An Nowodhow - the News in Cornish

Available for over a year

RECORDING 1: Chif kowethyans kowbal re ambosas gwellhe gonisyow karg dhe anedhysi enesow, wosa krodhvolansow a-dro dhe dhelivransow andhiogel ha fyllel. Anedhysi Enesow mes Syllan – Breghyek, Breyer, Enys Skaw hag Agenys – a veu govynnys a-dro dh’aga frederow a’n gonis. Yn lyther dhedha, pennweythresek Bagas Gorhel Tan Syllan, Stuart Reid y hanow, y leveris yth avowons rannow a’n gonis dhe godha a-lemmyn yn-dann waytyansow. Ev a lever y hwra an kowethyans ordena “para ragdres synsys, fogellys orth gwellhe gwrythyans oberyansek ha savonow gonis rag an enesow mes”. An lyther a leveris bos an kowethas synsys orth “henwel kawsys gwreydhek a dhelivransow kisys ha fyllys. An kowethyans a leveris ynwedh y konvedh les a dhyllo towlennow pan vo possybyl rag Lyonesse Lady – an gorhel hag a dheliver karg ynter an enesow. TRANSLATION: The boss of a ferry company has promised to improve freight services to island residents after complaints about deliveries being unreliable and going missing. Residents of the Isles of Scilly off-islands - St Martin's, Bryher, Tresco and St Agnes - were recently asked for their views on the service. In a letter to them, chief executive of Isles of Scilly Steamship Group, Stuart Reid, said that they accept that aspects of the service currently fell below expectations. He said the company would set up a "dedicated project team focused on improving operational performance and service standards for the off-islands". The letter said the company is committing to "identifying the root causes of damaged and missing deliveries. RECORDING 2: Ragdres nowydh a allsa gweres ow tegea an aswa yntra les drehevyans studhyoryon ha fowt a sleyneth y’n diwysyans, dell re leveris ledyer adhyskans pella.Moy es pymp milyon a beunsow re beu deklerys rag kolljiow y’n Soth West dhe arghasa steusow kreft ha kynsernethow, ryb tenewen a dhew gwalifians nowydh rag yonkers a hwetek bloodh gans edhom a skoodhyans GCSE moy. Chif gweythresek Bagas Kollji Kernow, Mark Wardle y hanow a leveris y fydh an arghasans devnydhys dhe ri dhe studhyoryon hedhas leuv dhe’n dhiwysyans, ha nag esa dhedha kyns, rag may tewissons kreft gwiw. Wardle a leveris kynth esa moy es peswar kans ha hanterkans a studhyoryon yn Kollji Kernow ow studhya drehevyans, yma hwath “fowt lymm yn kreftow oll”, yn arbennik a dredanoryon, plomoryon, oberoryon dor hag yn desin drehevyans. Ev a leveris bos an kollji owth oberi gans Konsel Kernow dhe gavos settyansow ha chonsyow rag arvethoryon dhe dhos oberi gans an studhyoryon. TRANSLATION A new scheme could help close the gap between students’ interest in construction and a skills shortage in the industry, a further education leader has said. More than £5m has been announced for colleges in the South West to fund new trade courses and apprenticeships, alongside two new qualifications for 16 year olds needing extra GCSE support. Executive principal of Cornwall College Group Mark Wardle said the funding would be used to give students hands-on access to the industry, which they have not had before, to allow them to pick the right trade. Wardle said while there were more than 450 students at Cornwall College studying construction, there was still an "acute shortage in all trades", especially in electricians, plumbers, ground workers and building design. RECORDING 3: Portrayans den a Gernow neb a veu ledhys hag ev ow kul ober sokor yn Ukrayn, a wra aperya yn diskwedhyans a oberennow gans artydh Essa. Chris Parry, eth bloodh warn ugens y oos, a verwis ryb tenewen bodhek aral Andrew Bagshow yn mis Genver 2023, hag i owth assaya sawya benyn dhyworth ranndir yn-dann danbelenna poos yn Ukrayn est. Hwedhel Parry a veu hwedhlys yn fylm dogvennek BBC gans pewas ‘Hell Jumper’. Louise Pasterfield, artydh selys yn Essa re lymnas moy es tri hans portrayans a dus nesys gans an bresel a-dhia woryskynnans Russi yn mis Hwevrer 2022. Yn-medh hi “yma dhe bub person a lymnav hanow ha hwedhel, ha my a vynn an hwedhlow na dhe vos gwelys ha perthys yn kov omma yn Kernow”. Diskwedhyans heb kost Pasterfield, Colour and Courage, yw synsys yn Eglos Sen Stefan, Essa yntra an ethves warn ugens hag unnegves warn ugens a vis Me. TRANSLATION A portrait of a Cornish man who was killed whist carrying out aid work in Ukraine will feature in an exhibition of works by a Saltash artist. Chris Parry, 28, from Truro, died alongside fellow volunteer Andrew Bagshaw in January 2023 as they tried to help evacuate a woman from an area of heavy bombardment in eastern Ukraine. Parry's story was told in the award-winning BBC documentary Hell Jumper. Louise Pasterfield, an artist based in Saltash, has painted nearly 300 portraits of people affected by the war since Russia's invasion in February 2022. "Every person I paint has a name and a story, and I want those stories to be seen and remembered. Chris Parry was one of ours, and his courage deserves to be honoured here in Cornwall. Photo: Weather Watcher/Views of Cornwall.