Earrann leughaidh - an sgeulachd aig Màiri Anna
Ann an 1923 dh'fhàg an SS Marloch agus an SS Metagama na h-Eileanan an Iar airson a dhol a Chanada le faisg air 600 eilthireach air bòrd.
Tha am monolog, ann an riochd dràma, air a bheil earrann leughaidhan stòiridh aig Màiri Anna stèidhichte, air aon de shreath a chaidh a bhrosnachadh leis na stòiridhean aig cuid dhe na daoine seo.
Dreach luath
Ìomhaigheachd agus taghadh-facail
Anns an earrainn seo tha cothrom:
- eòlas a chur air sgilean sgrìobhaidh Nuair a bhios sgrìobhadair a' tarraing dealbh le facail gus an leughadair a chuideachadh ann a bhith a' dèanamh dealbh dhen chuspair nan inntinn. agus Faclan sònraichte a thaghas sgrìobhadair airson buaidh a thoirt air an leughadair.
- sgrùdadh a dhèanamh air mar a chleachd an sgrìobhadair na sgilean seo gu soirbheachail
- bhidio fhaicinn de an sgeulachd aig Màiri Anna agus tar-sgrìobhadh a leughadh
Leugh agus coimhead air an sgeulachd aig Màiri Anna.
Leasaich do sgilean sgrùdaidh le bhith a' beachdachadh air mar a chleachd an sgrìobhadair ìomhaigheachd agus taghadh-facail anns an teacs seo.
Ionnsaich barrachd
'S e monolog a chaidh a sgrìobhadh airson prògram dràma a th' anns an earrann leughaidh seo.
Tha bhidio agus tar-sgrìobhadh den mhonolog air an duilleig mar thaic ann a bhith ga thuigsinn agus ga sgrùdadh. Cuimhnich ge-tà nach bi bhidio ann an earrainn leughaidh na deuchainn.
Faodar an dà chuid a' bhidio agus an tar-sgrìobhadh a chleachdadh airson na ceistean sgrùdaidh a fhreagairt, 's dòcha le bhith a' coimhead air a' bhidio an toiseach is an uair sin a' dèanamh dlùth-leughadh air an tar-sgrìobhadh.
Tha na ceistean a' cur fòcas air mar a chleachd an sgrìobhadair ìomhaigheachd agus taghadh-facail airson buaidh a thoirt air an neach-coimhid/an leughadair.
An sgeulachd aig Màiri Anna
Anns an earrainn seo, tha Màiri Anna a' bruidhinn air na trioblaidean a bh' aice fhèin agus an teaghlach aice nuair a ràinig iad Canada an toiseach.
Marloch is Metagama: Guthan – Màiri Anna.
Màiri Anna
Red Deer, Alberta, 1925
1 Thàinig mise null còmhla ri piuthar mo mhàthar 's an duine aice. Cha robh mo mhàthair airson 's gum falbhainn idir. "Cuidichidh mise leis a' chloinn", sin a thuirt mi. "Bidh feum aig ur piuthar air cuideachadh." Bha aice rim leigeil an uair sin.
2 Bha a' chlann dòigheil gu leòr air an t-soitheach, ge-tà, 's iad gun dragh fon ghrèin. Chan urrainn dhomh an aon rud a ràdh mun chòrr a bha a' siubhal, mi fhìn nam measg.
3 Bidh cuimhn' agam gu bràth air a' cheò throm a bha feitheamh oirnn nuair a ràinig sinn. Chaidh ar cur air trèana an uair sin maille ri ceudan eile.
4 Tha cuimhn' a'm gun robh gille beag gu math tinn nuair a ràinig sinn Red Deer. A' ghriùthrach tha mi smaointinn. Cha robh e gu math idir. Bha aig an t-sagart ri ola ro bhàs a thoirt dha, 's cha b' e rud furasta a bha sin dha mhàthair. Leig i sgreuch air am bi cuimhn' agam gu sìorraidh. Dh'fhàs an gille beag na b' fheàrr ge-tà. Dh'fhalbh an teaghlach ud mu bhliadhna air ais.
5 Agus 's beag an t-iongnadh. Nach ann oirnn a thàinig an dà latha a' chiad gheamhradh an seo ann an Red Deer. Bha sinn uile còmhla mar chrodh ann an seann toglaichean le ballachan tana, fiodha a chaidh a thogail airson nan Innseanach a bha seo romhainn.
6 Nuair a thàinig an reothadh, cha robh sinn deiseil air a shon. Aran cho cruaidh 's nach gabhadh ithe; uisge 's bainne nach gabhadh òl; connadh fiodha nach gabhadh a lasadh. Ò chan fhaca duine againn geamhradh coltach ris.
7 Bhiodh sinn a' dannsa 's a' seinn air an oidhche gus ar cumail fhèin blàth is beò.
8 Aig amannan bha mi cho fuar 's gun robh mi cinnteach gum faigheadh cuideigin lorg oirnn as t-earrach: marbh, còmhla. B' e àm gu math neònach a bh' ann. Nan robh sìon a dh'fhios air a bhith agam dè bha romhainn an seo, cha bhithinn air tighinn. Co-dhiù, tha mi seo, 's tha misneachd riatanach.
