Aarsenaal waancaatti dhiyaachuuf, West Haam ammoo Piriimer Liigii keessaa kufuu ooluuf taphatu.
Madda suuraa, Getty Images
Arsenaal goolii Liyaandiroo Tiroosaard lakkoofsiseen tokkoon West Haamiin mo'ateera.
Diraamaa ture.
West Haam daqiiqaa dhumaarratti goolii tokko lakkoofsisanii wal qixaatanii ture, garuu gooliin sun hirreen taphataa West Haam tokko morm David Raayyaa hidhee akka kubbaa hin qabnne waan godhee tureef haqameera.
Arsenaal waancaatti dhiyaateera.
Madda suuraa, Getty Images
Taphni murteessaa West Haam fi Arsenaal hanga boqonnaatti goolii malee tureera.
Arsenaal Been Waayit miidhamee waan ba'eef bakka Raayisiifi Lewiis Iskeeliin taphatan jijjiiruun Zubimendii galchee booda akka duraan jalqaban kubbaa to'achuu hin dandeenye.
West Haam ammoo tapha humna makate taphachaa jiru. Boqonnaa dura taphattoonni lama kaardii kelloon akeekkachiifamaniiru.
Boqonnaa booda waa jijjiiramaa?
Madda suuraa, Getty Images
Daqiiqaa 15 taphataniiru: West Haam 0 - 0 Arsenaal
Arsenaal kubbaa to'atanii taphachuurra darbanii yaalii gara 7 taasisaniiru.
Koornaallee lama argataniiru.
Tapha kana Arsenaal 3, West Haam 1 ta'ee xumurame jedhee tilmaameera ogeessi kubbaa miilaa.
Isin akkamiin tilmaamtu?
Madda suuraa, Getty Images
Arsenaal: Raayaa, Waayit, Saliibaa, Gabreel, Kaliyaafoorii, Liwiis Iskeelii, Raayis, Eezee, Saakaa, Tiroosaard fi Giyookresiin jalqaba.
Arsenaal waancaatti dhiyaachuuf, West Haam ammoo dirree ofirraatti Piliirimer Liigii keessaa kufuu ooluuf taphatu.
Maaltu eegama?
Peep Gaardiyoolaan akkas jechuun Sky Sport'tti dubbate.
Morkattoota dhugumaan jaboodha. Kubba dhaabbate, Kubba sarara darbee harkaan darbatan fi kaan irratti daqiiqaa jalqabaa baay'ee qoramne.
Keessumaa karaa bitaa boqonnaa dura karaa cinaa lamaniin boqonnaa boodas akka malee qoramne jedhe.
Jeremii Dookuun taphataa addaati. Boqonnaa booda sanduuqa isaanii keessa taphattoonni baay'een akka galan goone.
Isa dura akkas waan hin gooneef galchii dhabnee rakkanne jedhe.
Dookuun amma taphataa guutuu taheera. Waan fooyyessu qabaatus dandeettii addaa qabu sanaan hedduu nu gargaare.
Amma garuu dhimma tapha mo'achuu fi goolii galchuuti. Isan barbaada jedhe.
Arsenaal: Mee ilaalla, amma harka keenya keessa hin jiru. Hojii manaa keenya hojjenna. Everteen waliin sirriitti hojii keenya hin hojjenne. Hojii keenya hojjennee waan dhufu eeguudha jedhe.
Taphattoonni keenya warra harka kennan miti. Everteen irratti 3-1 ka'uun qixa xumurre. Gaafas boqonnaan booda goolii isaaniif kennine.
Kun kubba miilaati. Waan akkasii ni mudata. Garuu akkaataatti har'a deebii kennine jaaladheera jedhe.
Erliing Haalaand taphaan booda Sky Sport waliin turtii taasiseen akkas jedhe:
"Galchii 3-0 mo'achuun keenya waan gaariidha. Har'a kallattii isaanii kan eeggatan yaalii hedduu goone. Garuu baay'ee isaanii galchuu hin dandeenye.
Bireentiford haala gaariin ittisan. Garee cimaadha. Pirimer Liigii keessa taphni salphaa jedhamu hin jiru.
Kanaag mo'achuu keenyaan gammadeera jedhe Erliing Haalaand.
Galchii 26ffaa bara kanaa lakkoofsisuu ilaalchisee takka gadi bu'aa takka ol ka'aa turre. Gooliin 26 isa bara darbee waan caaluuf waan gaariidha jedhe.
