Faransiiska oo wajahaya hubanti la'aan siyaasadeed kadib markii doorashadii baarlamaanka aaney cidna helin aqlabiyad

Tebin toos ah

1. 2 Saacadood ka horMadaxwaynaha iran:"Beegsiga Maraykanka iyo Israa'iil ee xarumaha caafimaadka 'dembi ka dhan ah bini'aadantinimada

   

   Xigashada Sawirka, Getty Images

   Madaxweynaha Iiraan, Masoud Pezeshkian, ayaa ku tilmaamay weerarrada lagu qaaday xarumaha caafimaadka ee dalkaas “dambi ka dhan ah aadanaha.”

   "Waa maxay fariinta weerarrada isbitaallada, shirkadaha dawooyinka iyo Machadka Pasteur oo ah xarun cilmi-baaris caafimaad oo Iran ah? Dhakhaatiirta takhasuska leh, waxaan ku boorinayaa WHO, Laanqeyrta Cas, Dhakhaatiirta aan Xuduudda Lahayn iyo dhakhaatiirta adduunka oo dhan si ay uga jawaabaan dambigan ka dhanka ah bani'aadamnimada," Pezeshkian ayaa ku qoray baraha bulshada.

   Sida ay sheegeen masuuliyiinta Iiraan, Pasteur Institute of Iran oo ku yaalla Tehran waa— xarun caafimaad iyo cilmi-baaris oo ka badan boqol sano jir — ayaa si weyn u burburtay kadib weerarro dhacay Khamiistii.

2. 2 Saacadood ka horHogaamiyaha KMG ee Konfur galbeed oo ka hadkay waxyaabaha uu mudnaanta siin doono

   

   Xigashada Sawirka, Socail Media

   Hogaamiyaha KMG ee Konfur galbeed Jibril Abdirashiid Haji Abdi ayaa waxaa uu sheegay in dhawr qodob uu diiradda saari doono inta uu yahay hogaamiyaha KMG ee Koonfur Galbeed.

   Waxaa uu xusay in qodobka kowaad uu yahay in dib u heshiisiin dhab ah laga sameeyo iyada oo la kaashanayo shacabka qeybihiisa kala duwan, sida culumada iyo odeyaasha dhaqanka.

   Qodobka labaad ayuu sheegay in uu yahay sugidda amnniga iyo sidii wax looga qaban lahaa iyada oo la kaashanayo shacabka Koonfur Galbeed.

   Mr Jibril oo maanta gaaray Beydhabo ayaa dhanka kale ugu baaqay madaxdii maamulkii sida wasiirada in howshoda ay sii wataan.

   Xalay ayay ahayd markii rai'sul wsaare xasme cabdi bare u magacaabay Jibril Cabdirashiid Xaji Cabdi hogaamiyaha KMG ee Koonfur galbeed.

3. 3 Saacadood ka horXog laga helay Dayax-gacmeedkii ay saarnaayen Cirbixiyeennada ee xalay Mareykanku diray

   

   Xigashada Sawirka, Reuters

   Cirbixiyeennada howlgalka Artemis II ayaa “si fiican u socda,” halka dayax-gacmeedkuna uu “si wanaagsan u shaqeynayo,” sida uu sheegay madaxa NASA, Jared Isaacman.

   Shaqaaluhu waxay hadda ku wareegayaan dhulka ka hor intaysan u dhaqaaqin dhinaca Dayaxa dhowr saacadood gudahood - maxay u socdaan iyo hadda maxay samaynayaan markabka?

   Wuxuu sidoo kale intaa ku daray in kooxda xakamaynta howlgalka ee ku sugan Johnson Space Center, magaalada Houston, ay “si wanaagsan u daryeelayaan shaqaalaha.”

   Jared Isaacman waa ganacsade Maraykan ah oo bilyaneer ah, waxaana loo magacaabay hoggaanka NASA intii uu xilka hayay Donald Trump, wuxuuna xilka hayay dhowr bilood oo keliya. Sidoo kale, wuxuu hore u aaday hawada sare sanadkii 2021 isagoo ka qeyb galay howlgal ganacsi oo ay fulisay SpaceX.

