Modrwy Gobaith

Mae Elgan Llŷr Thomas a Trystan Llŷr Griffiths wedi bod yn recordio trefniant arbennig o Suo Gân a Rho im yr Hedd gyda'r arian yn mynd at elusen sy'n agos iawn at eu calonnau. David Doidge sy'n cyfeilio i'r ddau ac Elgan ei hun sydd wedi trefnu'r gân.

Mae'r artist Tesni Calennig o Garndolbenmaen wedi bod yn creu gemwaith - sy' wedi ei ysbrydoli gan gerdd Casi Wyn, "Modrwy Gobaith". Mae'r modrwyau wedi eu gwneud o arian gyda'r garreg Labrodorite yn y canol – sy’n cynrychioli glas y GIG.

Mae’r cyfnod yma wedi bod yn galed i blant ac yn galed iawn i rieni esbonio beth sydd yn digwydd ond nawr mae plant ledled Cymru wedi cael y cyfle i drafod a deall effaith Covid-19 wedi i staff Ysgol y Gymraeg, Prifysgol Caerdydd, gyfieithu stori am y pandemig i’r Gymraeg. “Ti yw fy Arwres: sut y gall plant frwydro yn erbyn Covid-19!” yw enw’r llyfr a Dr Dylan Foster Evans o'r Brifysgol sydd yn esbonio mwy.