Màiri NicÌomhair
Rugadh Màiri Ghreumach air a' Bhac, Leòdhas ann an 1868. Phòs i Dòmhnall MacÌomhair, Dòmhnall 'an Chuil, agus rinn iad an dachaigh aig 34, Am Bac. Bha seachdnar a theaghlach aca, ceathrar nighean agus triùir bhalach. Chaill iad an nighean bu shine agus a nighean a b' òige 's gun iad ach nan leanabain.
Rinn Màiri laoidhean eile a bharrachd air Och Ochan, a Rìgh, gur nì ro Iongantach Gràdh, agus tha cuimhne aig a h-ogha, Màiri NicÌomhair, air a màthair fhèin, Anna, a bhith gan seinn. Bha sin ro àm innealan-clàraidh agus le sin chan eil clàraidhean ann dhith.
Sgrìobh Màiri luinneagan eile agus, nuair a dh'fhalbh dithis mhac leatha nan eilthirich air a' bhàta ainmeil, a' Metagama, ann an 1923, tha e coltach gun do rinn i rannan dhaibhsan cuideachd.
Chaochail Màiri mu dheireadh na 1920an.
Tha sinn an comain ogha Mhàiri, Màiri NicÌomhair, ann an Tolastadh bho Thuath airson an fhiosrachaidh seo.
BBC iD
BBC iDStiùireadh a’ BhBC
Ceangalaichean BBC
Copyright © 2015 BBC.Chan eil uallach air a' BhBC airson na th' air làraich-lìn eile.
Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.