   Sidoo kale akhriso:

   Muxuu yahay walwalka soo foodsaaray hogaamiyaha Kuuriyada Waqooyi?

   Muxuu Trump ugu oggolaaday Pakistan inay dhexdhexaadiso dagaalka Iran?

   Sidee istaraajiyada dagaalka ee Iiraan uga yaabsatay Maraykanka iyo Israa'iil

   Khatar intee le'eg ayaa ku jirta in Maraykanku la wareego Yuraaniyamka Iiraan

4. 3 Saacadood ka horIraan oo weerartay Qatar iyo Kuwait

   

   Xigashada Sawirka, .

   Wasaaradda Difaaca ee Qatar ayaa sheegtay inay ka hortagtay dhammaan diyaaradaha aan duuliyaha lahayn ee dalkaasi oo soo galaya hawadeeda, kaddib weerar ay Iiraan qaadday Khamiistii.

   Wasaaradda Difaaca Kuwait ayaa sidoo kale sheegtay in 24-kii saac ee lasoo dhaafay ay qabteen labo gantaal iyo 13 diyaaradood oo kuwa aan duuliyaha lahayn. Qatar iyo Kuwait oo iskaashanaya ayaa ka hortagay dhowr weerar oo Iran ah.

   Sidoo kale akhriso:

   Muxuu yahay walwalka soo foodsaaray hogaamiyaha Kuuriyada Waqooyi?

   Muxuu Trump ugu oggolaaday Pakistan inay dhexdhexaadiso dagaalka Iran?

   Sidee istaraajiyada dagaalka ee Iiraan uga yaabsatay Maraykanka iyo Israa'iil

   Khatar intee le'eg ayaa ku jirta in Maraykanku la wareego Yuraaniyamka Iiraan

5. 4 Saacadood ka horGantaal laga soo tuuray Yemen oo lala eegtay Israa’iil

   Ciidamada Difaaca Israa'iil (IDF) ayaa sheegay in gantaal laga soo tuuray Yemen lagu soo riday dhulkooda.

   Nidaamyada difaaca cirka ayay sheegeen ka shaqeynayaan sidii looga hortagi lahaa khatarta gantaallada.

6. 4 Saacadood ka horTrump oo xaqiijiyay duqeyn ka dhacday Iiraan

   

   Xigashada Sawirka, Getty Images

   Madaxweynaha Mareykanka, Donald Trump, ayaa baraha bulshada ku wadaagay muuqaal muujinaya duqeyn ka dhacday buundo ku taala magaalada Karaj ee dalka Iiraan.

   Muuqaalka ayaa muujinaya buundada oo qiiq badan ka kacaya ka dib markii duqayn cirka ah oo lala beegsaday gelinkii hore ee maanta.

   Ciidamada Difaaca Israa'iil ayaa hore ugu sheegay BBC-da inaysan ka war heyn weerarkaas.

   Trump hadda wuxuu u muuqdaa inuu sheeganayo mas'uuliyadda Mareykanka ee weerarkaas.

   "Buundada ugu weyn Iiraan way burbureysaa, mar dambe lama isticmaali doono - wax badan ayaa soo socda! WAXAA LA JOOGAA WAQTIGII IRAN AY HESHIIS GELI LAHAYD INTAYSAN KA DAAHIN, MA JIRO WAX HARAY OO LA DHIHI KARO WAA DAL WEYN!" ayuu madaxweynuhu ku qoray boggiisa Truth Social.

   Warbaahinta Iiraan ayaa sheegtay in laba qof ay ku dhinteen weerarka.

   Wasaaradda Difaaca Mareykanka kama aysan jawaabin codsi looga jawaabayo weerarkan.

   Sidoo kale akhriso:

   Muxuu yahay walwalka soo foodsaaray hogaamiyaha Kuuriyada Waqooyi?

