyamirije ivyo bitero ivuga ko ari "ihonyanga rikomeye cane ry'agahengwe" ndetse yasezeranije ko reta ya Iran itazoreka "igikorwa ico ari co cose c'intambara kitishuwe".

   Ku wa kabiri w’iyi ndwi, ishami ry’ingabo zidasanzwe zijejwe gukingira ubutegetsi bwa Kiislam muri Iran, ryitwa IRGC mu mfunyapfunyo y'Icongereza, ryavuze ko ryakoroye 'drone' ya Amerika, ryongera rirasa indege y’intambara hamwe n’iyindi 'drone' rivuga ko vyinjiye mu kirere ca Iran, ariko ntiryatomoye igihe ivyo vyabereye.

   Izindi nkuru wosoma:

   Amerika imaze gukataza ibingana gute muri Irani, kuva ku ndege z'intambara gushika ku madrone?

   FBI yashyizeho 200,000$ ku watanga amakuru yafatisha uyu mugore ivuga ko ari maneko wa Iran

   Ibintu bitandatu isi yamenye kuri Iran

6. Haciye amasaha 3Uganda yafunze umupaka wayo na DR Congo mu gukumira Ebola

   

   Ahavuye isanamu, AFP via Getty Images

   Abategetsi bo muri Uganda baraye batangaje ko bafunze by’agateganyo ingendo zinyura ku mupaka wayo na Repubulika ya Demokarasi ya Congo (DRC) mu rwego rwo gukumira ikwirakwira ry’ikiza cya Ebola.

   Abategetsi b’ubuvuzi muri Uganda bavuga ko bafashe icyo cyemezo nyuma y’icyo bise “ibyago biri hejuru cyane” by’ubwandu bwa Ebola bunyuze ku mupaka ibihugu byombi bisangiye kubera icyo kiza kiri muri DRC, nubwo muri Uganda na ho cyamaze kuhagaragara.

   Umugaba mukuru w’ingabo za Uganda Jenerali (Gen) Muhoozi Kainerugaba, akaba n’umuhungu wa Perezida Yoweri Museveni, yatangaje ku rubuga nkoranyambaga rwa X ko ingabo zirimo kudadira umupaka icyo gihugu gihana na DRC “kugeza hatanzwe andi mabwiriza”.

   Gen Muhoozi yaburiye ko “kugerageza kurenga kuri iri tegeko bizashyira ubuzima bwawe mu kaga”.

   Nta cyo leta ya DRC yahise itangaza ku mugaragaro ku ifungwa ry’uyu mupaka ihana na Uganda.

   Ifungwa ryawo ryahise ritangira gukurikizwa ndetse rireba ingendo zose z’abagenzi hagati y’ibihugu byombi.

   Ariko bicye by’ingenzi cyane bizakomeza kwemererwa kwambuka umupaka mu buryo bwitondewe cyane. Abo barimo nk’amatsinda y’abahanganye na Ebola, abakora ibikorwa by’ubutabazi, ibiribwa n’abashoferi batwara imizigo, hamwe n’abashinzwe umutekano.

   Abategetsi muri Uganda bavuga ko abantu bose bazemerwa kwinjira bazategekwa kubanza gupimwa Ebola, bakuzuza inyandiko zigaragaza aho bazaba baherereye ndetse bakemera gukurikiza uburyo bwo kubagenzura mu bice byagenwe byo kwinjiriramo.

   Izindi nkuru wasoma:

   Ebola: Iby'ingenzi wamenya kuri iyi ndwara yica iri muri DRC na Uganda OMS yavuze ko iteje inkeke ku isi

   'Byari bimeze nka filime'- Umugabo yagarutse mu rugo ari muzima nyuma y'uko abe bari bamaze 'kumushyingura'

   Uganda: Inguge ziri mu 'ntambara ikaze hagati yazo', ni ko abashakashatsi bavuga

7. Haciye amasaha 3Mwaramutse neza!

   Ikaze kuri BBC Gahuzamiryango, aho tubagezaho amakuru yo mu karere no mu mahanga mu buryo bw'aka kanya.