An Nowodhow - the News in Cornish

Available for 28 days

RECORDING 1: Skybus a dhileas y wonis Tewynblustri dhe Gatwick an seythen usi passyes drefen kost a geunysen dhe ynkressya. Y Ambos Gonis Poblek re beu towlennys dhe worfenna an unnegves warn ugens mis Me. Y leveris lewydh Chambour Kenwerth, Toby Parkins y hanow, “Gober an ayrborth a vydh yn-nans meur lowr. Yth esa brassa rann aga rent ow tos yn gwirioneth dhyworth an neyj pubdedhyek na.” Gonis Ryanair an vledhen oll dhe Loundres Stansted a wra pesya, ha mis Metheven EasyJet a wra lonchya gonis hav nowydh dhe Gatwick. Y leveris derivas dhyworth an ayrborth an chanj dhe wonisyow “a re effeyth” mes “na wra unn wonis styrya agan krefter arghansek termyn-hir.” TRANSLATION: Skybus cancelled its ongoing Newquay to Gatwick service last week due to the rising price of fuel. Its Public Service Obligation contract had been scheduled to end on 31 May. The president of the Chamber of Commerce, Toby Parkins, said: "The airport income is going to be considerably down. The majority of their revenue was actually coming from that daily flight." Ryanair's year-round service to London Stansted will continue, and in June EasyJet is launching a new summer service to Gatwick. A statement from the airport said the change to schedules "has an impact" but "no single service defines our long-term financial stability". RECORDING 2: An ayrborth a dhiskudhas an jynnys tan ayrennans flamm nowydh, towl a dhelin kevarghow meur yn sawder ha gwedhynder. Pub jynn tan a yll degi bys dhe dhewdhek mil liter a dhowr, ewon arbennek rag batalyas orth tan, ha drehedhes hwarvosow yn neb le war an hyns-tira yn tri mynysen po le. Sodhek tan henavek an ayrborth, Charles Dixon y hanow, a leveris y hwra ynkressya aga gallos dhe “worthebi yn uskis hag yn effeythus dhe woredhommow jynnys ebron.” An lu nowydh a skoodh ughelhwansow sostenadewder an ayrborth. Y hyllons oberi gans oyl losowen gegin dowrdhyghtyes avel rann a assay a dhewdhek mis. An keunysen nowedhadow ma a yll lehe dyllansow karbon. TRANSLATION The airport unveiled the new state-of-the-art aviation fire appliances, a move which represents major investment in safety and resilience. Each appliance could carry up to 12,000 litres of water, specialist firefighting foam, and reach incidents anywhere on the runway in three minutes or under. Charles Dixon, senior airport fire officer at the airport, said it would significantly enhance their ability to "respond rapidly and effectively to aircraft emergencies". The new fleet supports the airport’s sustainability ambitions. They are able to operate on Hydrotreated Vegetable Oil as part of a 12-month trial. This renewable fuel is capable of reducing carbon emissions. RECORDING 3: Rose of Nevada, fylm Jenkin hag y gesskrifer Mary Woodville hy hanow, a lever hwedhel a gok kellys yn mor kyns ev dhe dhasapperya yn treveglos deg bledhen warn ugens a-wosa. Y leveris Jenkin ev dhe assaya diskwedhes fatel wra ev gweles Kernow, rann anodho o “nebes kevrinek.” Jenkin a leveris ev ha Woodvine dhe skrifa an hwedhel ha ni yn-dann naw alhwedh dhyworth gwel tybys pan dhasapperyas kok yn porth bledhynnyow wosa ev dhe vanshya yn hager-awel euthyk. Y styryas Jenkin fatel oberas ev war an tybyans: “Pan wodhvev bos ow skrifa fylm viajya dres termyn my a omglewas pur war res o dhodho bos dyffrans dhe Back to the Future – an pyth usi rag agan henedh an fylm viajya dres termyn heb par.” Henn yw oll ahanav vy. Seythen da genowgh. TRANSLATION Jenkin and co-writer Mary Woodvine's film, Rose of Nevada, tells the story of a fishing vessel lost at sea before mysteriously reappearing in a village 30 years later. Jenkin said he had tried to reflect how he saw Cornwall, some of which was "pretty mysterious". Jenkin said he and Woodvine wrote the story during lockdown from an imagined scene in which a boat reappears in a harbour years after it disappeared in a bad storm. Jenkin explained how he worked on the idea: "Once I knew I was writing a time travel film I felt very conscious that it had to be different from Back to the Future -which for our generation is the definitive time travel film." That’s all from me, have a good week. PRESENTER: Thank you – this week’s An Nowodhow was written and read by Kensa Broadhurst and the editor was Wella Morris. Pic: Marazion by panman.