   Muxuu Trump ugu oggolaaday Pakistan inay dhexdhexaadiso dagaalka Iran?

   Sidee istaraajiyada dagaalka ee Iiraan uga yaabsatay Maraykanka iyo Israa'iil

   Khatar intee le'eg ayaa ku jirta in Maraykanku la wareego Yuraaniyamka Iiraan

7. 5 Saacadood ka horIiraan iyo Mareykanka yuu hubka kahor dhamaan karaa?

   

   Xigashada Sawirka, Getty Images

   Iyadoo dagaalka ay Mareykanka iyo Israel kula jiraan Iran uu galay maalintiisii lixaad, saadaasha badan ee ku saabsan suurtagalnimada xabbad-joojin ama degganaansho ayaa inta badan diiradda saaray awoodda milatari ee dhinacyada dagaallamaya si ay dagaalka u sii wadaan, halkii ay xoogga saari lahaayeen waddooyinka diblomaasiyadeed.

   Borobagaandada dagaalka waxay ku khasabtaa labada dhinac inay aad uga taxaddaraan sida ay u soo bandhigayaan awooddooda difaac iyo weerar, mararka qaarkoodna xitaa way buunbuuniyaan.

   Warbixintan waxay isku dayaysaa inay dib u eegto xaaladda, kana gudubto hal-ku-dhegyada iyo borobagaandada labada dhinac ee dagaalka, si ay uga jawaabto qaar ka mid ah su'aalaha weli taagan ee ku saabsan heerka iyo sii socoshada dagaalkan.

   "Ku tiirsanaanta tirooyinka ee khamaarka dagaalka."

   Jamhuuriyadda Islaamiga ah ee Iran, oo dhowr bilood ka hor ku lug lahayd waxa loogu yeero "Dagaalkii 12-ka Maalmood", isla markaana la kulantay weerarro culus, ayaa shantii maalmood ee la soo dhaafay muujisay in, inkastoo awoodda difaac iyo weerar culus ee Mareykanka iyo sidoo kale Israel, ay weli awood u leedahay inay waxyeello gaarsiiso danaha Mareykanka iyo xulafadiisa.

   Hay'adda sirdoonka difaaca ee Mareykanka, Defense Intelligence Agency, ayaa sanadkii 2019 ku dhawaaqday in Iiraan ay haysato kaydka gantaallada ugu weyn ahna noocyo kala duwan ee Bariga Dhexe oo dhan. Ku dhawaad toddobo sano ayaa ka soo wareegay markaas, inkastoo Iiraan ay isticmaashay qayb ka mid ah gantaalladeeda muddadan, haddana waxaa la aaminsan yahay in kayd badan uu weli jiray ka hor bilowga dagaalkan.

   Sii akhri

8. 6 Saacadood ka horXeeladda khiyaanada milatariga ee ay hurdo kugu qaban karto labo daqiiqo gudahood.

9. 6 Saacadood ka horPutin iyo Bin Salmaanka Sacuudiga oo farriin diray

   

   Xigashada Sawirka, Getty Images

   Madaxweynaha Ruushka, Vladimir Putin ayaa Khamiistii wacay dhaxal sugaha boqortooyada Sacuudiga, Maxamed Bin Salmaan, si uu u xoojiyo dadaallada siyaasadeed iyo diblomaasiyadeed ee lagu soo afjarayo dagaalka.

   "Wadahadalkan taleefanka, labada dhinacba waxay ku nuuxnuuxsadeen baahida loo qabo in si degdeg ah loo joojiyo colaadaha iyo xoojinta dadaallada siyaasadeed iyo kuwa diblomaasiyadeed si loo gaaro heshiis waqti dheer ah si loo xalliyo khilaafka," ayay Kremlin ku tiri hadal ay soo saartay.

