Siostam ùr siubhail, traidhfeal agus toradh dheuchainnean

Available for 20 days

Tha mòran air a bhith a' siubhal thall-thairis anns na seachdainnean a dh'fhalbh, agus siostam ùr siubhail an EU a' toirt buaidh orra. Chaidh a chur air bhog as t-Earrach, ach 's ann an-dràsta le uidhear de dhaoine a' siubhal a-mach agus a-steach as an EU, a thathas a' faicinn an dàil a tha e ag adhbharachadh. Tha Maureen Nicleòid, a bhios a' siubhal thall thairis gu tric, a' mìneachadh do dh'Emma dè dìreach a th'anns an t-siostam ùr seo. Thig toradh nan deuchainnean gu mòran òigridh ann an Alba an-diugh. Gar bi a bheil iad nan toilcheas neo nam briseadh dùil dhaibh, thèid comhairle a thoirt seachad air na cothroman a tha fhathast air thoiseach orra. Tha dithis ag innse mun cùrsaichean beatha, agus na diofar shlighean a ghabh iad bhon a' cheum neo a' cheàrd a rinn iad sa chiad àite. Agus cò againn nach eil dèidheil air rudeigin milis as dèidh ar dìnnear? A-rèir choltais tha an traidhfeal, a bhiodh air cha mhòr a h-uile bòrd-dìnneir gach seachdain anns na seachdadan, air ais san fhasain, agus e a' nochdadh a-rithist air clàran-bìdhe taighean-bìdh gu math spaideil. Tha Abigail NicÌomhair san stiùido 's i air traidhfeal ullachadh. Gheibh Emma cothrom blasadh air agus cluinntinn bho Abigail air na diofar thionndaidhean as urrainn a thoirt air an traidhfeal.