Coinneach Diciadain

An-diugh, tha Coinneach air chuairt ann an sgìre Loch Abar agus e a' cèilidh air Mairi Anna Nic Ualraig. Tha Mairi Anna a' fuireachd anns an Àird Ghobhar air taobh thall Aiseag a' Chorrain.

Dè dìreach a th' ann am Buidheann Malairt na Cruinne? Tha sinn a' cluinntinn tòrr mu dheidhinn na làithean seo, agus dè a dh' fhaodar thachair dha malairt ann am Breatainn às dèidh Brexit. Ciamar a thàinig a' bhuidheann seo gu bith agus dè cho cudromach 'sa tha e.

Tha Comhairle nan Leabhraichean a' sireadh dithis airson pàirt a ghabhail ann an sgeama leasachaidh do sgrìobhadairean Gàidhlig nach deach fhoillseachadh roimhe. Tha Duaisean nan Sgrìobhadairean Ùra 2018 a-nis fosgailte do thagraidhean. Dè tha iad a' lorg agus dè am feum a tha duaisean dhen t-seòrsa seo a' dèanamh ann an saoghal sgrìobhaidh?

Agus sgrìobhadh de sheòrsa gu math sònraichte - 'se sin drama telebhisean no "soaps". Tha am prògram Emmerdale a' comharrachadh 45 bliadhna air an telebhisean. Dè a tha a' fàgail leithid a' phrògram cho tarraingeach 's gu bheil e maireachdainn faisg air leth cheud bliadhna? Uaireannan, chì sinn na tha gabhail àite th'annta a-nochdadh anns na pàipearan-naidheachd mar gur e tachartasan fìor a bh' annta. A bheil daoine gan call fhèin uiread 's nach eil iad a' dèanamh sgaradh eadar ficsean agus fìrinn? www.bbc.co.uk/coinneach.