   Sida ay sheegayaan wararka, Vladimir Putin iyo Mohammed bin Salman, ayaa sidoo kale ka wada hadlay "dhibaatooyinka la xiriira wax soo saarka tamarta iyo isu socodka oo ay sababeen dhibaatada ka socota Bariga Dhexe, taas oo si xun u saameysa amniga tamarta adduunka"

   Waxay sidoo kale ku nuuxnuuxsadeen "muhiimadda iskaashiga wadajirka ah ee lala yeesho Ruushka iyo Sacuudi Carabiya iyadoo la raacayo qaab-dhismeedka OPEC+ si loo xasiliyo suuqa saliidda adduunka"

   Qiimaha saliidda ayaa Khamiistii kor u kacay ka dib markii Madaxweynaha Mareykanka, Donald Trump, uu ku hanjabay in weerarro culus lagu qaadi doono Iiraan, taasoo wiiqday rajadii laga qabay in xiisadda la dejiyo.

   Tan iyo markii Mareykanka iyo Israa'iil ay weerareen Iiraan oo ay xireen Marinka Hormuz, qiimaha shidaalka wuxuu ahaa mid sii kordhaya.

   Sidoo kale akhriso:

   Muxuu yahay walwalka soo foodsaaray hogaamiyaha Kuuriyada Waqooyi?

   Muxuu Trump ugu oggolaaday Pakistan inay dhexdhexaadiso dagaalka Iran?

   Sidee istaraajiyada dagaalka ee Iiraan uga yaabsatay Maraykanka iyo Israa'iil

   Khatar intee le'eg ayaa ku jirta in Maraykanku la wareego Yuraaniyamka Iiraan

10. 7 Saacadood ka horWeerar mindi loo adeegsaday oo ka dhacay Uganda

    

    Xigashada Sawirka, Booliska Uganda

    Afar carruur ah - hal gabar iyo saddex wiil - ayaa si arxan darro ah loogu dilay iskuul ku yaal caasimadda Uganda ee Kampala, sida ay sheegeen booliiska.

    Nin 34 jir ah oo la tuhunsan yahay ayaa la xiray laakiin "ujeeddada ka dambeysa dilalka wali baaritaan ayaa lagu hayaa", ayay ciidamada booliiska Uganda ku sheegeen qoraal ay soo dhigeen bartooda X.

    iskuulkan waxaa lagu magacaaba Ggaba Early Childhood Development program, wuxuuna ku yaala deegaanka Makindye oo hoos yimaada caasimadda Kampala.

    Baarayaasha ayaa goobta ku sugan, afhayeen u hadlay booliiska ayaa sheegay in faahfaahin dheeraad ah la bixin doono gelinka dambe ee maanta.

    Taliyaha booliiska Abas Byakagaba iyo saraakiil kale oo sare ayaa sidoo kale ku sugnaa iskuulka, waxaana la siiyay warbixin ku saabsan waxa dhacay.

    Byakagaba wuxuu ku boorriyay dadweynaha inay is dejiyaan inta booliisku ay sii wadaan howlahooda.

    Wargeyska Daily Monitor ee ka soo baxa Uganda ayaa soo xiganaya dadka deegaanka oo sheegaya in qofka la tuhunsan yahay uu iska dhigay waalid , iskuulka ayuu gudaha u galay, ka dib markii uu la hadlay maamulaha waxaa uu uu weeraray carruurta dhiganeysa iskuulka.

    Dhibanayaasha ayaa da'doodu u dhaxaysay laba ilaa saddex sano, sida uu wargeysku qoray.

    Dhacdadan naxdinta leh ayaa argagax gelisay guud ahaan dalka, taasoo keentay walaac xooggan oo ku saabsan badqabka ardayda wax ku barata dalka Bariga Afrika.

11. 8 Saacadood ka horImaaradka oo maanta weerar la kulantay

    Waxaan helnay war cusub oo ka yimid Wasaaradda Difaaca ee Imaaraadka,taas oo sheegtay inay “la tacaaleen” 19 gantaal iyo 26 diyaarado aan duuliye lahayn (drones) oo maanta laga soo tuuray Iran.