9 Chòrdadh e rium mo mhàthair fhaicinn a-rithist, ge-tà.
Ceistean air an earrainn
Leugh paragraf 3
Seall mar a tha an sgrìobhadair a' cleachdadh Nuair a bhios sgrìobhadair a' tarraing dealbh le facail gus an leughadair a chuideachadh ann a bhith a' dèanamh dealbh dhen chuspair nan inntinn. airson dealbh làidir a thoirt dhuinn air an t-suidheachadh a bha a' feitheamh air Màiri Anna.
"Bidh cuimhn' agam gu bràth air a' cheò throm a bha feitheamh oirnn nuair a ràinig sinn." - Ged a tha e coltach gun robh ceò ann ann an da-rìribh, tha seo cuideachd ag obair mar ìomhaigheachd oir dìreach mar a bhios ceò a' laighe agus a' falach rudan, bha agus an rud a bha a' feitheamh air Màiri Anna air a bhith air a chleith. Ann an dòigh b' e ro-shealladh a bh' anns a' cheò (rud trom is dorcha) a thaobh na bha romhpa.
Leugh paragraf 4
Tha Faclan sònraichte a thaghas sgrìobhadair airson buaidh a thoirt air an leughadair. air a chleachdadh sa pharagraf seo airson sealltainn mar a thug suidheachadh a' ghille thinn buaidh air Màiri Anna. Seall, le fianais, mar a chaidh seo a dhèanamh.
- "Leig i sgreuch" - tha am facal "sgreuch" gu math làidir ann a bhith a' cur an cèill cho uabhasach 's a bha an suidheachadh, is tha e follaiseach gun tug am fuaim sin buaidh mhòr air Màiri Anna.
- "gu sìorraidh." - Tha am facal "sìorraidh" a' toirt am follais gur e buaidh leantainneach, bhuan a thug an tachartas seo air Màiri Anna agus gur e cuimhne gu math làidir a th' aice air a' ghnothach.
Leugh paragraf 5
Seall mar a chaidh ìomhaigheachd agus taghadh-facail a chleachdadh gu soirbheachail sa pharagraf seo airson beachd a thoirt dhan leughadair air cruadal a' gheamhraidh.
- "Bha sinn uile còmhla mar chrodh" - ìomhaigheachd - tha A' dèanamh coimeas a' cleachdadh nam faclan 'mar' no 'cho … ri' airson ìomhaigh shoilleir a chruthachadh, me cho fallain ri fiadh. air a chleachdadh gu sgileil an seo. Coltach ri mar a bhios crodh air an cruinneachadh ann an àiteachan-còmhnaidh sa gheamhradh, bha agus Màiri Anna is càch dlùth ri chèile nan suidheachadh agus a' feuchainn ri tighinn beò san t-sìde fhuair.
- "ballachan tana, fiodha" - taghadh-facail - tha am facal "tana" a' cur an cèill togalach nach eil idir seasmhach no blàth, rud a bhiodh a' cur ris cho fuar agus mì-chofhurtail 's a bhiodh na daoine an seo.
Leugh paragrafan 6 agus 7
Tha cunntas làidir air a thoirt seachad sna paragrafan seo le taghadh-facail. Seall mar a rinn an sgrìobhadair seo.
- 'nach gabhadh… nach gabhadh… nach gabhadh' - tha A' cleachdadh an aon fhacail, abairt no beachd barrachd air aon turas airson buaidh a thoirt. na h-abairt "nach gabhadh" a' toirt seachad a' bheachd gun robh Màiri Anna ann an suidheachadh a bha fìor dhùbhlanach, is na daoine a' faireachdainn gun robh a h-uile rud bunaiteach a bha iad a' feuchainn ri dhèanamh a' dol nan aghaidh.
- "blàth is beò." - Chleachd an sgrìobhadair dà fhacal a tha goirid, sìmplidh, ach brìoghmhor gus an tuig an leughadair gur e nithean gu math bunaiteach ach riatanach ris an robh iad a' strì. Tha Feart fuaim; ath-aithris air na h-aon fhuaimean (consain mar as trice) agus mar as trice aig toiseach fhaclan. cuideachd air a chleachdadh an seo gus ar n-aire a tharraing gu na feartan bunaiteach seo - "blàth" agus "beò".
Feuch dè na dh'ionnsaich thu
Quiz
Ath-shùil air na dh'ionnsaich thu
Tha sgilean sgrìobhaidh ìomhaigheachd agus taghadh-facail air an cur gu feum leis an sgrìobhadair ann an sgeulachd Màiri Anna.
| Mìneachadh | Eisimpleir | |
|---|---|---|
| ìomhaigheachd | Nuair a bhios sgrìobhadair a' tarraing dealbh le facail gus an leughadair a chuideachadh ann a bhith a' dèanamh dealbh dhen chuspair nan inntinn. | "Bha sinn uile còmhla mar chrodh" |
| taghadh-facail | Faclan sònraichte a thaghas sgrìobhadair airson buaidh a thoirt air an leughadair. | "tha misneachd riatanach." |
More on Leughadh
Find out more by working through a topic
- count7 of 10
- count8 of 10
- count9 of 10
- count10 of 10