Waa'ee torban dhufu Kiristaal Paalaas morkachuu ''ammaaf waa'ee tapha biraa yaadaa hin jiru'' jedhe.
Amma tapha kanaan dadhabeera kan jedhe Haalaand amma boqannee tapha itti aanuuf of qopheessudha jedhe.
Siitiin guyyoota 11 keessatti taphoota afur qaba. Kun taphattootaaf hedduu dadhabsiisaadha.
''Yoo Maan Siitiif taphatta tahe waa'ee waancaa mo'achuu yeroo hundumaa yaadda'' jedhe.
Maanchister Siitiin galchii Dookuu, Haalandii fi Omaar Maarmushiin 3-0 Bireentford mo'ate.
Siitiin qabxii sadii qofa osoo hin taane garaagarummaa galchiif akka isa gargaaruuf galchii sadiis argatee bahe.
Peep Gaardiyoolaan tapha kanatti gammadeera. Arsenaal ammoo qabxii 76, Maanchister Siitiin qabxii 74'n itti aana.
Arsenaal amma baay'ina galchii tokko qofa Maan Siitii caala.
GErliing Haalaand galchii lammaffaa Maan Siitiif lakkoofsise.
Galchiin kun Peep Gaardiyoolaa irraa dhiphina guddaa salphise.
Amma daqiiqaa 10 hafe keessatti Maan Siitiin qabxii isaa yoo egsifate qabxii sadii qofa osoo hin taane baay'ina galchii qulqulluu lamas argatee bahe.
Arsenaaliin qabxii lamaan caalama. Waancaa kan murteessu garuu Arsenaalidha.
Amma waan hunduu harka Siitii keessa hin jiru. Carraa kufaatii Arsenaal eeggachuu yoo tahe malee.
Jeremii Dookuun galchii jalqabaa lakkoofsise. Peep Gaardiyoolaan Rayan Cherkii fi Raayindersi jijjiiree akkuma galcheen Dookuun goolii lakkoofsise.
Bireentfoord carraa galchii gaarii argatanii itti hin fayyadamne.
Maanchister Siitiin tapha kana yoo mo'ate qabxii lamaan caalamee Arsenaaliin faana dhaha.
Erga Everteen waliin qixa bahee Maan Siitiin har'as galchii malee jira.
Taphni Bireentfoord yeroo hedduu itti ulfaatus Maan Siitiin har'a qabxii gate jennaan Arsenaaliif gammachuu guddaadha.
Keet Andiriiw Toomaas Firaankiin bakka bu'ee hojii dansa hojjete.
Bireentfoord taphattoota akka Biriyaan Embuumoo, Wiisaa fi kaan dhabee ammayyuu Awurooppaa Liigii keessa galuuf dorgomaa jira.
Maan Siitiin har'a mo'amnaan Arsenaal haaluma salphaan waancaa fudhachuu danda'a.
Maanchister Yuunaayitid yaalii hedduu hin goone.
Sanderlaand caalmaa qabu. Bakka Kaazemiiroo Masan Maawont kan taphachiise Yuunaayitid qoramaa jira.
Biraayitan hirmaannaa Awurooppaa Liigii cimsataa jira. Wolvisiin 2-0 dursaa jira.
Fuulhamii fi Barnimooz galchii malee jiru. Kileboonni lameenuu taphataa tokko tokko kaardii diimaan dhabaniiru.
Taphni Maanchister Siitii Bireentfoord haalaan eegamaa jira.
Maanchister Yuunaayitid daqiiqota 15 jalqabaa Sanderlaandiin hedduu qoramaa jira.
Yaalii guddaa taasises hin qabu. Tapha humnaan guutamedha. Gama biraan Biraayitan Piriimer Liigii keessaa kufuu isaa kan mirkaneeffate Woolvisiin 2-0 dursaa jiru.
Taphni Barnimozii fi Fuulham galchii malee jira.
Hirmaannaa Shaampiyoonsi Liigii argachuu isaa kan mirkaneeffate Maanchister Yuunaayitid har'a tapha Sanderlaand waliin qabuuf taphattoota murteessoo akka Kaazemiiroo fi Seeskoo malee morkata.
Kaarik dursee Kaazemiiroon miidhamuu hin dubbanne. Seskoonis akkasuma garee har'aa kessatti hin hammatamne.
Jooshoyaa Zirkizee yeroo jalqabaaf carraa jalqaba hiriiroo Kaarik jalatti argate.