    Wasaaraddu waxay sidoo kale ku sheegtay qoraal ay ku daabacday X in tan iyo markii dagaalku bilaabmay, difaacyada cirka ee Imaaraadka ay ka hortageen qiyaastii:

    • 457 gantaallo ballistic ah
    • iyo 2,038 drones

    Tani waxay muujinaysaa baaxadda weerarrada joogtada ah iyo sida ay Imaaradka u adeegsato nidaamyadeeda difaaca si ay uga hortagto hanjabaadaha cirka.

12. 8 Saacadood ka horIiraan oo ka yaabstay Mareykanka iyo Israa’iil

    

    Xigashada Sawirka, Getty Images

    Markii Maraykanka iyo Israa'iil ay weerarro wadajir ah ku qaadeen Iiraan 28-kii Febraayo, su'aasha ugu weyn ee xilligaas waxay ahayd intee in le'eg ayuu dagaalkani socon doonaa?

    Markaa arrintu waxay u muuqatay inay jiitamayso maalmo, toddobaadyo, iyo hadda bilo, waxayna u muuqatay in aanu jirin waqti cad oo lagu soo afjarayo dagaalkan.

    Khudbadii ugu dambeysay ee uu u jeediyay shacabka Mareykanka, Madaxweyne Trump, ayaa si ka duwan sidii la filayay, waxa uu awoodi waayay inuu soo bandhigo qorshe cad, balse waxa uu sheegay in "Mareykanku uu ku dhow yahay inuu gaaro hadafkiisa istiraatijiyadeed ee Iiraan" iyo in "weerarro ba'an lagu qaadi doono Iiraan labada ilaa saddexda toddobaad ee soo socda".

    Waxa uu sidoo kale ku hanjabay "in uu Iiraan dib ugu riixayo Casrigii Dhagaxa".

    Suuqyada Shidaalka iyo Suuqyada saamiyada oo rajo ay ka qabey khudbadii uu shacabka u jeediyey ayaa markiiba ka falceliyay, mana aha oo kaliya in sicirka saliidda si xawli ah kor ugu kacay caalamka, balse suuqyada Aasiya oo kuwa Maraykankuna ku jiraan ayaa iyaguna hoos u dhacay.

    Safiirkii hore ee Maraykanka u fadhiyay NATO Ivo Dalder oo ka jawaabayay khudbada ayaa sheegay in hadalka Trump uu keenay "shaki laga qabo ujeedooyinka dagaalka" wuxuuna ka tagay dhowr su'aalood oo muhiim ah oo aan laga jawaabin, oo ay ku jiraan sababta Maraykanku uu weli u sii wado hawlgallada milatari ee Iiraan haddii sida uu sheegay Trump la burburiyo awoodda Nukliyeerka ee Iiraan, ciidamada badda iyo gantaalaha.

    Hal shay ayaa ku cad hadalka madaxweyne Trump: dagaalku wuu sii socon doonaa.

    Inkasta oo khasaare culus uu billowgii hore dhacay, Iiraan weli si xooggan ayay u dagaallamaysaa oo ay dagaalka u sii waddaa.

    Sii akhri

13. 9 Saacadood ka horIiraan oo farriin ku saabsan hubkeeda nukliyeerka u dirtay Mareykanka iyo Israa'iil

    

    Xigashada Sawirka, TASNIM NEWS AGENCY

    Afhayeen u hadlay militariga Iiraan ayaa ka digay in Mareykanka iyo Israa'iil ay "cawaaqib xumo kala kulmi doonaan" weerarada ay ka geysteen dalkooda, isagoo sheegay in Iiraan ay ballaarin doonto weerarradeeda ka dib markii Trump uu ku hanjabay inuu sii wadi doono weerarrada ka dhanka ah Iiraan.

