le Emma NicLaomainn

Tha sinn air a bhith a' cluinntinn tòrr anns na naidheachdan mun droch bhuaidh a th' aig turasachd uaireanan agus tha dithis a tha ag obair air a bhlàr a-muigh, Fanch Bihan-Gallic agus Eoghainn Urchadan, ag innse mun na trioblaidean a tha iadsan air mothachadh agus dòighean anns a bheil iad a' dèiligeadh leotha.

Tha Calum MacConnail agus Karen Mhoireasdan a' beachdachadh air cò a dh' fhaodadh àite Anndra Moireach a ghabhail mar rionnag teanas na dùthcha.

'S e Latha Mòr na cairtean-puist a bh' ann bho chionn ghoirid agus tha an sgioba a' còmhradh mu dheidhinn a bhith a sgrìobhadh litrichean agus a bheil iad ag ionndrainn làithean nuair a bhiodh iad a' cuir agus a' faighinn litrichean sa phost. Am bi sinn a' dèanamh mòran sgrìobhadh idir na làithean-sa agus an e sgil a th' ann a tha daoine a' call?