Archifau 6 Ionawr 2010

Blwyddyn newydd dda! Fy adduned blwyddyn newydd? Blogio'n amlach. Er, wi wastad yn ffindo hwn yn anodd. Se chi'n meddwl 'se arch-falwr fel fi yn ffindo fe'n hawdd,ond os oes un peth sy'n garantid i neud i fy meddwl gymylu, y geiriau 'sgwenna blog' yw hynny.

Fi'n cofio unwaith eistedd mewn stafell llawn comediwyr, y 5 ohonom yn gweithio ar rhaglen sgetsus, y syniadau yn byrlymu, y sgript yn llifo. Daeth dynes mewn i'r stafell, a gofyn i ni arwyddo carden ffarwel ar gyfer aelod o staff oedd yn gadael y cwmni, ac efallai gadael neges bach difyr arni. Oni'n styc am oriau, a'r cyfan lwyddon ni neud oedd gag llipa tu hwnt am y ffaith fod modd odli 'pob lwc' gyda gair amheus.



Ond, wi wedi bod yn meddwl am be i weud yn y blog 'ma, a ma'r ateb yn syml ! Bob wythnos, fel y chi'n gwbod, ma gan C2 thema gerddorol. A hwnna fydd thema fy mlog wythnosol. Y tro 'ma, y thema yw amser. Yn anffodus, sdim amser 'da fi i drafod y peth ymhellach, achos rhaid i mi baratoi ar gyfer sioe heno . Fy ngwestai arbennig yw Ywain Gwynedd, gynt o Frizbee (ma hwnna'n sowndio'n rwd 'fyd). Pidwch poeni os na fedrwch chi aros lan yn hwyr i wrando, gewch chi wrando ar y sioe unrhwybryd chi moen am yr wythnos nesa ar yr Iplayer. Chi'n gweld, ma modd teithio nôl a mlaen trwy amser gyda c2!

hwyl am y tro, a chofiwch, amser a ddengys y mengys.

Jogel.

Dan

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Blwyddyn newydd dda pawb, mae 2010 yma, felly mae'n amser ar gyfer addunedau blwyddyn newydd. Yn gyntaf - mae rhaid i mi fod yn fwy trefnus felly dwi wedi prynu geiriadur a bob bore rwy'n ei ddarllen - wow mae rhaid i mi gofio ei ddarllen cyn mynd i'r gwely heno.

Adduned arall ydi ceisio cael corff fel Alex Reid neu Bari Goliath o'r Gladiators - 'dio ddim yn mynd i ddigwydd nachdi?! Ond mi gefais 'spikes' rhedeg fel anrheg Nadolig sydd yn fy rhoi ar y trywydd iawn.

Sôn am Alex Reid, mae o yn un o'r 11 ymgeisydd yng nghystadleuaeth Celebrity Big Brother ,sydd am fy niddori am y 27 diwrnod nesaf.

Mae'r themâu 'uffern' yn wych, ar tŷ yn isel ac yn gul. Y seren mwyaf adnabyddus yw'r actor a chyn bêl-droediwr Vinnie Jones, sy'n gwneud i mi gwestiynu pam ei fod o yno?

Yn fy marn i, mae pawb arall bron yn 'Has-been' fel Sisqo, Lady Sovereign, Dane Bowers ar actores Stephanie Beecham. Hefyd yn eu mysg mae merch o'r enw Katia cyn-gariad Ronnie Woods - ydi hyn yn gwneud ti'n seleb? Na, er hyn mae'r ferch yn gwneud i mi chwerthin, ond fydd rhaid iddi wneud rhywbeth mawr i ddenu sylw'r gynulleidfa oherwydd does neb yn hoff o rhywun sy'n achosi tor- priodas.

Cofiwch mae'r Big Brother olaf eleni, a mi fyddaf yn helpu'r cynhyrchwyr i ddewis cymeriadau gwyllt a gwirion i gymryd rhan. Felly, os ydych chi awydd ymddangos yn BB11, dewch lawr i'r CIA yng Nghaerdydd ar y 22ain.

Dyna ni am rwan, edrych ymlaen i wneud y rhaglen heno gyda Magi Dodd. Hwyl am y tro.

Glyn xx

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?