    War qoraal ah oo ay baahiyeen wargeyska Tasnim iyo ilo wareedyada Fars, afhayeenka militariga ayaa sheegay in labada dal aysan haysan macluumaad dhammaystiran oo ku saabsan awoodaha iyo qalabka milatari ee Iiraan.

    Waxa uu sidoo kale sheegay in soo saarista hubka Iiraan "uu ka dhacayo meelo aadan haba yaraatee ka warqabin," isagoo meesha ka saaray sheegashada Trump ee ah in Iiraan ay ka sii dhamaaneyso hubka.

    Waxaad sidoo kale akhrisan kartaa:

    Muxuu Trump ugu oggolaaday Pakistan inay dhexdhexaadiso dagaalka Iran?

    Sidee istaraajiyada dagaalka ee Iiraan uga yaabsatay Maraykanka iyo Israa'iil

    Khatar intee le'eg ayaa ku jirta in Maraykanku la wareego Yuraaniyamka Iiraan

14. 9 Saacadood ka horMuxuu yahay walwalka soo foodsaaray hogaamiyaha Kuuriyada Waqooyi?

15. 9 Saacadood ka horSu'aasha ay adag tahay in laga jawaabo ee ku aadan dagaalka Iiran

    Frank Gardner, oo ah wariye amniga u qaabilsan xafiiska siyaasadda arrimaha dibadda UK, ayaa is weydiinaya:

    Sidee marinka Strait of Hormuz dib loogu furi karaa si ganacsigu caadi ugu socdo iyadoo la adeegsanayo diblomaasiyad?

    Su’aashan ayaa maanta lagu falanqeynayaa shir khadka internetka ah oo ay leeyihiin wasiirrada arrimaha dibadda, kaas oo ay martigelinayso Wasiirka Arrimaha Dibadda ee Britain, Yvette Cooper, kana dhacaya xafiiska Westminster.

    Jawaabo sahlan ma jiraan.

    Madaxweyne Donald Trump iyo dagaalka Israel uu kula jiro Iran ayaa si lama filaan ah u xoojiyay awoodda wadahadal ee nidaamka Iiraan marka loo eego sidii uu ahaa ka hor dagaalka.

    Iyadoo hanjabaad u jeedinaysa maraakiibta maraya marinkan muhiimka ah, Iiraan waxay si wax ku ool ah u qabsan kartaa dhaqaalaha caalamka.

    Iyadoo boqolaal maraakiib ah ay ku xanniban yihiin labada dhinac ee marinka, qiimaha shidaalka, gaaska iyo naaftada ayaa si weyn u kacay.

    Madaxweyne Trump ayaa mararka qaar ka labalabaynayay mowqifkiisa—mar wuxuu u hanjabay Iiraan inuu ku qasbi doono inay dib u furto marinka, mar kalena wuxuu muujiyay inuu gebi ahaanba ka bixi karo arrinta.

    Hadda, wuxuu sheegay in dalalka u baahan badeecadaha ka imanaya Gacanka ay iyagu xal ka gaaraan arrintan.

16. 9 Saacadood ka horMacron oo weerar culus oo afka ah ku qaaday Trump

    

    Xigashada Sawirka, EPA

    Madaxweynaha Donald Trump ayaa si adag u weeraray France, isagoo ku eedeeyay inaysan ka caawin dagaalka ka dhanka ah Iran, isla markaana si gaar ah u weeraray Madaxweynaha Emmanuel Macron.

    Trump ayaa Arbacadii sheegay in xaaska Macron, Brigitte Macron, “ay si aad u xun ula dhaqanto”.

    Macron ayaa sheegay in hadalladaas ay yihiin kuwo aan habboonayn oo aan istaahilin in laga jawaabo.

    Arrimaha istaraatiijiga ah, Madaxweynaha Faransiiska ayaa sheegay in maamulka Trump uu si joogto ah u bixiyo fariimo iska soo horjeeda.