Amaad Diyaaloo, Zirkizee fi Kuunaan sarara duraa irra taphatu. Ittisa irra Lisaandiroo maartinez deebi'eera.
Sanderlaand ammoo hirmaannaa Awurooppaa Liigii argachuuf morkatu.
Peep Gaardiyoolaan tapha Bireentfoord dursee yaada miidiyaaleef kenneen akaks jedhe:
Barana leenjisaa sadaffaa jalatti leenji'aa kan jiru Cheelsiin walitti aansee erga mo'amee amma Liiverpuul waliin taphataa jira.
Lameenuu qixa 1-1 irra jiru. Kool Paalmerii fi Kuurtis Joonsi galchii lakkoofsisanii taphaan ala jedhamuun haqameera.
Liiverpuul Mohaammad Saalaa, Ekitiikee fi Wiirz miidhaman dhabeera.
Gaarnaachoo, Giitensii fi Peedroo Neetoo miidhamaan kan dhabe Cheelsiin Kukurellaa sarara duraa gama cinaan taphachiisaa jira.
Liiverpuul hirmaannaa Shaampiyoonsi Liigii bara dhufuu mirkaneeffataa jira.
Madda suuraa, Getty Images
Gidduu kana kan wal lolan taphattoonni Riyaal Maadirid, Vaalveerdee fi Shuumeniin koree naamusaa kilebichaan adabamaniiru.
Lameen isaanii paawondii miliyoona tokko adabaman. Vaalveedreen erga wal lolanii mataa isaarra miidhaan geenyaan hospitaalatti geeffameera.
Ergasii sababa Maadirid barana waancaa tokko malee hafee fi taphattoonni tokko tokko dandeettii isaanii guutuu kileba kanaaf hin kennineef aariinkoo daangaa darbeera jedhe.
Shuumeeniin ibsa baaseen maqaa kilebichaa balleessuu keenyaaf dhiifama jedheera.
Baarseloonaa waliin boru kan taphatu Riyaal Maadirid yoo mo'aman Baarseloonaan ija isaanii duratti shaampiyoona atahuu mirkaneessa.
Liiverpuul dirree isaa irratti Cheelsii keessummeessee galchii 1-0 osoo dursuu Cheelsiin galchii lakkoofsisuun wal qixxaatan.
Rayan Giraavenbarg Liiverppuliif galchii lakkoofsise. Cheelsiif ammoo kubba Eenzoo Fernaandez fageenyarraa rukute Fofanaan itti bu'uun lakkoofsise.
Liiverpuul hirmaannaa Shaampiyoonsi Liigii mirkaneeffachuuf taphicha mo'achuu barbaada.
Taphataan Maanchister Yuunaayitid Buruunoo Fernaandez erga bara 2020 kilebicha galee waancaa Piriimer Liigii ykn Shaampiyoonsi Liigii mo'achuutti dhiyaatee hin beeku.
Garuu gahumsi isaa bara dorgommii hundayyuu gadi bu'ee hin beeku. Erik teen Haag jalatti waancaa FA fi Karabayoo Kaappii mo'ateera.
Bara kana sadaffaan yoo xumuran sadarkaa gaarii erga inni kilbicha galee itti xumuranidha.
Erga Siir Aleeksi Fergusan bara 2013 soorama bahanii as taphaa cimaa kilebichi mallatteesise jedhame.
Fernaandez ji'a Onkoloolessaa keessa yeroo dubbate, ''waancaa baay'ee waan mo'ateef qofa taphataan tokko isa kaan hunda caala jedhee hin amanu. Taphataa badhaasa Ballon d'Or mo'ate yeroo hundaa taphattoota kaan hunda caalaa cimaadha jechuu miti'' jedhe.
''Waancaawan mo'achuu nan barbaada. Wantoota gaggaarii baay'ee kileba kana godheen yaadatamuun barbaada.Rikardii dhuunfaakoo osoo hin taane waancaa kileba kanaaf mo'achuun barbaada.''
Bara kana Fernaandez rikardii galchii mijeessanii kennuu Heenerii fi Keevin De Biruuniin qabame qixxaachuuf tokko qofatu isa hafe.
Dabalataan carraa taphataa cimaa bara kanaa tahee filamuu guddaa qaba.
Fernaandez taphattoota akka Deklaan Raayis fa'a caaluun badhaasicha mo'ate.
