Hailey Baldwin na Justin Bieber basa nk'abamaze kwemeza ko babana nk'abashakanye

Inyandiko gusa
Hailey, umunyamidelikazi w'imyaka 21 y'amavuko, na Bieber, icyamamare mu njyana y'umuziki wa pop, bari batangajwe mu kwezi kwa cyenda uyu mwaka ko bashakanye mu ibanga

Ahavuye isanamu, Getty Images

Insiguro y'isanamu, Hailey, umunyamidelikazi w'imyaka 21 y'amavuko, na Bieber, icyamamare mu njyana y'umuziki wa pop, bari batangajwe mu kwezi kwa cyenda uyu mwaka ko bashakanye mu ibanga
Igihe co gusoma: iminota 1

Hailey Baldwin yagaragaye nk'uwemeza ko we na Justin Bieber bamaze gushakana - abikora ahindura izina rye ku rubuga nkoranyambaga rwa Instagram yiyita Hailey Bieber.

Justin na we yatangaje ifoto yabo bombi iherekejwe n'amagambo ayisobanura agira ati: "Umugore wanjye ni mwiza bihebuje".

Hailey, umunyamidelikazi w'imyaka 21 y'amavuko, na Bieber, icyamamare mu njyana y'umuziki wa pop, bari batangajwe mu kwezi kwa cyenda uyu mwaka ko bashakanye mu ibanga.

Hailey, ufite abamukurikira kuri Instagram barenga miliyoni 15, yahinduye izina akoreshaho n'incamake y'umwirondoro we.

Tambuka Instagram ubutumwa
Uremeye ibiri kuri Instagram?

Iyi nkuru irimwo ivyatanzwe na Instagram. Dukeneye uruhusha rwawe imbere yuko bigushikira, kuko birashobora kuba bikoresha cookies hamwe n'ubundi buhinga. Wobanza ugasoma aha Instagram amategeko agenga cookien'ayagenga ubuzima bwite imbere yuko wemera. Kugira ubibone hitamwo 'emera hanyuma ubandanye'.

Uragaba: Ibitangwa n'izindi mbuga bishobora kubamwo gutangaza

Impera ya Instagram ubutumwa

Hari hakomeje kumvikana ibihuha ko aba bombi bashakanye bari i New York mu mezi abiri ashize, ariko icyo gihe Hailey yarabihakanye.

We na Justin w'imyaka 24 y'amavuko, mu kwezi kwa karindwi bari batangaje ko bemeranyijwe kuzabana nk'abashakanye. Icyo gihe, Justin yanditse kuri Instargram agira ati: "Hailey nkunda cyaneeee buri kintu cyose kijyanye nawe!"

"Niyemeje cyane kuzamara ubuzima bwanjye menya buri gice cyawe cyose ngukundana ukwihangana n'umutima mwiza.

"Umutima wanjye URUZUYE NEZA kandi NI UWAWE WOSE kandi ITEKA nzagushyira imbere y'ibindi!

Skip Ibisomwa cane and continue reading
Ibisomwa cane

End of Ibisomwa cane

"Ni wowe rukundo rw'ubuzima bwanjye Hailey Baldwin kandi sinakwifuza kububanamo n'undi uwo ari we wese."

Mu kwezi kwa cyenda, Justin yahagaze ku iriba ryo ku ngoro ya Buckingham mu Bwongereza, aririmbira indirimbo Hailey ubwo bari mu rugendo i London

Ahavuye isanamu, Getty Images

Insiguro y'isanamu, Mu kwezi kwa cyenda, Justin yahagaze ku iriba ryo ku ngoro ya Buckingham mu Bwongereza, aririmbira indirimbo Hailey ubwo bari mu rugendo i London

Justin afite abamukurikira kuri Instagram miliyoni 102, mu gihe Hailey we ahakurikirwa n'abarenga miliyoni 15.

Ikinyamakuru TMZ gitangaza ko Hailey yamaze gutanga ubusabe bwo gukoresha by'umwihariko izina rye rishya kugira ngo arikoreshe ku bicuruzwa kandi abuze n'undi muntu uwo ari we wese kuba yarikoresha.

Hailey yagaragaye i New York ku wa kane nijoro yambaye izina Bieber ryanditse mu mugongo w'ikoti ry'ijaketi ryo mu bwoko bwa denim, mu gikorwa cyari cyateguwe na kompanyi ikora imyenda ya Levi's.