    “Hadalku aad buu u badan yahay,” ayuu yiri, isagoo raaciyay: “wax walba waxay u socdaan jihooyin kala duwan. Laakiin dhammaanteen waxaan u baahan nahay xasillooni, deggenaansho, iyo ku laabashada nabadda. Tani ma aha riwaayad.”

    “Haddii aad rabto inaad dhab ka noqoto, ma sheegi kartid maalin kasta wax ka soo horjeeda wixii aad sheegtay maalintii ka horreysay.”

17. 2 Abriil 2026Laftagareen ma wuxuu ku adkeysanayaa in uu yahay madaxweynaha KGS?

    

    Xigashada Sawirka, Getty Images

    Tan iyo markii dowladda federaalka Soomaaliya ay magaalada Baydhabo kala wareegtay maamulka Koonfur Galbeed isla markaana uu bartiisa Facebook ku shaaciyay Cabdicasiis Xasan Maxamed Laftagareen, in uu xilkii iska casilay, waxaa soo baxayay is waydiimo ku saabsan tallaabooyinka la filan karo iyo in xaaladdu sidaa ku soo afjarantay.

    Haddaba BBC-da ayaa su'aalahaasi iyo kuwa kale hor-dhigtay afhayeenka mamaulka Koonfur Galbeed Ugaas Xasan Cabdi Maxamed oo aan la yeelanay waraysi dheer oo ku saabsan xaaladda guud.

    Wuxuu sheegay in wixii ka dhacay Isniintii Baydhabo oo ahaa dagaalkii dhexmaray ciidamada dowladda federaalka iyo Koonfur Galbeed ay ahaayen nasiib darro lagan abaaqsan karay.

    Wuxuu sheegay in dhankooda ay go'aan ku gaareen in ay kala bad-baadiyaan ciidamada isla markaana ay keentay arrintaasi go'aankii madaxweynihii ku dhawaaqay inuu is casilay uu kaga baxay magaalada Baydhabo oo ugu duulay Nairobi, oo hadda uu ku suganyahay.

    Ugaas Xasan Cabdi Maxamed oo BBC-d waydiisay in ciidamo iyo gawaari dagaal oo maamulku lahaa ay hadda joogaan duuleedka Baydhabo, waxaa uu ku jawaabay: "Ciidamadu waxey sugayaan amniga maadama gudaha lagu dagaallamay amniga bannaanka ayaa meesha ka bixi kara oo halis gali kara marka sidaa ayay bannaanka u joogaan".

    Saacadihii la soo dhaafay waxaa jiray warar la isla dhex marayay oo sheegayay in Cabdicasiis Xasan Laftagareen uu weli ku adkeysanayo inuu yahay madaxweynaha Koonfur Galbeed isla markaana sida dowladda federaalku u wajahaday mamaulkiisa aaney sax ahayn arrintaas.

    Hase yeeshee Ugaas Xasan Cabdi Maxamed oo ah afhayeenka Koonfur Galbeed ayaa ka gaabsaday arrintaas, isagoo sheegay in go'aanadaasi ay Laftagareen gaar u yihiin, oo xilliga ku habboon uu sheegi doono qorshihiisa.

    Marka kale ayaa BBC-du waydiisay in go'aankii is casilaadda uu ka laabtay iyo in kale, balse mar kale ayaa Ugaas Xasan ka gaabsaday in si waafi ah uu arrintaa uga jawaabo. Wuxuuna carrabka ku adkeyay in aanu bixi karin xog ku saabsan go'aanka iyo qorshaha madaxweynihii hore ee Koonfur Galbeed.

    Itoobiya iyo Laftagareen

18. 2 Abriil 2026Waxaan soo ridnay diyaarad aan duuliye lahayn - Iiraan

    

    Xigashada Sawirka, Getty Images

    Ciidamada ilaalada Kacaanka Iiraan, ayaa xaqiijiyay in ciidamadoodu ay soo rideen diyaarad aan duuliye lahayn oo Hermes 900 ah oo lagu soo riday.

    Ciidanku waxay sheegeen inay soo rideen drone-ta xili ay mareysay magaalada Shiraz saaka.

    Dagaalka u dhexeeya Iiraan, Mareykanka, iyo Israa'iil ayaa sii xoogeysanaya, iyadoo labada dhinacba ay sii wadaan inay isku weeraraan gantaallo iyo diyaaradaha aan duuliyaha lahayn.

    Mar sii horreysay oo maanta ah. Tehran ayaa uga digtay Mareykanka iyo Israa'iil weeraro "baabi'in ah," xilli duqeymuhu ay galene toddobaadkii shanaad oo xiriir ah.

    Digniintan ayaa timid saacado yar uun ka dib markii Madaxweyne Donald Trump uu ku hanjabay in Mareykanku uu Iran uu “si adag u” garaaci doon labada ilaa saddexda toddobaad ee soo socda, waana is-dhaafsigii ugu dambeeyay ee hanjabaadaha labada dal dhexmaraya.

    21-kii Maarso: Trump wuxuu sheegay in ciidamada Mareykanka ay "tirtiri doonaan" warshadaha korontada ee Iran haddii Tehran ay furi weydo Marinka Hormuz muddo 48 saac gudahood ah. Iran waxay kaga jawaabtay weerar ay ku garaacday magaalada Dimona ee Israa'iil.

    Waxaad sidoo kale akhrisan kartaa:

    Muxuu Trump ugu oggolaaday Pakistan inay dhexdhexaadiso dagaalka Iran?

    Sidee istaraajiyada dagaalka ee Iiraan uga yaabsatay Maraykanka iyo Israa'iil

    Khatar intee le'eg ayaa ku jirta in Maraykanku la wareego Yuraaniyamka Iiraan

19. 2 Abriil 2026Muxuu Trump ugu oggolaaday Pakistan inay dhexdhexaadiso dagaalka Iran?

20. 2 Abriil 2026Trump iyo Iran oo dib u cusboonaysiiyay hanjabaadaha ku saabsan inay xiisaddu sii kororto

    

    Xigashada Sawirka, Reuters

    Mar sii horreysay oo maanta ah. Tehran ayaa uga digtay Mareykanka iyo Israa'iil weeraro "baabi'in ah," xilli duqeymuhu ay galene toddobaadkii shanaad oo xiriir ah.

    Digniintan ayaa timid saacado yar uun ka dib markii Madaxweyne Donald Trump uu ku hanjabay in Mareykanku uu Iran uu “si adag u” garaaci doon labada ilaa saddexda toddobaad ee soo socda, waana is-dhaafsigii ugu dambeeyay ee hanjabaadaha labada dal dhexmaraya.

    21-kii Maarso: Trump wuxuu sheegay in ciidamada Mareykanka ay "tirtiri doonaan" warshadaha korontada ee Iran haddii Tehran ay furi weydo Marinka Hormuz muddo 48 saac gudahood ah. Iran waxay kaga jawaabtay weerar ay ku garaacday magaalada Dimona ee Israa'iil.

    23-kii Maarso: Trump ayaa sheegay inay Iiran yeesheen wada hadal "aad u wanaagsan oo miro-dhal ah," wuxuuna dib u dhigay duqeymihii lagu qaadi lahaa kaabayaasha tamarta muddo shan maalmood ah.

    26-kii Maarso: Hakadkaas ayaa lagu kordhiyay 10 maalmood, ka dib markii uu sheegay in dowladda Iran ay codsatay.

    31-kii Maarso: Ilaalada Kacaanka Iran (IRGC) ayaa dib u cusboonaysiiyay hanjabaadaha ka dhanka ah shirkadaha tiknoolajiyadda Mareykanka ee ka hawlgala Bariga Dhexe sida Microsoft, Apple, iyo IBM. Trump ayaa hanjabaaddaas iska indha-tiray, isagoo su'aal ka keenay waxa ay Iran samayn karto, wuxuuna yiri "ma qoryaha carruurta ayay isticmaali doonaan?"